港車北上VS內地買車

BOYHD

有無師兄宜家有港車北上資格，好用嗎？每次都要行港珠澳會唔會兜遠左？

我住北區所以覺得係大陸買車泊係大陸關口附近停車場好似方便D
大家覺得邊樣好？
之前問過一D中介關口附近停車場大概$300-$400一個月
我有個內地朋友租左一個$10一天既地下停車場不過就唔會太近關口

ckkong97

有無師兄宜家有港車北上資格，好用嗎？每次都要行港珠澳會唔會兜遠左？

我住北區所以覺得係大陸買車泊係大 ...
BOYHD 發表於 2025-10-15 09:50

港車北上，最大好處係運貨過關，我指北上買到成車野唔洗拎餐死一車車番香港 另外就係老人家70+唔須要落車過關
至於橋費油錢，我剛剛續新一年港車北上，過往一年總共北上咗23次，俾咗5800係etc, 一年全入大陸油6800，就咁計其實香港果筆油錢係等於橋費加大陸入油錢
仲有，港車北上玩珠海中山物價係平過深圳 好少人港車北上會開車去深圳（我試過，不過係玩咗八日，珠海台山新會廣州深圳珠海澳門珠海）
至於深圳買車養車，我住東鐵沿線都無打算咁做，我上深圳都係半個鐘到羅湖/落馬洲，我知有人咁平玩大陸車，但香港養車果班好少咁做
粵車南下，每日一百架最多三日，香港人完全玩唔倒
四千萬架車抽一百架

via HKEPC Reader for Android

BOYHD

回覆 2# ckkong97
因為就10-1國慶節我和家人和大陸親戚一齊開車去桂林，親戚就自己有車我就租車感覺係大陸租部車或者買部車好似都幾方便咁，因為北區要去港珠澳關口果邊大概都要1-1.5小時吧所以先霖我1.5小時係大陸應該都上左高速，同埋每次港珠澳關口費都幾甘，翻大陸300入油應該都差唔多滿

ckkong97

回覆  ckkong97
因為就10-1國慶節我和家人和大陸親戚一齊開車去桂林，親戚就自己有車我就租車感覺係大陸租 ...
BOYHD 發表於 2025-10-15 21:30

港車北上只限廣東省，桂林係廣西
我最多入過95 53.62升398.4 人仔，著咗油燈但未到底
都係果句，香港段既方便，係養大陸車俾唔到
，我老婆鄉下係東莞，試過農曆新年開車去，不過真係要三個幾鐘，反而東鐵加動車去東莞兩個鐘內就到
同埋去到東莞，我地係泊低架車係酒店，坐親戚車週圍去
仲有，除咗珠海同中山九成認到香港車牌，其他地方九成唔得，要掃QR code 入停車場
其實你香港有無養車，有養開其實都知香港養車，油錢，停車場係好貴，去珠海泊車入油洗車整車係好平，而港車北上成本只係第一次大陸驗車900+大陸保險大約兩千，呢個價錢對於係香港養開車既人根本唔算係乜錢
至於香港無車，的確可以深圳買架電車泊深圳，不過最好都兩三個星期要開一次車，差下電咁

via HKEPC Reader for Android

99819925

大陸買車養車係超平…不過避免唔到返香港過關嘅長龍同要迫返火車巴士
五菱出架星光730 7人車超抵，十萬多啲就有

antonyhk

好睇你想要咩，港車北上賣點係可以揸自己部車，車埋屋企人/朋友北上係廣東省內四圍去吃喝玩樂、購物及平價維修保養部車。買完嘢放車尾一嘢車到屋企樓下，就算來回要俾橋費，打爆油缸慳既錢已夠抵番

同你係深圳買車，要人肉過關迫人上上落落，感覺完全唔同 大陸買車雖然可以揸出廣東省，但舟車勞頓揸咁遠，點解唔坐飛機/高鐵到當地再租一嗨/神州車呢？   仲要養多部車，平日用唔到，化唔化算自己諗

javacomhk

睇你幾多人一齊北上啦！
同埋睇你香港用車多定大陸用車多啦！或者大陸去幾遠。

如果淨係深圳玩，搭地鐵仲方便。間唔中出去遠的，搭高鐵再當地租車仲好。

ckkong97

其實最近都好多youtube流量既David,大灣區搵工失敗返香港做老本行開的士，香港返四日工虎門站附近租樓住三日，佢架車泊租樓果度，果三日會開車出去，咁養大陸車就啱，你話一星期上一日甚至兩三星期先上一次，咁租車會平過買架車放係度囉

via HKEPC Reader for Android

manchars

我2樣都有
事實係要睇你想去邊
我上深圳東莞廣州，或要出廣東省，就會揸大陸架車
去珠海澳門嘅話，就會揸香港車
之前去中山佛山都會揸香港車，但我住北區，上深圳揸大陸車簡單好多

via HKEPC IR 5.1.14 - iOS(5.1.1F)