[開箱] 無聊分享：ADV. SOUND EARTUNE

自從幾年前無聊試買左對含鉛CM（因為唔知自己適唔適合用，所以二千蚊試玩下），一試就愛上個感覺，成日想等佢爛之後上返啲正常音質CM。但就係等極佢都唔爛，我已經唔入盒，周圍塞，但都冇事。

但含鉛啲聲真係⋯⋯所以有時都會拎返對綠仙出黎聽，但綠仙聽多一個鐘都會整痛耳仔⋯⋯然後有日，我上網睇睇下發覺原來有間美國嘢有幫campfire做半模。千四蚊買個舒服又唔駛整多對CM。可以一戰。

至於用後感就⋯⋯我本身唔係金耳，幾百蚊同幾千蚊對耳機，我分到。但幾千同萬幾嗰啲真心分唔到，反正都係味道嘅分別。
我對係第一代綠仙，用左eartune後分別係，音場好似闊左啲，唔知係咪因為耳機離耳仔遠左。另外就係覺得啲聲實左，冇咁通透，但都係清晰的，唔會那埋一舊的，我講得1999，SOR，總之音質打左8折左右，但舒適度係加左200%，所以呢種犧牲，我覺得接受。反正好想音質時可以換返其他耳膠。（SOURCE我係用ONKYO DP-X1 2.5，不過大部份時間都係IPHONE加Fender AE1i）