回復 1# 98a
係街揾人幫你改都非常難揾到, 除非你大把錢, 自己改其實唔太難, 問題係你首先要添置一些架生...呢個係重點! 值唔值得左改一個舊機箱而去花費幾舊水買工具買材料, 分分鐘貴過你買一個靚靚仔仔有透側的新機箱, 當然街買的新機箱未必合眼緣, 自己改就可以滿足自己既要求!
真係想自己動手既首先要買一把手提打磨機, 價錢大約...平價大陸機要兩舊水左右, 好 d 靜 d 既可以買把 "占姆" 大約五舊水左右, 之後要買一個鋼水好 d 既金屬切割片, 大約十幾廿蚊! 嫌打磨機太貴, 可以買把方角鉗 (大約五十蚊左右) 慢慢逐下逐下用手鉗斷佢, 問題係用方角鉗你首先要諗辦法將塊側板開一個窿你先放到把方角鉗入去..所以搞完之後你塊側板一定縐哂皮, 而且你鉗完之後當晚包你揸快子都冇力
俾你開到個大姑窿後, 想 d 邊位冇咁介手, 你可以銼滑佢之後買罐油噴番令仔佢, 要求高既可以去淘寶買 U 型膠邊套入去, 大約幾蚊一尺, 呢 d U 型膠邊香港好難買得到你唔洗嘥心機去揾啦!
跟住你要去賣廣告膠片舖買一塊亞加力膠片, 量度好大少叫人幫你介埋分分鐘收你百幾二百蚊! 之後可以去買一把熱膠槍...大約四十蚊一把, 用熱膠去癡塊亞加力, 因為咁樣比較實, 又或者買一餅 3M 紅色面既透明雙面膠紙去癡, 大約三四十蚊!
所以你自己衡量下值唔值得去投資呢 d 架生啦, 仲要諗下你自己手勢好唔好先得, 如果唔係盞嘥心機!
先去 Youtube 搜尋 "Mod Pc Case" 啦! 大把改透側片俾你睇呀! 睇完再諗啦...係咁...完 |