AL131

Sapphire Vapor-X 7950
whk1992 發表於 2013-8-23 23:44

如果你個箱有側透見到顯卡有燈著真係靚晒

whk1992

如果你個箱有側透見到顯卡有燈著真係靚晒
AL131 發表於 2013-8-23 23:50

我放部機喺地下, 就算有透明側板呀塊側板都係對住牆, 乜都睇唔到

reset2

回復 6# AL131
你死啦....中毒啦...

AL131

回復  AL131
你死啦....中毒啦...
reset2 發表於 2013-8-24 16:15

7950好貴
買唔起

reset2

回復 14# AL131
等佢減先...

whk1992

回復  AL131
等佢減先...
reset2 發表於 2013-8-24 16:31

等多兩等下代都出埋

whk1992

又夠鐘更新吓我對個機箱嘅感想

功能
首先講吓今次更新我覺得個機箱有咩唔掂
1. 2.5"硬碟架設計失敗。機箱個tool-free設計只靠一個卡位頂住硬碟個尾等硬碟唔會跌出來, 而非直接固定於螺絲位。結果就係隻硬碟可以喺個硬碟架上飛來飛去。用SSD都還可以, 因為唔拍撞; 用2.5"harddisk drive就真係凍過水。幸而個硬碟架有提供每隻硬碟兩個螺絲位; 之但係兩粒螺絲都裝喺硬碟同一邊, 變相mounting係唔平行 --- 無螺絲嗰邊成日半天吊。最煩係四個2.5"硬碟位中有兩個係要開底板背後嗰塊側板先用得。平時裝機多數都係開一邊, 唔換散熱器背板或者係執線又點會開另一邊呀......

2. 3.5"硬碟奇震無比。有趣地方係個3.5"硬碟架其實鎖到隻硬碟非常牢固, 問題出自其他parts諧震。我搵咗震問題起因係邊處, 發現3.5"硬碟架只係喺有鎖具嗰邊有橡膠, 另一邊係硬膠貼硬碟。難怪震音不斷傳過去。 (註: 我裝咗兩隻WD藍牌。)

3. 隔塵尚算有效。個機箱的確隔到大粒塵。睇睇圖先

圖中所示, 入氣口係隔咗唔少塵。機箱內亦真係無乜肉眼眼到嘅塵, 呢點Corsair做得好。提提各位呢張圖只係入氣口第一重防塵保護; 前方面板後仲有一塊可拆式隔塵網。個網幾乾淨, 我無影底。

4. 前方兩個USB插位、耳筒及咪插口、燈號用開機/重新開機制無故障。

whk1992

散熱
1. 跟機兩把風扇夠靜。我間房長機開窗, 出面不斷有車聲同風聲傳入。部機就喺我腳底, 我未聽見有來自機箱風扇嘅聲。

有圖有真相。部機真係喺我腳底架。

2. 機箱通風我覺得足夠。只裝兩把跟機風扇, 我到現在未見有任何散聲問題。玩各大作如Bioshock Infinite, Brokenfield 3及Metal of Honor時就算開盡Graphic Setting, 顯示卡上把風扇只行~60% (註: 自動變速)。粒U喺散熱風扇長行25%情況下保持75度以下。

3. 硬碟我唔見過熱。機箱有預留一個120mm風扇位喺3.5"硬碟架前方。2.5"硬碟架現有機箱前置風扇吹住。

4. 搭單講埋靜音 --- 本機箱無隔音可言, 但我絕唔會怪責Corsair。呢個機箱六面之中五面都有大網格去通風, 好難會話有咩靜音效果啦。更可況靜音從來唔係呢隻機箱個賣點


單係機頂個網格已經對正CPU散熱器, 各位要靜音的話就唔好買呢隻箱。

whk1992

執線
我之前裝機無執線, 因為怕有硬件有暗病要攞去換。現在行咗兩個月, 真係有嘢壞
不過係條RAM啫。既然有電線駁住嘅硬件都無事, 係時候執線喇。呢個機箱好難執線, 大家打算買佢就要畀多啲心機去搞。

請謹記呢個箱定位係Micro Tower, 少位係正常。我就講吓執線時我見到嘅問題啦。

1. 火牛通去底板後面嗰度好窄。老老實實, 要執就唔係話難。我隻牛D電線無得拆都可以塞得哂入去。


之不過就真係好勉強咁喇。首先個開口大少少就正哂, 因為D電線接頭好難通哂去。其次係條電線通過咗之後一定要即刻轉灣, 無得留低。

2. 太多電線可以收去邊? 我都諗咗陣, 因為無乜地方放到電線。

你望吓底板後面...... 電線都仲可以喺後面走過, 之但係接頭就唔可以就咁放喺底板後面。

幸好機箱底部有少少凹位收到Molex 4pin接頭......

真係多一組4pin線都收唔到

3. 硬碟架係有位收電線, 但大前提係未裝滿硬碟


4. 光碟機附近無紥線位, 我得一部光碟機, 咁咪用剩下來嘅空位紥線


5. 望返上面張執完線後嘅大圖先。係唔係唔覺有好多線喺後面走過? 唔明我講乜就望吓下面張圖啦~

機箱設計係有個大透視位。點解? 原本喺透視位嘅金屬被屈咗上去做光碟機架。節省成本嘛 --- 平係呢隻機箱賣點。要D電線執得靚, 就要避免喺個透視位現身。喺呢張相你亦見到要上2.5"硬碟嘅螺絲就要喺個透視位搞。

whk1992

造工

1. 2.5"硬碟架好刮手...... Corsair整個硬膠硬碟架時無留心要用圓角, 結果用家中哂伏......
2. 機箱螺絲面頭層黑油幾耐用, 我開咗過十次側板, 但粒螺絲仲未甩油。