藍牙發脾氣罷工

純綷發下「勞蘇」！

今朝同事部 Notebook 的藍牙發脾氣玩罷工，話說他開部 Notebook 用了不夠一個鐘後就 Hang 機，要長按 Power 掣去強制熄機。重新 Boot 機後就發現所有藍牙裝置無法連線。本應 Win11 按 Win-A 打開 Quick menu 會有 WiFi、藍牙、Hotspot……之類的開關 Button，但發現成個藍牙 Button 消失了。

入 Device manager 睇睇，發現個「Intel(R) Wireless Bluetooth」出現感嘆號。試過 Right click 它選停用，然後 Reboot 再入 Device manager 將它再啟用然後再 Reboot，但都係出感嘆號。

因為趕時間工作，無詳細搵原因，先停用部機內置的藍牙，再係公司的電腦雜物箱搵到粒不知名的 USB 藍牙收發器插入部機用住先，不過反應都怪怪地。雖然成功配對到 Keyboard 和 Mouse，但必需要持續使用，一但長時間閒置到就不能再用，例如長時間打字無用過隻 Mouse，當隻 Mouse 夠鐘自己休眠，就算 Wakeup 返隻 Mouse 都不能再連線，要解除配對再重新配對過先至可以再用隻 Mouse，掉轉如果稍為長時間無用過 Keyboard 都一樣係要先解除配對然後再做配對先至用得翻。聲就重衰，雖然配對到對耳機，但聲音窒下窒下。

同事免為其難的用了一個上午，放 Lunch 時熄機出去食飯，食完返來開機又出事，雖然仍然係熄機去食 Lunch 前一樣的硬件設定，都係停用部機內置藍牙，插住粒 USB 藍牙收發器，但又再次所有藍牙裝置都不能連線(包括 Quick menu 內的藍牙開關 Button 都失蹤)，拆走粒 USB 藍牙諗住重插再試過，但心血來潮，想話試下啟用返部機內置的藍牙，竟然一切回復正常！！耳機的聲無再話窒下窒下，Keyboard 和 Mouse 就算閒置到休眠，只要 Wakeup 返就即刻自動連返線，連線手機過 File 亦都好正常！起碼由 Lunch 後到現在，一直正正常常的運作。

真係吹漲！