可唔可以詳細講下你點樣被留難? 依家京東香港玩到咁賤?
madgod1213 發表於 2023-5-16 06:41 
我今次係第二次係京東買野, 第一次買電腦野/咁貴既野/同出事.
我唔知係我未習慣京東(或者大陸普遍)果種玩法所以大驚小怪, 定係中港兩地用詞同語法差別產生誤會, 定係我呢單野有乜特別之處.
我上星期四收到貨, 放工返去就開箱, 結果發現三個問題:
1. mon左邊有一條3cm+長既花痕, 但好似係mon入面既. 呢個我不能接受.
2. 火牛無左條C13電源線. 其實香港都係要用另一條線, 所以我無所謂既.
3. 無左個可以掛耳筒係mon後面升降架既鈎. 呢個都無所謂, 因為我唔用個升降架既.
咁多問題, 肯定係人地既退貨喇. amazon都試過幾次係咁. 見怪不怪, 只怪自己黑仔.
即刻上京東個網, 找人工客服. 點知過左6點就收工. 要第二日再搵.
星期五, 一早就搵客服. 客服話香港售後要搵全球售的客服, 只可以用email聯絡. 俾左個email地址我. 同埋話要影盒既6面, 盒既label, 盒裡面有既既野, serial number果D send去. 三日內回覆.
因為已經星期五, 為左快D解決件事, 我就同老細請左半日假, 中午就返屋企跟指示影相send email.
星期六, 上午收到第一個email回覆, 一些客套廢話之後:
查看此商品包裝清單：顯示器 × 1 底座 × 1 電源線 × 1 質保卡 × 1 說明書 × 1 DP線×1 HDMI線×1 Type-C 線×1，
您提供圖片紅色圈出這個辛苦確認下是否是電源線呢？同時清單是沒有您所說的耳機掛鉤，辛苦您再確認一下，商品我們也是從原廠進貨的全新商品，
關於外觀劃痕問題確實給您帶來不便，因此單為全球售訂單，抱歉京東暫時無法為您取回換新，但七天內如是商品故障，我們可以為您反饋處理退貨，您看可以嗎？
佢仲係我俾佢張相, 圈住個火牛.
最後果句, 我唔理解, 意思係[無得換貨同無得退貨]還是[無得換新但可以退貨, 之後自己再訂過]? 有"外觀劃痕問題"又算唔算"商品故障"? 定係佢地覺得"外觀劃痕問題"唔係問題?
我講得簡單直接, 但我感覺佢既回覆係度推搪. 我回覆要求退貨. 亦照佢指示確認那不是電源線. 解釋果個係火牛, 但無左火牛條電線. 我知中港台電腦詞語唔同, 都知大陸唔係叫火牛, 我結果寫左變壓器, 後來知道原來大陸叫火牛做"適配器". 但正常智力住係城市既成年人應該理解到既.
過左一個鐘左右, 收到回覆.
感謝您的及時回復，此單查看清單裏面無變壓器的，
辛苦您核對一下收到商品是否包含：顯示器 × 1 底座 × 1 電源線 × 1 質保卡 × 1 說明書 × 1 DP線×1 HDMI線×1 Type-C 線×1
我睇到真係眼火爆, 回佢
大哥, 電源是一個盒(即我說的變壓器), 一邊有條線連電器, 一邊有條線連牆上的插座. 那盒子連牆上插座的線沒有了. 那你明不明白?
或者我說電源線少了一半, 明嗎?
請你給我安排退貨.
再過一個鐘, 又收到回覆, 仲精彩:
感謝您的及時回復，實在抱歉給您帶來不便。商品我們也是從原廠進貨，正常是不會出現少商品的情況，由於我們不是專業的商品客服，所以不是很清楚產品的具體使用問題。故建議您先通過訂單產品頁面咨詢商家專業客服幫您解答排查一下商品問題（不是咨詢他們如何售後，確認此問題是否為質量問題）， 如商品客服確認確實是少的是電源，辛苦您提供排查截圖反饋我們，期待您的回復！
佢俾我感覺係玩野唔想俾我退貨. 根本有花痕已經要退貨喇, 仲拗乜? 定係我應該唔好提供咁多真實資訊, 求其講D野氹到佢幫我退貨就算?
我果時係好嬲, 所以回覆鬧佢.
你連這基本的都不懂，只是機械式回覆有什麼意思？
你看我的相，怎樣用，插去那？ 還有，屏上在有條大刮痕就不能接受。肯定是二手貨。一定要換貨或退貨。
之後心情平復返少少, 照佢意思去產品頁面找acer的客服去解釋同截圖. 去返x32fp個頁, 找人工客服, 是acer的售前人員. 講完一輪, 話佢地只係做售前, 不做售後. 叫我打電話給acer客服. 我說我不在大陸, 打不到. (而且我唔識普通話...) 佢叫我關注acer公衆號, 再找那裡的客服. 問佢係咪wechat公衆號, 佢話係.
好彩我都試過下wechat點用. 跟住開wechat search acer, 搵到, 關注, 再找到客服的連結. 按入去, 搵到人工服. 感覺acer 果個人係人性化好多, 俾張相佢問係咪無左條線, 佢答係. 截圖. 完成. 講開講埋有花問題喇. 講下wechat跳返出去, 再入去無晒chat history! 以為又要由頭問過, 好彩原來服客仲係度...之後佢叫我影份保用證俾佢睇, 點知一睇, 見到係predator. 跟住話你呢個係掠奪者系列, 要找掠奪者專貴客戶專線. 叫我關注掠奪者公衆號再找掠奪者的客服. 又被耍走了.
之後搵掠奪者公衆號, 搵到客服, 今次無咁友善了. 問佢刮痕既問題, 都係官腔回答, 又問我有無拍住片黎開箱(我唔知原來大陸網購要玩到咁). 算喇, 佢都話不是客服說了算, 最後都要當地代理去證明不是我的問題(好似assume左物理損傷問題一定係客人問題咁). 我都唔問了, 反正佢都幫唔到我. 最後問埋掛鈎問題, 究竟有定無. (說明書真係無提話有的, 但香港同台灣的開箱youtube都有, 我唔肯定大陸版會唔會無, 不過一舊膠啫, 咁要都cut?) 佢究然叫我去返京東頁面睇, 大佬呀, 佢地有就唔洗問你喇. 我話京東頁面沒有清單, 不過佢都好, 佢話幫我搵說明書. 果時我諗, 我都有說明書喇, 既可能真係無. 點知等左一陣, 佢cap左一頁過黎, 係有既. 佢果份應該係內部用既說明書, 同我果份係唔同! 即刻截圖, 講聲謝謝, 再見.
跟住我再回多一次京東個客服, 把所有截圖send俾佢. 過多一個鐘, 佢回覆話:
已收到您的反饋，確實抱歉給您帶來不便，關於商品少件及外觀異常問題已為您反饋退貨處理，得到答復會在1-3個工作日，最晚5余額17日同步您進展，辛苦您耐心等待，感謝您的支持與理解！
下? 又1-3個工作日? 原來佢只係負責screen客人?
星期一, 都無回覆.
今日星期二, 到而家呢一刻都未再收到回覆, 亦都未知下一部應該點做(買mon+處理呢單野).
師兄可唔可以分享下之前退貨既經驗? |
簡體版
訂閱頻道
訂閱電子報
發表於 2023-5-12 15:25
| 
睇人都係退款再買
