本帖最後由 hk133 於 2017-6-16 07:30 編輯
之前喺麥記後面肥哥哥嗰度訂左ZS5，尋日藍色有貨，本來就打算買藍色，所以即刻俾錢攞貨。
包裝基本上唔使睇，除左正面塊膠片換左之外，個盒同ZST仲有ZS3一樣。
攞走正面嗰塊膠片之後，冇嘢隔住直接睇ZS5，外觀真係......膠，冇乜金屬質感。
跟機線嘅線材外觀同ZS3基本一樣，只係細節位有啲改變。
跟機得兩對耳膠送，加埋耳機上面嗰對，總共三對。
全家福。說明書字體好似換左，冇睇錯應該係Noto Sans S/T Chinese。
耳機外殼模仿某耳機品牌嘅某耳機。
整體做工一般，甚至好似差過ZST。
今次sell兩圈兩鐵，到底啲聲又會係點？
耳機分線器及插頭設計基本模仿vsonic。
唔信？咁就試下將VSK3嘅插頭同ZS5對比啦。
係咪睇落幾乎一樣呢？
試過換ZST鍍銀線落去，結果高頻變得好尖，唔係咁順耳......
最後都係用番跟機嗰條線算數。
煲過一段時間之後，高頻有改善，冇一開始咁尖。
帶上去第一下嘅感受，就係……今次個耳機好大件……加上用慣VSK3……塞住耳仔唔舒服……
然後當然就要試下聲啦。
近排又買左VSK3，39.9RMB，當然要攞黎同ZS5比啦。
以VSK3+spinfit作標準，假設VSK3各項表現都係等級C，等級A最好，等級E最差。
ZS5嘅對比表現如下：
佩戴舒適感：E
對比VSK3，ZS5體積較大，塞入耳仔有嚴重嘅異物感。
隔音性：A
VSK3嘅開放式設計導致隔音效果遠不及ZS5。
整體做工：D
ZS5外殼部分做工差，但至少耳機導管嗰part都算唔錯。
而VSK3嘅外殼相對而言比較精緻，金屬外殼質感比膠好。
線材：B
ZS5嘅線材用料好過VSK3，VSK3嘅線材俾人一種用力扯多幾下就會斷嘅感覺。
音質：E
VSK3嘅質素好過ZS5一大截，而且聲場相對比較開揚，
尤其係聽完VSK3之後再聽ZS5會感受到一種違和感，
兩者嘅調音觀有些許差別，但最大問題係VSK3嘅聲音質素都已經好過ZS5唔少，
樂器聲還原方面，VSK3贏一大截，聲音比較真實自然。
同埋相對而言ZS5低頻量比較多，對聽感造成一定程度嘅影響。
如果VSK3嘅綜合表現係C，咁ZS5就係E。
單純係按照價錢將兩者歸類為同樣等級，咁似乎對ZS5好唔公平。
所以最後我都係攞小米圈鐵耳機pro同ZS5對比啦。
以小米圈鐵耳機pro+spinfit作標準，假設小米圈鐵耳機pro各項表現都係等級C，等級A最好，等級E最差。
ZS5嘅對比表現如下：
佩戴舒適感：D
對比小米圈鐵耳機pro，ZS5體積較大，塞入耳仔有嚴重嘅異物感。
隔音性：B
小米圈鐵耳機pro嘅隔音效果不如ZS5。
整體做工：D
ZS5外殼部分做工差，但至少耳機導管嗰part都算唔錯。
而小米圈鐵耳機pro嘅外殼比較精緻，磨砂金屬殼嘅手感幾好。
線材：C
ZS5嘅線材用料同小米圈鐵耳機pro差唔多，
只係小米圈鐵耳機pro嘅線材顏色同ZS5唔一樣。
音質：A
整體聲音質素比小米圈鐵耳機pro好，小米圈鐵耳機pro嘅調音比較奇特，
因此聽感不及ZS5。
兩者嘅調音觀有比較大嘅差別，相對而言小米圈鐵耳機pro低頻量比較多，
對聽感造成一定程度嘅影響。
樂器聲還原方面，相比之下ZS5嘅樂器聲比較清晰。
ZS5嘅音場亦都比小米圈鐵耳機pro闊唔少。
如果小米圈鐵耳機pro嘅綜合表現係C，咁ZS5就係B。
雖然聲音質素係好，但ZS5做工實在堪憂。
咁嘅做工同埋佩戴體驗，真係唔係幾掂。
不過呢個價錢，都算可以接受啦，最緊要係聲靚。
如果講ZS5視為平價耳機，咁佢未必係最好嘅選擇。
但作為一款平價圈鐵耳機，佢有兩圈兩鐵、可以換線，平價圈鐵耳機黎講調音質素幾好，可玩性相對較高，都算係一個唔錯嘅選擇。
6/16 update：目前聽落啲聲一直慢慢有改善，好似未煲開，睇黎要再煲多一段時間。以上對音質嘅評價幾日後可能會有修改。
開箱完畢，感謝觀看。 |
簡體版
訂閱頻道
訂閱電子報
發表於 2017-6-14 22:11
| 
