又係教學時間　ｗｉｎｄｏｗ８小技巧教學

本帖最後由 wongkit23232223 於 2012-11-25 02:04 編輯

暫時用住純文字教學，希望大家見到有岩用既技巧都提出黎
集合成一個ＰＯＳＴ方便新手睇

－－－－－－－－－－－－－－－－－－－－－－－－－－－－－－－－－－－－－－－－

１）本機帳戶及windows live帳戶
如果由windows7直接升上去windows8
你一入到去會發現Metro APPS好多都開唔到
會提示你轉換帳戶去使用
其實係因為好多Metro APPS都要跟Windows Live帳戶先提供服務
你要去新增一個Windows Live帳戶先用得
方法有２種:
經Metro：滑鼠去右下角再等彈出黎Charm Bar既"設定"，之後禁最下面的"變更電腦設定"，去到設定畫面揀使用者，之後係最下方新增
又或者入去控制台以windows7方式新增帳戶

２）Metro 及 Desktop
Windows8最大特色係分開Metro同Desktop
你可以係Metro運行簡單易用的APPS，又或者係入Desktop用返平時用開的程式
需要注意到一點，Desktop其實係當係Metro APPS的一個，等等你會明點解
轉換有幾個方式，先講滑鼠方式
將滑鼠指去左上角，會顯示其他已開啟既APPS畫面，無開過就無反應
將滑鼠指去左下角，會顯示Metro APPS的首頁，如果已經係Metro APPS，左下角則會顯示Desktop畫面
將滑鼠指去右上角或右下角，會有一個小功能表叫Charm Bar的出現，當中的開始就係轉換Metro APPS同Desktop畫面

又或者使用鍵盤
可以禁windows制，呢個會係轉換Metro APPS同Desktop畫面
可以禁windows制＋Tab，呢個組合係轉換唔同既Metro APPS（呢個唔會轉換去你Desktop開既程式而係單純去Desktop，所以我認為Desktop都係Metro APPS一個，只係佢入面可以開到其他程式）
可以禁ALT+Tab，呢個組合係會轉換所有已開啟既程式同APPS（但唔會有Metro APPS首頁）
如果你係Metro APPS內，可以禁windows制+D，會回到Desktop，你再禁多次windows制+D，就會變成顯示桌面

３）開始鍵既消失
好多人認為開始鍵消失，打破左過往用咁多代Windows的習慣
其實網上已經有唔少程式可以加返上去，有Ｄ收費有Ｄ免費，暫時我未有接觸，所以唔提供任何取代既建議

實際上開始鍵係拆開左，如果你有常用既程式，你可以係Metro APPS加入去首頁，
進入去Metro APPS後，你可以係空白位置禁滑鼠既右鍵，最右下角會出現"所有應用程式"既按鍵，之後會入左去所有應用程式既位置
呢個係等同WINDOWS7開始鍵既所有應用程式，但分別係佢一早已經開啟哂所有file，會有Ｄ亂（好多程式會加埋Help或該程式既網頁）

當然你可以作出修改，你可以直接係唔要既程式上面禁滑鼠右鍵，最下方會出現幾個選擇
第一個係加去Metro APPS首頁，方便下次直接開啟；
第二個係加去Desktop最下面做長註；
第三個係移除該程式；
第四個係開新既程式；
第五個係用Admin去開啟程式；
第六個就係開啟呢個程式係"所有應用程式"既位置

你禁第六個之後，會開啟左個File，你可以係到修改"所有應用程式"會出現的程式
又或者直接去"C:\ProgramData\Microsoft\Windows\Start Menu\Programs"修改

提示：因為右鍵已經有移除程式，所以建議大家將uninstall既捷徑刪除，以便令"所有應用程式"更簡潔
不過一定要小心修改，因為刪錯就要好麻煩先加返上去
提示2：如果都係覺得太多，其實可以禁右下角好細個既按鍵"-"會縮細所有APPS去跟APPS名同FILE名排

另外，係Desktop中開"我的電腦"同"控制台"其實唔難，滑鼠去左下角禁右鍵，會出現個列表
入面已經有常用既工作管理員，控制台，檔案總管(即我的電腦)同RUN
網上有教學點加其他程式入去，過程唔算簡單，所以留畀大家去試
(Windows 8 隱藏的開始功能表解密，DIY 開始功能表項目-T客邦)

４）Metro APPS的關閉和雙開
Metro APPS提供一個更簡單方便既應用，但問題係佢主要FOR可觸控用
當你開啟左一個Metro APPS，唔想要佢係背景RUN的話，可以用滑鼠指去最上方，會變成手掌，之後左鍵加向下拉，就會結束該Metro APPS
而Desktop就需要去到桌面先用得呢個關閉功能
或者可以禁鍵盤上既ALT+F4

另外，如果唔係拉去最下面而係拉去左或右邊，可以轉位開兩個Metro APPS
但唔係一半分開，例如你用緊youtube Metro APPS，就可以背景播放youtube
可以隨時轉去Metro APPS同Desktop，取消呢個功能只需要將中間果行拉哂去你唔要既畫面

５）刪去舊的windows
如果由舊windows升上黎windows8
佢會好好心咁幫你backup 舊windows，去C Driver你會發現有個windows.old既file
其實就係舊既windows，如果你用唔著舊windows又想刪去
你會發現因為權限問題無法移除
家陣你就要用以下兩種方法移除

right click C Drive ，揀內容-->磁碟清理-->清理系統檔-->tick 之前的 Windows 安裝 (由albert_ma提供)

另外一個係轉換權限，呢一方法通用於任何無權限刪除或修改既檔案
首先係windows.old上面禁"右鍵"，禁"內容"，再揀"安全性"
會見到有兩個表格，你再禁"進階"，
係彈出黎既"windows.old的進階安全性設定"下面會見到擁有者係寫住"TrustedInstaller"
需要做的係禁下面既變更權限，之後再係上面"TrustedInstaller"後面禁變更
係彈出黎既畫面到禁"進階"，再禁"立即尋找"
之後揀"Administrators"後確定
完成後會去返"windows.old的進階安全性設定"
Tick埋下面"取代子容器與物件的擁有者"同最下面既"以可從物件繼承的權限項目取代所有子物件權限項目"，之後禁確定（正常會LOAD好耐）
之後回到"內容"，禁"編輯"，將每個使用者都允許"完全控制"，確定變更後確定"內容"
之後你可以慢慢修改任何windows.old的檔案

６）搜尋應用程式
Windows7搜尋應用程式時要去禁左下角既開始，之後打應用程式既名稱，或者去所有應用程式慢慢搵返
實際上去到Windows8，搜尋應用程式同樣方便，只要入到Metro APPS頁面後，直接輸入鍵盤就可以搜尋，或者用滑鼠右上角或右下角開啟Charm Bar後打開"搜尋"
當然係直接禁"Windows鍵"再加程式的名最快

７）輸入法的各種技巧
輸入法係Windows8中改變得最大既地方，一般新手會發現Windows8中"Ctrl"加"Space"係好奇怪的輸入法轉換，以及好多好多按鍵組合會改變左
以下會講預設的按鍵以及如何去更改按鍵的方法

預設的按鍵：
預設的"輸入法的狀態列"係簡單式，上面只會有灰白色的現使用輸入法以及中或英的輸入模式，而只有在輸入模式上按滑鼠右鍵先會有言語選擇表
如果你係用緊中文輸入法好似倉頡同速成，只要按左邊或右邊"Shift"鍵就可以直接轉去英文輸入模式，再按多次就會回復原有既中文輸入模式
其次，如果你有兩種語言，例如中文同日文，切換唔同語系，就可以按"Windows鍵"加"Space"去轉換，或者係"Alt"加"Shift"

更改按鍵：
Windows8簡單式"輸入法的狀態列"其實可以轉換回Windows7既詳細"輸入法的狀態列"，方法係去"控制台">"時鐘、語言和區域">"語言"左邊的"進階設定"，內部的"在桌面語言列可用時使用它"就係換回Windows7式"輸入法的狀態列"
唔想成日禁錯"Shift"鍵變左轉換輸入模式，可以取消佢，方法係"語言"上的中文輸入法按"選項"，之後再係各輸入法的"選項"內的"進階"作更改
如果以前係用開"Ctrl"加"Space"去轉換語系，家陣會發現只係變左取消輸入模式轉換，唔想下下禁"Windows鍵"加"Space"或者唔習慣禁"Alt"加"Shift"，其實可以改：
去"控制台">"時鐘、語言和區域">"語言"左邊的"進階設定"，下面有"切換輸入法"，再下面有得揀"變更語言列快速鍵"，入到去會見到"切換輸入語言"，可以改"Al"加"Shift"去以前的"Ctrl"加"Shift"，而最下面的"中文輸入法－啟用／停用輸入法切換"可以改去你從來無可能禁到既方法去取消呢個功能

ＰＳ：切換全/半形模式既快捷鍵"Shift"加"Space"係Windows8中被取消，而且無法更改，只能夠手動式去轉用

８）自動登入Windows8
如果你的電腦只係你一個用，或者你討厭左下下開完機入Windows8都要輸入Windows Live的密碼，其實可以改為自動登入
（請小心到時電腦被他人使用既可能同危險，本人不負任何責任）
去左下角按滑鼠右鍵開啟"執行"或直接禁"Windows鍵"和"Ｒ"的組合打開"執行"，輸入"Netplwiz"，係"使用者帳戶"下面取消"切須輸入使用者名稱和密碼，才能使用這台電腦"，之後去下面表列搵返你需要自動登入既Windows Live帳戶，連Click左鍵打開密碼輸入，輸入後就會係每次開機後直接登入呢個帳戶

９）不限地區下載Metro APP
如果試過轉成個系統去其他地區的用家，會發現原來M$的Market會根據使用者的語系黎提供APP下載
假如唔想轉黎轉去黎裝唔同APP或者想睇哂全球既APP，可以根據以下步驟
1)打開Metro APP頁面並且進入Market
2)將滑鼠指去右下角或右上角開啟Charm Bar
3)選擇"設定"再選擇"喜好設定"
4)把第一個選項"Make it easier to find apps in my preferred laguages"改成"NO"
回去Market就會發現多了幾百個APPS