本帖最後由 whk1992 於 2013-8-23 15:39 編輯
序: 我砌新機, 所以買咗個機箱。
( 這算是甚麼序言?!?!)
原廠介紹:
http://www.corsair.com/us/pc-cases/carbide-series-pc-case/carbide-series-200r-compact-atx-case.html
我揀呢個機箱係因為佢夠平實。須知各花入各眼, 有人喜好機箱佈滿閃閃燈光; 我獨愛黑色機箱, 貪佢夠實而不華。簡簡單單一個機箱, 前後上下各有預留空間裝風扇。想知規格就自己click上面條連結去官方網站睇, 我懶, 唔喺度抄書咁抄一次出來喇。

用咗近兩個月 (塵都見到喇 ), 知道個箱有咩好同唔好, 咁就喺度略略同大家分享吓啦。
前方面板
標準配備有齊, USB 3.0埠兩個, 耳筒同咪插位都有。USB插位起手好實, 要大力插先插得入。用咗兩個月鬆咗D, 現在就似正常鬆緊度。右上角係重新開機, 硬碟燈號同開機(連燈)制。按下時, 開機制比重新開機制深好多, 保證唔會意外撞到。硬碟同開機燈號係我最唔鐘意之處 --- 晚間呢兩粒LED足以將我房白牆照成~30%灰色 我都唔知Corsair整到佢咁光做乜。得閒行過電子零件舖我買兩粒電阻整整佢。
細看5.25" drive bay, 你會見到光碟機面版係斜向一邊。呢個係光碟機造工問題, 同個機箱無關。
面板喺好實淨嘅啤膠, 大力篤落去都唔變形。面板係啞色之餘仲有幼細紋理, 令個機箱望落去絕不兒戲。呢點Corsair抵讚。

側面望埋光碟機, 部碟機無突出來, 夠平滑, 亦唔似同門產品咁煩 請記住200R係Corsair中最平嘅大箱, 但廠方無將貨就價, 反而佢D 300 系列呢就真係 (註: 碟機面板左下角突出來係碟機造工問題, LG真係呢 )

機箱設計係正面入氣, 後面出。正面有全天候隔塵, 面板後有可拆式隔塵網。大家知隔塵網係用來做乜, 我唔多講喇。反正我都未試到個塵網真章, 講多都係齋吹。

Corsair又一抵諗嘢: 全部風扇mounting hole都配有吸震膠, 既吸震又保護機箱表面免受螺絲刮花。最欣賞係Corsair出廠就裝好哂D膠粒, 用少一個包裝之餘又方便我唔使執起D細細粒嘅膠逐粒上實。
當然, 如果閣下係打算用140mm風扇, 咁就恭喜哂, 你要拆返一半出來自己裝 

全機所有配件都係黑色, 連拉釘都係

卡槽: 自己睇。
裝大卡時煩少少, 事關佢tolerance做得細。其實係好事, 咁代表張卡鎖得牢固。純粹係裝嗰陣D mounting緊一D, 要小心來唔同整花個機箱。順帶一提, 機身表面係全磨砂。我唔知廠方係用焗漆定powder coating, 總之我裝機時撞咗幾次都無損傷啦 

內籠
講咗我用咗個箱兩個月, 所以無得睇機箱空嗰陣係點。要睇就自己google搵圖啦。
機箱夠鬆動, 我裝機無遇到煩事。

5.25" Drive Rack

呢個係2.5"硬碟架。我必需指出全個機箱都備有tool-free mounting。安裝2.5"硬碟時係唔使用螺絲, 我只係手痕加兩粒。
打算用長卡嘅朋友要留心。我有張Raedon HD7950卡, 安裝時乜問題都無。之不過張卡係對正2.5" Drive。如圖中所示, 2.5"硬碟D電線係對住擴充槽咁去。我張7950卡裝完後仲有寸半空間。如果你用張更長嘅卡就要問問Corsair先 (或者你喺度留言話聲我知, 我可以放把尺上去影張相。

走線方面, 機箱底板後有足夠位置。唯獨我穿條ATX 12V時剛剛好夠長, 朋友們要有心理準備, 你隻牛條線短就可以買定延長線喇。

我懶, 無執線。反正機箱底夠位。
之但係你打算底部打裝風扇的話就有排頭痛。我唔知你D線走去邊好。

菜一堆。

頂部有位裝厚風扇。

我部機用咗Silverstone AR01, 配備120mm風扇。如果你想用140mm散熱器的話就諗都唔使諗, 因為家陣機箱側板同散熱器頂部得半寸位。

係咁。 |