多士焗爐仔燒發熱線

C_Law

屋企個多士焗爐仔上面條發熱線不著。



在這裡搵到個關於焗爐發熱線的舊 Post：
http://www.hkepc.com/forum/viewthread.php?fid=19&tid=2285871

於是試下照樣做，由於個舊 Post 無駁返條發熱線的相，所以我影埋相。

拆開條玻璃管，同舊 Post 所講一樣，入面條發熱線斷開了。



於是將斷開位置扭返埋，不過條發熱線近斷口位的位置都已經好脆，試了幾次都係一扭就斷，結果整走兩三 cm 先至扭得埋。



將駁返好的發熱線穿發入去條玻璃管，再裝返好個爐試下，上下兩條發熱線都識得著啦。



我手工好水皮，本身撓成彈弓狀的發熱線，穿入去玻璃管時一些位置鬆一些位置密，所以發熱不平均，睇到有些位置特別光(即係特別熱)，上面條發熱線近右邊明顯見到是比較暗(即係比較不熱)。

不過都係抱住貪得意玩下的心態，屬於暫時頂檔性質，等有時間出街會買過個新爐。

willmak

其實有無試吓搵淘寶有無新，我屋企部光波爐都係燒發熱管，淘左條新既幾十蚊人仔，換左部機又重生啦

C_Law

其實有無試吓搵淘寶有無新，我屋企部光波爐都係燒發熱管，淘左條新既幾十蚊人仔，換左部機又重生啦 ...
willmak 發表於 2017/1/10 02:31

請問有無淘寶 Link 介紹下？

剛過去的星期日晚出街食飯時順便睇過屋企附近間電器舖，由於只係舖頭仔，款式不多，都大過我原本個爐，闊和高都差不多，但係太深，本來放爐個架塊木板不夠大，所以無買到。有諗住過多幾日得閒出街行多幾間舖頭睇下有無深度細小小的爐。

個爐都用了 5 年幾，燒得一條，我估另一條都時日無多，要換發熱線都會一次過換上下兩條，但係一條幾十人仔的話，兩條就差不多1/3個新爐。個爐都好幾年了，心思思想換，又想整。如果搵不到深度細小小的新爐，一係就換爐兼夾換埋放爐個架塊木板，一係就換兩條新發熱線。

willmak

你搵搵自己部機個型號既火數同長度配返啦
打烤箱發熱管就有大把出黎俾你揀嫁啦

C_Law

你搵搵自己部機個型號既火數同長度配返啦
打烤箱發熱管就有大把出黎俾你揀嫁啦 ...
willmak 發表於 2017/1/12 02:09

Thanks~~~

過去幾日朝早烘多士好似用得好地地，暫時不搞它，要換都等過完年先至搞。