licson

回覆 33# murderfreaker

最近揾到 HKT 同 HGC 有關政府鄉村光纖寬頻覆蓋計劃嘅開放線路規則，原來暗藏係細節裏面係政府資助嘅部分只到村口，入村係要自己搞掂的。

根據政府規定，政府資助嘅部分需要開放，但係視乎實際佢哋用乜嘢方式做覆蓋情況都有唔同，而且係有明確界線規限（GPS 座標準確到地蓋），兩間嘅文件裏面有講到兩個共享情況：
1. 有挖路放喉嘅話，只會開放喉管，並唔會提供任何現成光纖，需要第三方自行拉線。
2. 無挖路要行明線嘅路段，只會開放最多本身光纜最多 1/3 線芯數比第三方，而且先到先得。
3. 牽涉海底電纜（適用於 HKT）嘅路段，免費嘅定義係由指定地蓋開始點對點去到對面目的地指定地蓋，點樣拉線入指定地蓋做 splicing 自己諗。

所有操作只係無月費，但係操作時候牽涉嘅人力同程序政府係畀佢哋兩個收錢的。好多時候陸地段嘅話政府資助嘅路段只到村口，入村需要自行處理。而海底電纜部分只規定去到島上指定 BMH，點樣係個 BMH 送入島上其他部分都需要自行處理。

例子：
1. 長洲海底電纜系統由芝麻灣開始出到長洲白鰽灣，HKT 指定市區接入點係貝澳村，即係第三方要山長水遠拉線去到貝澳先用到政府資助個段，入村嘅話淨喺到村口而且由 BMH 到村個段要額外 splicing 應該又要收翻唔少人工費。
2. 南丫島海底電纜系統由數碼港去南丫島北角咀，個接入點係數碼港還可以，但係同樣要入村淨喺到村口而且會牽涉 splicing。

成個計劃淨喺規定光纖要共享，但係啲光纖距離好多都要中繼黎撐，呢兩間就喺呢啲地方食你錢。

evantkh

回覆  murderfreaker

最近揾到  同  有關政府鄉村光纖寬頻覆蓋計劃嘅開放線路規則，原來暗藏係細節裏面係 ...
licson 發表於 2026-4-9 13:28

咁如果有人係長洲裝DIA，咁個fiber core會唔會比市區貴左？還是ISP會放DIA設備在長洲機櫃共用跨海線芯？

murderfreaker

回覆  murderfreaker

最近揾到  同  有關政府鄉村光纖寬頻覆蓋計劃嘅開放線路規則，原來暗藏係細節裏面係 ...
licson 發表於 2026-4-9 13:28

咁好合理嘅

人地煮好埋嚟，你想收割點都要科水。

murderfreaker

咁如果有人係長洲裝DIA，咁個fiber core會唔會比市區貴左？還是ISP會放DIA設備在長洲機櫃共用跨海線芯？ ...
evantkh 發表於 2026-4-9 18:30

呢個世界唔係淨係得DIA一種。

shingzhk

咁好合理嘅

人地煮好埋嚟，你想收割點都要科水。
murderfreaker 發表於 2026-4-10 06:10

正確來講, 呀公支助既野只能用係公家地方, "放到村口"已經係極限
之後既已經係私人土地(村?), ISP在情在理都冇權鋪, 亦冇理由用資助budget去鋪fiber

回來十年八載之前, 經常有師兄上來呻, 住圍村/唐樓
ISP明明想鋪fiber, 但反而係掌權既老野唔放行, 要同ISP收動土費先肯比人入來做生意
明明有需要果班憎不得比錢都想人鋪光纖入來, 但總係有人出來阻頭阻勢

evantkh

呢個世界唔係淨係得DIA一種。
murderfreaker 發表於 2026-4-10 06:11

因為我理解DIA正路成套機唔同而且要獨立做splicing唔過splitter，所以租上租下會唔會搞到長洲裝DIA特別貴左，還是ISP會放匯聚層在該區避免一個客要獨佔成個跨海fiber core？

如果唔係DIA，有人裝ME或SDNet照計都會有哩個問題吧？

licson

回覆 63# murderfreaker

第二期計劃裏面唔少地方都喺係西貢北潭涌閘口裏面，然後我見到有四個 NIP 地蓋全部都郊野公園範圍（去到海下、高塘、赤徑、大浪西灣鹹田灣等等）…… 要用都好甘下。而且配合個頭嘅政府文獻（HKT 高塘機樓 1976 年起好，同年啓用嗰陣遠至大浪西灣都有電話可以打）應該 HKT 係用公家錢沿自己幾十年前開好嘅路黎放光纖入去，基本上係用公家錢益自己人地要用就大把嘢要做，就算使用成本免費都唔見得 HKBN CMHK iCable 呢啲會為咗個幾十個客仔做嘢，仍然係獨市生意（雖然有光纖入屋就算獨市其實都唔係咁大所謂）。

同樣道理應該都可以應用係南丫島，上次行到入東澳模達灣見到啲電話線桿都有 HKT 光纖 DP 先知道原來政府個計劃係包曬 100% 南丫島光纖覆蓋……

evantkh

回覆  murderfreaker

第二期計劃裏面唔少地方都喺係西貢北潭涌閘口裏面，然後我見到有四個 NIP 地蓋全部 ...
licson 發表於 2026-4-10 19:31

如果有人裝DIA會唔會唔同計法，一條core會唔會同你splice入去？

murderfreaker

回覆  murderfreaker

第二期計劃裏面唔少地方都喺係西貢北潭涌閘口裏面，然後我見到有四個 NIP 地蓋全部 ...
licson 發表於 2026-4-10 19:31

咁唔係淨係得家用寬頻要用光纖，仲有啲基建Operator會駛大錢同你裝
呢啲一個抵到幾十個家用客。