[分享+疑問] 電腦突然Freeze 之後開唔返

fss003124

[溫提: 分享文長可略過, 疑問在後]
PC spec 在前:
4790K@D15 on Sabertooth Z97 with 16GB RAM
Antec EDG550, Strix 970
1x Kingston SSD 160GB, 2x WD HDD2TB
Win8.1 Pro

一向電腦都比較少關機, 大概一星期連續4-5 日長開既..
週末時手殘買左把賊船ML 扇, 於是就要熄機裝風扇..
裝完開機冇問題, 如常打機(D3), 打左0.5 小時突然部機自己freeze 左, 熄埋..
諗住再開返機.. 一開, 2秒--> 熄--> 自己再開, 2秒--> 熄--> loop..
於是我unplug power cord.. 插返再試開, 又得喎..
POST 冇話咩.. Event log 除左話unexpected shutdown 之外都冇其他野..
我感覺話我知似乎係溫度問題, 所以我開牙石自家個舊Thermal Radar 睇..
佢detect 到我風扇配置唔同左.. 係既~  賊船扇嘛.. 之後就奇怪喇..
我見到佢Detect 唔到我Display card 既風扇轉速既adjustable range,
或者我應該調反轉講: 佢detect 到個range 係幾多% 都好都係0RPM
而由於我大致上都係set Auto mode, 所以佢溫度幾多都好風扇都係唔轉..
咁呢個solvable 丫-- 我manual set 速就OK 啦.. (疑問1.)
=But the story didn't end there....
咁我以為得既時候我就照打機, 今次我有留意風扇都溫度既.. 不過同樣情況係大概0.5 hr 之後再次出現..
所有可視數據都同上次情況一樣, 唯獨今次有死前溫度-- CPU = 53C VGA = 60C..
但以我既認知, 咁既溫度係reasonable 既range (應該係卦??
於是我轉移目標係MB 上面.. 入BIOS睇, 發現佢好叻咁將風扇既調速mode 轉左做PWM mode..
但據我所知得新個把賊船扇係4pin.. 咁我unaware 地轉返做DC mode啦, Freeze 左係BIOS, 制都冇埋反應, 要unplug cord..
之後當然係機都著唔到, 嬲嬲地, 為左isolate 個問題, 我花左D 時間還原返我原本既風扇配置, clear CMOS 我黎過! (疑問2.)
=however it went deeper..
一心諗住我還原基本步冇理由仲有問題既..
去睇返Thermal Radar, re-calibrate 過之後, 佢都係detect 到張display 個adjustable range 係幾多% 都好都係0RPM..
OK啦! Manual 囉, 唔係點姐!? 但入GAME, 都係半小時左右就死..
抓頭髮之後決定將Display 風扇長100% 作測試, 過左半小時.. 冇事喎..
唔通sensor 有問題? (疑問3.)
其實已經好frustrated 架喇.. 不過做人傾向唔信邪, 加返把賊船扇, 又膽粗粗走去set DC mode.. 媽媽的今次冇事..
入返Windows 咩都冇搞, 但風扇吹到行一行咁好似唔係咁好.. 於是我tune down 返D 風扇..
當我以為完了吧如無意外, 有一刻放鬆左, 開GAME (D3) 人都未揀, Freeze凸, 但今次冇自己熄機, 我硬熄到..
再開機, 佢又去返一開始個個loop.. 入返Windows 都冇咩可以睇到, 佢又唔當我係BSOD, 只係log 到unexpected shutdown..
我一口硬定得好緊要, 覺得佢係熱死.. 反正如此, 我就開好晒monitor, logging, 本住一個特登整死佢, confirm 死因就可以重點搞搞佢
所以唔GAME 啦.. Prime95 then FurMark..
兩個各at least 2x分鐘(我心急)都冇事發生.. 明顯風扇有快到既, 再瞄一瞄個溫度, 近70C.. (咋!? 老實講我期望會飆到更高)
咁即係sensor 冇問題啦, 因為我停, 2-3分鐘內溫度回復30C, 風扇都靜返(or at very least, sense 到既溫度同Fan speed 配合到)
再Stress 多次,佢都完全冇野(會熱, 風扇會快, 但冇死冇花).. (疑問4.)
咁我轉移去實作.. 我用左4隻GAME (低=Terraria, 中=D3, 高=TR2013, Dying Light: The Following-EE)
唔係完全冇野, 除左Terraria 之外, 其他都死過..
唔係必死, 時間亦唔限於0.5 hr, 要數字化... 我會話1/20 機會hit 到error; 其中Dying Light 死狀有D 唔同, Event log 有AppCrash 同BSOD..

[疑問在這裡]
1. 加風扇會影響其他風扇既可調轉速嗎?
2. 我知3pin 扇可以插3pin/4pin 用DC 調速, 但PWM (4pin)扇唔可以用DC mode嗎?
3. 如果真係sensor 有問題, 佢自己硬係覺得自己太熱要停工, 有冇方法可以bypass / override 個threshold?
4. 所謂既Stress Test (i.e Prime95, FurMark)其實係咪真係Stress 緊? 定我誤會左, 反而其實我打機/轉片先會更大壓力呢?

[後話]
其實我有諗過會唔會係底板問題, 但冇明確証據我唔會貿貿然買新試(假設我仲買到9系), 再者冇死狀warranty 都唔受咁又如何呢?
至於PSU 問題都有係我既考慮之列, 但基於我有所謂stress test 過, 有壓力都唔死, 咁(我估)唔會係有事啦下話?
而就算到左呢一刻, 我都依然懷疑係咪D Sensor (包括但並不限於Display card sensor)有問題, 因為D 溫度好似有D 太理想(??
即係咁... 我自己都唔sure 叫唔叫有問題, .. 但係做乜野/因乜事要扭計呢? 扭緊乜野呢?

akira11092

一向電腦都比較少關機, 大概一星期連續4-5 日長開既..

fss003124

一向電腦都比較少關機, 大概一星期連續4-5 日長開既..
akira11092 發表於 2017-1-16 15:17

   
所以係問題所在？

via HKEPC Ionic Reader v1.5.1 - iPhone

EyeOfMagic

3pin風扇係用電壓控制轉速  4pin就唔係
如果你串埋一齊插4pin應該會炒

Prime95只係test到 cpu & ram, 好似未完全用盡粒U嘅功能
run linx 仲熱過run prime95

yuet_wah

其實我有諗過會唔會係底板問題, 但冇明確証據我唔會貿貿然買新試


但係我睇完你篇文章,  我覺得樓上果d 全部都係「明確証據」了.....
或者咁講啦, 底版就死係會出d 奇奇怪怪問題, 我自己都有經歷.... 果時我都以為係壞hdd, 壞ram, 壞windows.....
anyway, 你FURMARK 成功過到, 我都唔想賭係你張卡壞.
你手痕搞個風扇, 即係搞底版啦, 先出咁多事.
二手去執塊底版就一清二楚, 試完咪二手區放番出去咪最簡單.

以你打字的內容看得出你都係完美主義者型性格, 你去比代理check, 比人地求期同你做, 你更加相信自己的不斷嚐試吧.

s84292

加風扇唔會影響到咁多野,應該係塊板有暗病,依家發左出黎
但咁睇又有可能係PSU,電源出問題
你有冇試過重新駁過D 電線睇睇

如果係風扇問題,你開個即時監測程式,掛住GAME睇住個溫度
真係風扇問題你會睇到轉速同溫度出事
( 有好多可以用,例如msi afterburner 就有,自己試下,唔係MSI都用得)

但老實講,FREEZE 應該唔會係過熱,因為過熱通常都係斷電或者降頻,
直接死機多數壞野(RAM>HDD>顯卡>CPU>底板)

haochan563

有冇睇過只牛夠唔夠力，有條件可以換另一只牛試試

tsquare

火牛 > 底板 > Display
諗住再開返機.. 一開, 2秒--> 熄--> 自己再開, 2秒--> 熄--> loop..
└> 輸出唔夠 / 供電不穩

如果真係牛牛出事，再咁玩落去，你塊板有可能陪葬

fss003124

3pin風扇係用電壓控制轉速  4pin就唔係
如果你串埋一齊插4pin應該會炒

Prime95只係test到 cpu & ram, 好似 ...
EyeOfMagic 發表於 2017-1-16 15:40

    底板有好幾個fan header, 我冇同一個port 串埋唔同3pin 4pin, 不過其他既扇係3 pin.. 即係4pin 唔建議用DC mode(??

其實我有諗過會唔會係底板問題, 但冇明確証據我唔會貿貿然買新試


但係我睇完你篇文章,  我覺得樓上果d 全 ...
yuet_wah 發表於 2017-1-16 15:42

    其實我都明我呢D 都叫証據既, 我亦都唔係咩完美主義, 只不過代理唔會咁睇, D parts 先係過一年半, 其中底板仲要5年保, 但保養呢D 野, 您唔係壞到直一直, 佢試唔到個死狀就諸多借口話冇事唔收, 您夾到佢收, 佢hold 返您幾日跟住比返您話整左您都吹唔脹
spare part 我返公司搵下就有.. 如果真係isolate 到係MB 問題之後既難題就係我點搵要求送修既証明..

加風扇唔會影響到咁多野,應該係塊板有暗病,依家發左出黎
但咁睇又有可能係PSU,電源出問題
你有冇試過重新駁 ...
s84292 發表於 2017-1-16 16:09

有冇睇過只牛夠唔夠力，有條件可以換另一只牛試試
haochan563 發表於 2017-1-16 16:36

火牛 > 底板 > Display
諗住再開返機.. 一開, 2秒--> 熄--> 自己再開, 2秒--> 熄--> loop..
└> 輸出唔夠  ...
tsquare 發表於 2017-1-16 17:37

    我過幾日會試下搵隻spare 牛試下.. 隻牛都係年半貨仔, 3年保啱啱一半就叫救命, 但就如我前文所講, 我唔係死到硬一硬我又係好難claim warranty.. anyhow, 如果買新咩牌子好? 我見我手出Antec 都OK 所以多年都係佢, 背後代工/生產個D 真係唔太熟..


老實講咁多年幫屋企幫客幫朋友幫公司搞左機差唔多十年, 第一最怕就係user 話慢, 第二就係呢類"半生不死"-- 想佢生生性性落去就唔得, 但死又死唔去..
長氣左.. 麻煩咁多位..

yuet_wah

但保養呢D 野, 您唔係壞到直一直, 佢試唔到個死狀就諸多借口話冇事唔收, 您夾到佢收, 佢hold 返您幾日跟住比返您話整左您都吹唔脹

無錯啊, 我都有塊係放在代理三個星期, 三個星期後先打電話比我話有北橋(定南穚)燒左, 話係我超死, 保養唔包. 問題係我真係無超過頻. 真係吹脹.
最慘都唔係佢唔包, 一塊版都係幾舊水, 最慘係果三個星期無電腦用好似脫左水咁.....個人就黎死.
只能說代理咁的素質, 真係有保等於無保....
只能說師兄祝你好運.

我見我手出Antec 都OK 所以多年都係佢, 背後代工/生產個D 真係唔太熟..

有個網頁唔知你知唔知道, 都係之前d師兄分享過的:
http://www.realhardtechx.com/ind ... ReviewDatabase.html
可以查到各公司的火牛係邊個代工/生產.

雖然都係得個知字, 但都算係買的時候可以多個資料參考一下.