我又加入埋E210K 行列..（ching更新smartone 同csl 支援速度）

raytsui00

本身用緊部S3 行貨, 但見到韓版個spec. 真係好吸引, 2GB ram + 32GB rom..... 部行貨得1GB ram, 一開機已經都返4xx mb, 所以好多時都唔順,特別係睇相(sd 卡內),真係要load...同埋入完apps 按home 去返首頁, 例牌要load 一load 先有返個鐘同d apps icon, 所以把心一橫上淘寶淘左部E210K @ RMB$3980. 仲有d 贈品送, 清水套,  SimCard cutter, screen protector, OTG cable,card reader.
不過問左幾間都係唔可以直接寄落香港,因為電池過唔到海關wo....最後我而家買0個架,佢包順豐國內免郵,我叫佢寄去我平時用開起深圳既集運公司(我之前都用呢個集運公司寄過電池落黎都冇問題)...順豐真係勁...14:00 賣家收貨,同日19:00 集運公司收貨,之後叫集運公司寄落香港(間集運係00:00 cut 單),第二日收到...之後確認賣家收貨,賣家話快遞簽收後24小時內確認同全5星評價有$20 退...冇形中包埋集運公司既運費,集運收$14 首公斤.

跟機有16GB MircoSD, 兩電, 差座, 耳機, USB 線, 火牛, 韓文說明書..
由於好多師兄想知,不如直post 條link 上黎.而家仲要係$3850人仔,平左tim....大家記住要同賣家講一定要K版,如果唔係佢會俾部S版你, 同埋個盒同部機既s/n 未必一樣, 如果知iPhone 港版點入大陸市場就知點解d S3 會咁,因為盒同機分開運..其實問題不大,因為都唔會有保養,齊件就得....新機返黎應該銀邊位都有貼膠防花(唔知點解港版係冇既...)
http://item.taobao.com/item.htm? ... &id=14840161484
韓版右,港版左...個盒明顯大好多,梗係啦韓版跟埋差座兩電,唔使加$250 買...


淘寶賣家跟既贈品,冇拎晒出黎影.

盒內既野..


港版同韓版.


佢地外觀既分別係韓版機底頂部有條天線(For 韓國睇高清).
打開機底內部分別係韓版個電既size 係細D但都係2100mah, sim card 同 sd 卡位大致相同..
其實我買呢部機主要係因為佢係行1800Mhz LTE,而我又係Smartone 客, 博一博可唔可以用佢地既LTE~~

機能就真係順過部行貨...其實部行機都唔慢,但對比部E210K 就真係byebye, 始終Ram 多係皇道,順暢晒睇相(SD 卡內) 仲快過iOS, 同埋個Rom 大左一倍,心理都好D...因為之前部行貨返黎只得11.x GB 可用, 裝返d apps 之後得返6.x gb , 換機前得返5.9gb...而家部E210K 裝返晒d 野再加多幾隻apps 都仲有19.x GB... 不過都係心理大於實際..

網絡表現..因為未行到3.5g...所以流動數據都係行機快d...但尋日起石澳test過行機行3.5G 有6.xMB download, 韓版3G 有4.xMB download, 但試過韓版起筲箕灣行到11.X MB .... wifi 韓版最高27.x MB..行機25.x MB ...

ny911

thx.... for the report. i wonder if 3 supports 1800 mhz lte.

paullau000

樓主唔check機就確認收貨??

raytsui00

樓主唔check機就確認收貨??
paullau000 發表於 2012-7-31 02:30

部機星期五20:00 集運收貨,星期六11:00 到我手,到我手都仲有大把時間先到24小時deadline...大把時間check 機....我17:00 先確認收貨,都冇存在冇check 機就確認...

kitsonlam

CHING部機係咪無任何問題?
可以PM邊間淘寶嗎?
因為淘寶太多間..唔知揀邊間好..

raytsui00

CHING部機係咪無任何問題?
可以PM邊間淘寶嗎?
因為淘寶太多間..唔知揀邊間好.. ...
kitsonlam 發表於 2012-7-31 02:46

    部機用左三日，硬件無問題，個rom 發現有小bug，就係插定耳筒聽歌之後抆走耳筒，部機唔識轉返去speaker，用左聽筒出聲，不過唔係次次都係，可能update 左firmware 會fix 到，因為我未更新到最新firmware， pm 聽日俾你，但佢問唔寄香港。

sergeant

我去過朗豪坊揾唔到4G

睇你d 贈品應該同我同一個賣家度買