Sketchup 打印舊野, 千萬唔好有 overlap

Super169

之前用 sketchup 做 3D 圖影相, 好多時會幾舊唔同既型狀直接插埋一齊, overlap 左都無問題.
有時為左方便將來改位, 插埋之後都唔同佢 union 成一件野, 反正之後做出黎既圖睇唔到既.

但係, 原來...用 3D printer 就唔可以咁懶了.
當同一個地方, 有兩個 group 重疊時, gcode 既運算原來係用 XOR 的.  即係話, 變左唔打印.

我頭先就係最後出  STL 果下, 唔記得做一野 union, 由得佢幾個 group 一齊印.
就咁睇無問題, 去到 replicatorG 睇都好正常, 但係....打印時就出事了.

以下就係我用一個長方型插入一個四方體入面既結果...
重疊既地方唔吐絲.

下載 (91.42 KB)

2013-7-29 23:46

但係當佢想打印上面打直既柱時, 佢當左下面有野, 直接印落下.
結果變成吐左一堆絲入個洞, 起唔到上去.

下載 (73.45 KB)

2013-7-29 23:46

可能大家習慣做模打印就唔會出事, 不過對於我呢D 做 3D 圖只係影相既懶人, 唔需要考慮有無重疊既地方, 就出事了.
解決方法要睇情形, 最好就盡量唔好 overlap, 如果簡單既圖形 試下 union 成一舊野, 否則....自己執生了.

呢樣野, 可能解決埋我之前既懶人想法, 當要用 PVA 做 support, 可唔可能直接做一舊大大舊既外殼, 然後塞左舊作品入去.
只要佢 overlap 既地方唔出 PVA, 就可以做出超靚既 support 了...不過家陣睇黎, overlap 左既係乜都唔印.
既然唔可以咁爽, 唔知將來 PVA 做 support, 係咪就咁話 full support 就得呢?

Offer

之前用 sketchup 做 3D 圖影相, 好多時會幾舊唔同既型狀直接插埋一齊, overlap 左都無問題.
有時為左方便將 ...
Super169 發表於 2013-7-29 23:51

呢尐咪就係經驗分享!個個也有機會碰到不同問題

Super169

唉...真係吹漲, 諗住印舊野出黎托起條導管好易.
唔駛幾分鐘就畫好左個圖, 到家陣都未打印成功.
頭先改番 union 左至出, 但係唔知點解, 我做左條管, 明明係通既, 我亦uncheck哂唔要 draft 或者 support, 之前印過短少既管都得既.
點知, 一開始都好 OK, 成條管 2cm, 開頭既 0.5cm 都無問題.
但係, 去到後尾, 無端端條管中間織網...好莫名其妙地, 後尾既  1.5 cm 同我填哂 support, 最尾仲封埋頂.
再三 check 過個圖, 完全無問題, 只係好簡單既一條管加個倒轉既 T 做底.
我已經驚佢如果條管打橫起可能起個頂時要 support, 專登改左訓底佢印, 但係都出事.

下載 (17.64 KB)

2013-7-30 00:44

印出黎封左 (反轉影的, 打印時開口向下):

下載 (35.65 KB)

2013-7-30 00:44

唔知我呢舊野, 點樣印會好 D.  有考慮過好似下面咁企直印, 但條管就會中空起上去, 我怕佢會入面印  support.

下載 (18.53 KB)

2013-7-30 00:44

家陣又再打印過, 暫時好似有無事.

Super169

真係 莫名其妙 X 2, 用番同一個圖, 再 gen 一次 STL,  無改任何 parameter,  再 gen 過 gcode 同 x3g, 再打一次......今次無封條管了.  

第一件叫做同我預期一樣既成品出世了......(用唔用得著就係我設計既問題, 起碼叫做整左出黎, 雖然好簡單, 但..攪左兩粒幾鐘)

下載 (26.54 KB)

2013-7-30 00:57

Super169

裝左落去, 上埋膠了, 睇落都 OK.
不過, 由於無薄身既雙面膠紙, 用左雙面貼, 個位比預期高左少少, 但都 OK, 唔會點曲左條喉, 可以接受.

下載 (82.17 KB)

2013-7-30 01:13

希望咁樣唔會再彈左條膠入個轆同機背之間, 打哂交叉喇.

總算叫做做左一件野了.

Super169

諗諗下呢個設計上有問題, 因為太高了, 逼住 set 個位比較低, 勉強高過線轆既中心少少.
暫時都仲可以, 但當 D 膠用左好多時, 捲膠既圈會收細, 會變成幾乎打橫拉而唔係向上拉, 遲下會有問題.

都係改下佢, 改矮D, 再買番卷薄既雙面膠痴上去, 就可以收番高個位, 等佢可以保持向上拉.

ma_hty

回復 6# Super169

樓主, 你個平台的起始距離 離開 噴頭 太遠.  沒用 raft, 第一層 應是 接近注塑般的平滑.

還有, 試試打開 skeinforge 的 skirt plugin, 在印第一層時先印個圈, 可解 模型第一層 剛開始時 的一大點.

ma_hty

... 呢樣野, 可能解決埋我之前既懶人想法, 當要用 PVA 做 support, 可唔可能直接做一舊大大舊既外殼, 然後塞左舊作品入去.
只要佢 overlap 既地方唔出 PVA, 就可以做出超靚既 support 了...
Super169 發表於 2013-7-29 23:51

在 ReplicatorG 用雙頭做 PVA support , 最明顯的方法就是用兩個模型, 一個是 模型本身, 另一是 Bounding Box 減去模型.

Google SketchUp 的 Solid Modeling Tool 可輕鬆完成這個行動的, 先 Union 一次所有 Group, 就會模型本身, 然後畫一 Bounding Box, subtract 模型本身, 就有 support 模型.   雖未算全自動化, 但比你說的小路簡單了.

Super169

在 ReplicatorG 用雙頭做 PVA support , 最明顯的方法就是用兩個模型, 一個是 模型本身, 另一是 Bounding ...
ma_hty 發表於 2013-7-30 03:58

問題係 substract 唔一定做到, 我之前都有諗過做個模去 subtract, 但係當你舊野比較多唔同組件做過 union/subtract 之 類既 operation, 又或者多曲面, 好大機會唔可以 再做.
就好似我家陣舊野, 個 T 底係好簪單既兩個四方體垂直插, 再 subtract 左一條同條管外圓同 size 既圓柱, 之後已經唔可以再用黎 union 條管了, 亦唔可以用 subtract 法幫佢起個模.

我以往多數只係 subtract, 要夾埋既直接插落佢, 見唔到既地方 overlap 左都唔理.  家陣打印出黎就唔得了, overlap 左會變成唔印, 變左個模要夾得好準.
或者 ching 知唔知有無方法在 sketchup 將一件 "non-solid" object 變番可以用黎 union / subtract?

Super169

回復  Super169

樓主, 你個平台的起始距離 離開 噴頭 太遠.  沒用 raft, 第一層 應是 接近注塑般的平滑.
...
ma_hty 發表於 2013-7-30 03:38

ching 果然利害, 我都無提, 你一睇就知我最底果層有 d 出事, 條管個頭崩左, 係因為佢晝個圈時積左舊膠, 打印兩次都係一樣, 同一個位既膠積左一舊, 而個圈就崩左口.
之前試過做個 draft, 但係反而個 draft 唔貼舊野而彈起左, 所以我改左唔用 draft.

等我今晚番去, 試下 ching 既做法, 同下有無改善.