今日嘗試把硬碟機從機頂盒轉去電腦之後，相信這個問題的根源經已找到，但看來這是新舊兩款機頂盒軟件的設計問題，相信都難以有簡單的解決方法！
TV和TS目錄內的檔案，數量上理論是一對一的，但實際上假如經過一些操作之後，有機會係TV目錄的檔案數量，會多過TS目錄下的檔案數量，這就是問題的根源了！至於點解會數量不一樣，就稍後再解釋。
3200D和3300D的軟件，係以TS檔的檔案為主導，例如TS目錄內有10個檔案，就算TV目錄內有100個檔案，只要裡面包括了TS目錄內的10個檔案，就會顯示晒這10個檔案出來，所以一定係10個都播到，但假如TV目錄內這100個檔案，只包含了TS目錄內的9個檔案，有一個唔見左，咁這個TS檔就算仍然存在，也不能播出，這個係我N年來的試驗結果。
而9100D的軟件，係以TV目錄下的檔案為主導，雖然TS目錄內只得10個檔案，但假如TV目錄內有100個檔案，佢就會顯示晒話這硬碟內有100個檔案，但實際上真正錄左的節目只得10個，所以，當播放這10個節目時係無問題的，但假如播放那些只係得TV目錄的檔案，但TS目錄根本沒有這些錄制節目的，自然係無野可以播啦！
至於點解TS目錄和TV目錄的檔案不一樣，問題就來自兩個可能：
第一係同時接了兩個硬碟機，在些TS檔在第一個硬碟，有另一些TS檔在第二個硬碟，但所有這些檔的TV檔案，卻全部在設定為預設為主的硬碟機上，原先3200D我係接了兩部硬碟機，但9100D只得一個USB，所以我只能接了一個硬碟，另一個就暫時沒連接！
第二個可能，就係當原來的硬碟機差不多爆滿時，就要人手把一些想保留的節目抄出來去另一個硬碟機保留，咁當然要記住抄埋TV檔出來啦。假如整套電視劇都播完之後再抄出來，當然係無問題啦，但假如係未播完又會點？對於一些長壽電視劇，相信都會出現這個問題！例如原先播到第100集，於是把1-100的TS和TV檔抄走，之後電視台繼續播第101集時會點？我們會諗住係會從第101開始繼續，但事實係TS檔的確會由101開始繼續錄，但TV檔係會自動送番先前抄走的1-100落去你個硬碟機內，所以當你隔一段時間後，TS目錄內就會又再累積了一些無用的TV檔案，但因為3200D和3300D係唔會理佢和出現在目錄上的，所以大家都會當係睇唔到，但假如把這個硬碟機放去9100D，結果就好似我而家咁樣，TS目錄內只得700個檔案左右，但TV目錄內就有成2800個檔案，顯示出來也話我有2800個檔案，但當中有3/4係流野，根本無TS檔的，當然係番無可播啦！
暫時的解決方法，只能把硬碟機內的TS檔案，和其相對應的TS檔案抄去另一個硬碟機，多出來的TV檔就全部當作垃圾delete晒佢先，咁至可以在新的9100D重新再播。
所以其實我真係好唔明，機頂盒本來的價錢經已很貴，為何而家新出的型號仲要縮水，連USB也cut剩一個 真係太對唔住我們這些真心捧場的用家了！希望生產商重新考慮，再推出新型號時，提供最少兩個USB可以同時連接USB硬碟機！ |
簡體版
訂閱頻道
訂閱電子報
發表於 2020-1-16 10:10
| 
