tse１１１

英特爾都量産唔到14nm
只比中國好一点

bobocar

个个都系口里说不.....笑死人

掃馬想機

情況非常不同wo,

日本係超級尊重強人對手,甘於臣服,如昔日本對大漢/唐/宋之臣服,派員學習,甘拜下風,

今有美國原子彈令日本臣服,8-90年代靠美技術中興,雖最後被打壓,

日本仔明白不能打敗敵人,就會選擇一同共存亡,

會同美國合作,最新東芝同美國資本有非常高既資金/技術交流,台TSMC又去美日設廠(5-7nm最新技術)

最近台日美半導體交流已經加強,3方實力只會愈來愈強

中國面對強大美國,只會想住打敗對手,而且受到打擊,處於下風,以泱泱大國之思想,唔會面對事實,只會埋怨對手打壓,情況如同當年北洋水師

至於對錯,無wo,弱肉強食,係森林法則.......

再者,日本唔會日日宣揚美國打壓,轉而希望有更多政經交流,其實日本既情況,日本自身先有最大發言權,唔明樓主為何為日本操心?!

kwok-hk

中國的科技產品目的都係賣比美國佬,都係要賺美金,而家出面個場仲係美國話事,實要睇人面色,
等於蘋果 TESLA要去中國賣,就得閒比中國罰下錢咁解, 不過人地冇你咁小器又話妒忌美國科技強大要被你壓制

你要搞科技可以架,咪中國內銷囉,同日本仔幾十年前咁,古古怪怪制式每件產品獨有,
而且頂端產品只內銷,唔識日文直接費事同你買賣

你國內搞5G 6G 789G人地都唔會干預架,不過賺唔到美金,你件野識飛都冇用

rabbit82047

美國既話, 就係遵從叢林法則, 套去中國就係唔遵守遊戲規則, 明既
(咩規則? 美國定既規則 )

咁就唔講打壓, 換個講法, 美國依家既對中政策係維持唔到, 唔知又點睇
80年代對付日本行得通, 係因為日本係高度依賴美國市場, 所以一禁, 日本就再起不能

但依家既中國同80年代既日本, 唔同既就係, 以市場規模黎講係僅次於美國既第二大消費市場, 而且預計係呢一兩年會超過美國成為第一大消費市場
第一對第二都未必壓得住, 更何況係第二壓第一, 有D違反羅輯, 而且呢個市場仍然係成長緊既市場, 呢樣先恐怖
美國要維持依家既對中政策, 某程度就係要自己既企業放棄呢個第一大消費市場 (或者講部份), 相信出黎反對既會係佢自己既企業
當然美國可以完全唔理企業既反對, 咁就要睇佢自己既能耐

另外唔計美國, 中國既消費市場會係面向全球, 亦即係話如果其他國家要聽美國支笛, 同樣會損失中國市場
對美國而言佢要拉動其他國家既成本就會提高, 唔同以前發動下國際輿論, 吹一吹風就得, 依家要跟呢支笛, 都要諗過度過

至於美國既打壓 (指令?) 有幾合理, 我就唔評論, 做個比喻
一間非美國工廠, 如果有用到美國既縲絲批, 又或者唔係美國縲絲批, 而係呢個縲絲批入面既原材係美國生產既, 甚至原料全部都唔係美國, 而係提練原料或者生產呢支縲絲批有用到美國技術 (), 就唔可以將呢個縲絲批生產出黎既野賣比某個客
如果支縲絲批係租都合理, 但如果支縲絲批係已經全費買左落黎, 都要受你管, 咁就 ... 唔評論

點解唔係美國既廠, 都要跟美國?
因為全球主要交易貨幣係美元, 最大既結算系統係 swift

不過順便提提一個數據, (Swift 數據), 美元佔比已經跌到四成,
p.s. 唔包非 swift 結算既交易

本錢買少見少, 美國都係諗下用咩理由降返佢自己加中國既關稅, 中國果邊基本已經係愛理不理

掃馬想機

美國既話, 就係遵從叢林法則, 套去中國就係唔遵守遊戲規則, 明既
(咩規則? 美國定既規則  )

...
rabbit82047 發表於 2022-2-6 12:01

中國入左WTO,根身講明會開放市場,你睇下大陸電力,電訊,保險,銀行有幾開放先,

作為香港人,比外國人更明白中國國情,玩法同限制,呃鬼老可以....

講關稅,單單係香港人(已經係一國體制內既人)要出口物品去中國,同外國人一樣要抽重稅,(TB想退貨上大陸,運費關稅一樣重皮,做進口大陸生意仲大wok,正常渠道根本唔洗玩)

你加人關稅/限制入口就可以(做左好多年),人地加關稅(都係依2-3年既事)就係有問題?乜野邏輯!?

香港人貿易上要賺大陸錢已經唔易,最多幫大陸出口,

好啦,當你有D本錢啦,去大陸開生產線內銷,你有D技術又要合資(最近都好D, Tesla都可以做到全資擁有),有技術有資金進入中國又要同人分身家既,公平?!又唔算霸道咩?!外國人入WTO後會有D咁既限制?

最好笑係,中國獨有既野,e.g稀土,唔鐘意咪一樣可以唔/減少出口,有乜資格話人打壓你?!

台灣生果你都可以好牽強話有病毒唔入口情有可原,

澳龍/煤炭有乜野病毒同理由唔俾人通關?!最好笑係停左入口搞到自己停電,損害同兩國人既關係同民生,

你話人霸道既時候睇下自己做緊乜先啦~

日本仔俾美國老打壓係事實,但人地係積極咁看待,無飯食可以食粥,美國老都唔係咁絕,仲有技術輸出,

如果美國要玩死日本,仲會有東芝RAM? canon nikon可以出到光刻機?! 日本仲可以派人去美國留學學技術?!

當年日本發動攻擊珍珠港,其中一個大原因係,美國斷左日本石油進口.......迫狗入窮巷

美國係賤,但都留有一手,華為都仲可以買到高通/MTK cpu, 識得乜野叫留有一手

掃馬想機

美國既話, 就係遵從叢林法則, 套去中國就係唔遵守遊戲規則, 明既
(咩規則? 美國定既規則  )

...
rabbit82047 發表於 2022-2-6 12:01

再者,你話中國市場大,係事實,但美國一樣有方法減少自己損失,

美國如果扶植東南亞,印度經濟同生產力,東南亞人口4-5億,印度13億,講人口已經超過中國,

印度平均人口年齡仲要後生過中國好多

當然,人均GDP有排追唔上大陸,

但假以時日,美日台韓完成工廠外遷,用東南亞印度市場取代中國,只保留中國內銷市場既生產線

唔講多,做到5-60%,已經對大陸好大打擊,

唔好以為自己好重要,到時水退完就會見到邊個無著褲

rabbit82047

回覆 27# 掃馬想機


    講一個事實俾你聽, 中美如果互相玩切割, 其實全球都唔好得去邊
如果你以對抗, 黎睇邊個會勝出, 似乎就搞錯重點

我講緊既係美國繼續採取對抗態度, 係無結果, 而且係會傷到自己
因為中國實際係勸緊美國放棄對抗, 只係美國俾抗中情緒綁架左, 一路走死自己條路

你講美國可以發展某某市場, 對唔住, 有D野唔係你話發展就發展到
上次布林肯去東南亞訪問, 就睇到東南亞已經唔再聽美國支笛, 去到泰國未見任何官員, 就即時飛走, 一個記者中新冠, 就放棄成個行程, 個記者仲重要過美國國務卿

又有 Build back better, 想發展非洲, 真係以為以為推個某某計劃就一定可以成功
佢四年後換人, 個計劃都唔知會唔會俾新總統廢棄
不過睇得出 BBB 係致敬緊一帶一路

BA1314BA

回覆 25# rabbit82047
支持師兄

掃馬想機

回覆  掃馬想機


    講一個事實俾你聽, 中美如果互相玩切割, 其實全球都唔好得去邊
如果你以對抗, 黎睇 ...
rabbit82047 發表於 2022-2-6 17:27

講多無用,睇多幾年就有結果

最實際既行動係,用龍芯PC,用華為國產OS,

咁樣14億人支持產業,增加公司現金流可以做RD,仲有突破機會既~