續, 熱水爐壞左 (多圖)

本帖最後由 wk-713 於 2010-10-5 17:11 編輯

我屋企壞熱水爐最頭痛, 因為要搬個大雪櫃離開廚房先可以維修熱水爐, 而個雪櫃又太大出唔到廚房門, 要拆左廚房門先緊緊出到, 因為太過啱啱好, 所以要兩個人先搬到出去, 你話係咪好煩呢.

搬完雪櫃就可以開始進行維修熱水爐, 首先就當然係關電制啦.

關左電制都仲係怕唔安全, 所以關埋總制.

跟住就係出去屋外停水, 然後返入黎拆水喉, 因為估計唔會即日搞掂, 所以將熱水爐的供水截斷, 再出屋外開番水制.

到戲肉了, 拆開個熱水爐檢查o下壞乜先, 一打開見到一條生鏽到斷開左的電線, 心中即時大喜, 因為駁電線我識~, 哈哈.

我同自己講, 唔好咁開心住, 可能發熱管都壞埋呢, 都係check check先.

駁好"他表", 可以開電制, 是通電的, 即係發熱管冇壞, 可以鬆一口氣了.

嘆番杯茶先

依! 狗仔點解咁樣望住我o既? 一定係我掛住整野唔記得理佢, 所以悶到就死.

同狗仔玩左一陣之後就開工, 首先係除去多餘物, 見到接駁位生鏽得好勁, 要諗諗計.

跟住到電線, 都係一樣頭段已經氧化晒.

靈機一觸諗到可以用狗仔用的腳甲磨黎除鏽.

磨到"蠟蠟令"

後面都要磨, 靚晒, 點知唔夠三分鐘, 佢又變返紅色的生鏽鐵, 又要諗諗計對付佢先得.

文房四寶出動, 其實係, "勒雞", 鍚線, 助焊膏 and 清潔綿.

今次一磨完就即時搽上助焊膏, 然後馬上將佢上鍚.

成功, 仲做得好靚添.

倫到條電線, 將氧化的部份cut走, 然後開外皮, 再上鍚.

將電線焊在接駁位, 焊得唔係幾好, 因為電線還是有氧化物, 但係趕住用, 唯有就咁先啦.

用火酒洗"干靜"d助焊膏

我捽呀捽呀, 搞掂.

再用預先套在電線的熱縮管包住佢.

一層有d担心, 所以包夠兩層, 到左呢道維修已經完成了.

然後左望右望之下, 發現爐殼內部開始生鏽, 咁o既情況, 不出兩年就會生鏽到穿殼, 但係今日唔搞住, 因為背脊又痛脛又痛.

冚番個蓋, 駁番d水喉, 試機成功, 好野!

到收拾戰場了, 頭先焊鍚時滴到周圍都係.

好彩冇黐死, 好易清理, 一抺就掂.

然後就要收拾工具了, 整個維修可算順利, 但等病好返就要拆出黎再做好d, 還有除鏽上油漆. 暫時告一段落, 多謝收睇.

附件: 您需要登錄才可以下載或查看附件。沒有帳號？註冊

0

0

肥媽

中級會員

Rank: 2 Rank: 2

2^#

發表於 2010-10-5 15:54 | 只看該作者

師兄果然勇猛,高壓電爐都可以自己修好.
不過我見個底生鏽得咁厲害,
會唔會個爐有D滲漏.

TOP

okuni 發短消息加為好友 okuni 當前離線 UID 165304 帖子 50 精華 0 積分 43 EPC Dollar 43 註冊時間 2010-1-23 最後登錄 2011-10-16 Banned	3^# 發表於 2010-10-5 15:55 \| 只看該作者提示: 作者被禁止或刪除內容自動屏蔽

	TOP