tsquare

咁請問是否全部靜音機箱都係咁麻煩去清洗？  好彩我最後冇買到352,因靜音箱佢算最入門同平 ...
Dolphin13 發表於 2017-5-22 18:03

呢個好睇個人同居住環境，個個人要求唔同，可能我個人要求高
始終啲塵如果食得太入，加上濕氣，耐咗就清唔到，不過都有人成塊側板換
靜音箱多數都係靠隔音棉，以箱論箱，Silencio 同 N 系列性價比都唔錯，不過我建議你自己落場睇兩眼先
啱唔啱用睇吓度吓就會feel到

lowa_slipknot

我上星期買咗 Sharkoon DG-7000-G, 你 budget 之內。機箱放到兩個 5.25", 兩隻 ssd 同三隻 SATA, 前兩把 14" 風扇，後一把14" 。機前，機頂同機底火牛位都有隔塵網。機頂可加風扇或玩埋水冷。則板係鋼化玻璃。外型雖一般，但性價比高

tsquare

隔音棉會唔會令到機箱溫度提升?

via HKEPC Reader for Android
takayo72 發表於 2017-5-23 08:48

用得耐整體溫度係會提升，呢個主要靠理線同風道平衡返

呀基

想問下silencio 352 d隔音綿應該點樣清潔?  上個月剛剛買左一隻用緊，暫時未覺有大問題。屋企有兩部電腦，仲諗住幫第二部機都換埋siliencio 352@@"。我自己屋企本身好大塵，依家驚中伏@@"

patpatlee1231

cooler master Silencio 系列係真係做得好好
我現在用開 2隻 一隻ATX 一隻MATX
1年先要去掃少少塵一次
隔音當然睇個人喜好, 但佢有特別ge地方係, 因為佢有埋隔音綿, 以我自己經驗, 所以佢比一般其他防塵會防塵得更加好

但如果講防塵, 我自己經驗就係, 始終橫向機箱, 一定會有塵掉在機箱底/DISPLAY CARD上.
所以如果想再好D 會見議試下, 煙囪式的例如 silverstone rv05.
我買左2年, 從來都沒有清塵, 只洗隔塵網, 機箱內一直好少好少塵.

tsquare

想問下silencio 352 d隔音綿應該點樣清潔?  上個月剛剛買左一隻用緊，暫時未覺有大問題。屋企有兩部電腦， ...
呀基 發表於 2017-5-23 14:50

以下只係個人做法，只供參考，請自行DIY

側板面板全拆，先清理機箱內籠的塵，呢個比較自由，建議拎出門口用吹風機吹 (就顯卡同gap位吹)，細掃掃幾下，再用較溫性嘅清潔劑+水抺 (清機箱咋，唔好咁搞啲硬件)，之後確保風乾唔好有水氣

無吹風就慢慢用細掃掃 (底板都可以掃吓，顯卡都係建議拆返出嚟搞，因為好易有塵飄入去)，再抺機箱底就好，掃完會有啲塵積響機底同gap位，咁係最簡單最唔使工具比較hea嘅做法

個人唔建議用高濃度酒精抺機箱內籠，始終大部份都係黑化漆，抺多幾吓個面變粗就容易食塵，開始積塵同水氣的話，面板同後板，又或者鋼水唔足嘅地方就可能會出鏽

如果隔音綿有好厚的塵垢就用細掃整走佢先，之後先用吹風機吹，打直，隔音綿果面輕微鈄向下，用吹風機向隔音綿呈V字咁鈄吹，單向唔好來回，因為隔音綿好多細洞同缝隙，直吹/來回吹只會愈食愈入，做多幾次應該會見到成地塵灰
P.S. 因為唔會吹好耐，所以呢part某程度用普通風筒都ok

之後就開吸塵機用掃頭吸，都係單向唔好來回，亦唔好快掃，每個位都停5-6秒
P.S. 面板果塊唔會好多塵，多數用吸塵機吸再掃兩野就算

最後用小刷子向下刷兩吓就ok (打直輕微鈄向下)，咁樣可以完美翻新，但相對耗時

S352 外觀、前下濾網都不錯，問題係背板空間小，背板走線多數只可以走CPU電源 (唔係就會壓住隔音棉，勉強只會令隔音棉壽命下降)，線材增加散熱難度同易積塵
再加上 S352 的隔音棉厚度比較薄，鋼板厚度也相對薄，維護多幾次就會開始輕微變形 (鈄鈄哋)，亦比較易聽到高轉HDD嘅聲 (放枱底都還ok)

舊時多數人都係響 S352 同 FD Define Mini (R4就算了，太貴) 中選擇，但 FD 愈來愈貴之下，再加上佢個前風扇濾網...
如果鍾意 Silencio 個設計，550 會比較好一點，不過定位有啲唔同 (652就更巨)

daddylok

好詳細描述，感謝!

呀基

感謝師兄詳細分享！

rfdingo

352其實前面個網唔係好貼
要自己diy 少少
我自己買左d 薄綿(12蚊店一大條)
就住個網邊形，係箱個邊封邊