本帖最後由 hkwtongme 於 2018-4-23 15:49 編輯
我由2015年到而家,大大話話買咗20-30個各種USB-C充電器,總結經驗最好就係買一個USB-C(或者用原裝嗰個),再加個細體積嘅multi 制式USB-A充電器,比如紫米,20幾人仔,support由QC、Apple到FCP嘅大部份制式,必要時重可以用嚟充MacBook 或者MacBook pro(最多都係得5V2.4A,雖然慢但都叫做可以應急用,我好多時一兩日嘅trip就會帶一個手機牛加個USB-C PD尿袋就算 )。
盡量唔好買一個type-C PD 加一個USB-A嘅牛,我買咗5-6個唔同牌子嘅,都係充MacBook時個mon會一明一暗咁閃,但一個USB-C加兩個或以上嘅A口就未見過會有呢個問題,目前最抵用係80人仔左右嗰個,但USB-A雖然有兩個,不過最多都係出2.4A,而C口就最多29W,MacBook r同MacBook pro13都無問題,但MacBook pro 15就充得有啲慢,如果唔想帶原裝嗰個大牛龜充電器可以考慮小米嗰個45W,雖然得原裝牛一半左右功率,但實際上3個鐘就可以充滿MacBook pro 15, 上面講嗰個65W細牛有兩個唔好,一就係條線唔換得,二就係充滿電會停,所以充滿電之後會做成個mon一明一暗(同雙口牛嘅一明一暗唔同,嗰個係充緊電嘅時候會一明一暗,充滿反而未必會),但我嗰個係第一代,投訴咗佢地話改firmware,但唔知改好未。
而家我最想要嘅其實係有2個USB-C PD嘅充電器,一個大約20W俾手機用,另一個30-40W俾電腦用,咁就唔使再帶USB-A線,因為好多QC 3.0或者華為手機嘅C口都可以support PD充電,另外好多USB-C PD口嘅充電器都support QC,應該無乜生產難度。 |