八達通推PayPal轉帳功能 首5000名用戶送50元

chue

有冇人用左?個流程係點?因為而家世界杯未有時間試,最大問題應該係 OEPAY 呢隻 APP 已經改善左難用否?

https://topick.hket.com/article/ ... E9%80%8150%E5%85%83


八達通行政總裁張耀堂(左)稱，期望新推出的PayPal增值服務可以為沒有信用卡或不想使用信用卡於網上購物者提供便利。(曾耀輝攝)

八達通宣布， 與PayPal合作，八達通O! ePay好易畀用戶由即日起，可透過八達通手應用程式轉帳為其PayPal帳戶增值,每日增值上限7999港元。推廣期間推出回贈優惠，O! ePay Plus或Pro用戶凡於即日起至7月31日期間為PayPal帳戶單次增值滿200元或以上，可獲50元回贈，名額5000名。

八達通於今日中午已更新其手機應用程式，用戶需更新該個程式方可使用PayPal轉帳功能。用戶在登入應用程式後，可點擊「增值及轉脹」，然後於「由O! ePay轉出」選項中點選「O! ePay >>PayPal」，再點選「由O! ePay轉出」，輸入金額及收款人姓名後，再登入PayPal帳戶即可完成。惟增值服務現時只限O! ePay增值至PayPal帳戶，暫未提供PayPal增值至O! ePay帳戶的服務。

用戶在登入八達通應用程式後，可點擊「增值及轉脹」，然後於「由O! ePay轉出」選項中點選「O! ePay >>PayPal」。(網上截圖)

八達通行政總裁張耀堂稱，PayPal現時支援全球1900萬個網上商戶，期望有關轉帳服務可以為沒有信用卡或不想使用信用卡於網上購物者提供便利，並為O! ePay加入更多應用功能，吸引用戶。

PayPal香港、韓國及台灣企業客戶及電子市集總監葉承浩表示，全球電子支付不斷增長，預計在未來兩年，全球電子支付市場將以按年平均10.9%的速度增長。預料香港在2022年的電子商貿市場總額達58億美元（約452億港元）。期望是次推出O! ePay增值服務，可為用戶提供更多選擇。

rabbit82047

一般 paypal 都會綁信用卡
唯一要用到八達通增值, 都係無信用卡, 或者網上堅持唔信用卡既人

wyhui5124

一般 paypal 都會綁信用卡
唯一要用到八達通增值, 都係無信用卡, 或者網上堅持唔信用卡既人 ...
rabbit82047 發表於 2018-6-27 20:33

    咁即係唔多人會用

chue

信用卡已經係半個世紀前產物,PAYPAL 就係意識到個申請程序麻煩失卡仲煩,開始要有改變啦

laughman

我八達通都係用信用卡

kenlau

有幾有多人接受到上網買野(Paypal 仲要多數係國外),
而又接受吾到申請信用卡

林洋2

好多時海外網購唔接受信用卡，就要用信用卡轉paypal畀錢

tuyylihk

試完. 結果都係要加信用卡落paypal account 先可以用入左既錢.

另paypal 1USD = 8.12 HKD
食水同信用卡差 ...
kkclf 發表於 2018-6-28 22:44

點只差唔多
正常7.85
銀行1.95%手續費等值匯率只係8
Paypal 8.12係超級吸血鬼
傻既先會用佢既匯率

s84292

信用卡已經係半個世紀前產物,PAYPAL 就係意識到個申請程序麻煩失卡仲煩,開始要有改變啦 ...
chue 發表於 2018-6-28 00:32

雨傘係3千年前產物呢,你咪仲用緊,舊野唔等於一定唔好

信用卡依家進化左咁多代, 早就唔係當年的信用卡 (信用卡十幾年前網上購買都唔洗張實體卡啦)
你最多話佢手續費貴,但實際用落完全冇話唔方便, 信用卡支援咁多種支付方式

老實講PAYPAL一定係最後手段,佢D匯率又貴,P2P個手續費好過去搶
PAYPAL 要意識到O既係佢暴利的手續費,而唔係咩充值手段(冇信用卡,上網花錢應該都唔會算太多)

=====================
信用卡八達通自動增值, 然後又用八達通增值PAYPAL, 食雙重手續費
銀行八達通公司WINWIN