[配件] 分享一下三星手機去深圳三星服務點換電事情

iwantip6

首先,我建議去之前,先做好手機備份,同埋一個重點,你手機是否可以用數據線連接電腦,而且係可以過到資料,因為呢點好重要, 之後大家就會點解

1, 同所有ching 一樣,用wechat搵三星服務,之後預約時間,可能我手機有問題,load唔到果part,所以搵左朋友幫我預約,而我朋友係用大陸電話登記,呢點都比較重要
2,預約後,理論上,果邊服務點會打去你登記果個大陸電話確認,你所換既配件,有無貨,我個人為例,因為我收唔到電話,所以換電時,出左D事
3,我約既點係華強北,建議早D去,我個人為類例,我星期六上,去到就得2個CF整緊機,而排隊既人唔多
4,特別提醒,某類人係唔講道理,所以係要同CF講得清清楚楚,幾時到你,你跟邊個後面,因為果到無飛仔派同跟隊,得同CF講,同層有廁所,建議痾清同買D野食等

事情經過
上4點講左,我明明同CF講好左下一個到我,點知無啦啦都都俾無插左隊,十分吹漲,因為CF不停做野,有時係分唔到邊個同邊個,點解要確認有無配件,因為到我check手機時,我講左我係S22U 港版,我講明我預約好左先上黎,佢都可以話無貨,之後我強調,我已經預約好左,你呢家話無,我大聲同佢講,你呢家係咪玩三星我?之後我俾記錄佢睇,佢入左個房之後,突然間又拎到舊電出黎話有,呢下有點無言!
之後去到CF幫手check機,唔知咩事,因為佢地要插線check機跑程序,點解噤講,因為CF解釋,要check機登記,點點點點點之類,但換左2條線都係只供充電,用唔到過資料果個功能,極之詭異！我話我早3日前就插過線過資料,係無可能會噤,之後再試,都有俾我睇,真係唔得,之後CF建議話換個接頭,不過都百幾蚊,而因為一心想換電,算啦俾囉!
好啦!神奇既事又發生啦!接口換左,電又換左,但插線check機又係無反應!又攪左一輪,話可能主板壞,我話唔三星攪埋,係同我換左電佢算啦,個CF都有講話都唔建議換主板,但如果噤換電,會無左保養,我話無三星所謂啦!
之後完成灑所有事後,換電只係用左HKD277.66,用左3日,正常無事!

但最詭異既事係,我用電腦插數據線過資料係無問題!問你死未?

以上個人分享,有時候,值唔值去做,就自己諗下!

題外話,有個人部S23U換電,話部機用一年,舊電漲一次,佢已經第2次換,佢講佢平時唔係充滿100%,係開左保護,充80%,但都出事,又係一件詭異既事!

歡迎大家補充資料及提供意見!