hk133

今日終於成功重現幾位 CHing 所講嘅「窒到飛起」，拎耳機嘅次序確實會影響訊號接收效果，SoundGuys 誠不欺我。

是咁的，如果你拎起充電倉左手邊嘅右耳出嚟先，然後再拎起充電倉右手邊嘅左耳，係會窒到 hihi，未到收工時段成條街得少少人都係窒⋯⋯

一開始我以為呢個係咩新型迷信所以冇認真試，淨係知道拎左耳出嚟先，個訊號係好穩定。係今日攰到傻，冇理到次序，喺充電倉左手邊拎起右耳耳機差啲直接塞入左耳⋯⋯當然最後都係放返啱左右邊耳，冇掉轉戴。 用咗一陣就發現唔妥，但一開始以為係咁啱附近干擾嚴重，係越用越覺得唔妥，先醒起今次拎耳機出嚟嘅次序掉轉咗。

之後放返兩邊耳機入充電倉，合埋蓋，確認兩邊耳機都已經關機 & 充到電，等幾秒先再打開充電倉，然後跟返正確次序，拎起充電倉右手邊嘅左耳出嚟先，之後再拎起充電倉左手邊嘅右耳出嚟，再試就正常返。

特登行返轉頭去頭先窒嘅地方，今次就冇事⋯⋯都唔係完全冇窒嘅，經過長沙灣道同馬會對面兩間淘x多以及特x城門口窒咗一下，不過走入去行一圈反而乜事都冇，係迫餐懵。

jy226hk

今日終於成功重現幾位 CHing 所講嘅「窒到飛起」，拎耳機嘅次序確實會影響訊號接收效果，SoundGuys 誠不欺 ...
hk133 發表於 2023-10-31 20:37

  係WO師兄,你呢招WORK wo, 我今朝試先左後右, 全程返工地鐵人多無斷過, 呢對耳機實在太多秘技.

hk133

係WO師兄,你呢招WORK wo, 我今朝試先左後右, 全程返工地鐵人多無斷過, 呢對耳機實在太多秘技. ...
jy226hk 發表於 2023-11-7 01:23

    因為佢個設計應該係由左耳負責接收手機藍牙信號，然後再由左耳發射信號到右耳。
    可能佢哋冇考慮過啲人會拎起右耳戴左先，所以右耳天線設計得比較弱？唔知佢哋咩思維，先會設計到咁奇怪。