電視同網絡線繞過門框

鄧記

電視、寬頻插座同路由器响廳，拖一條3C2V電視引入線同一條Cat 5網絡線入房，要繞過厨房門框。



屋主用粘貼嘅電線碼仔扣住啲電線，用咗幾年啲碼仔開始甩落，想同佢整番靚仔啲。屋主話唔要响地下過，怕洗地積水。又唔夠資源同技術打坑。响第二個網問過啲裝修CF，有意見話用啲幼電視線(日X城有售銅色個隻)同埋扁身嘅Cat 6網絡線，然後用門線冚住。但係始终都要做啲土木工程，鬭木泥水完全唔係嗰皮，因此想啉吓啲冇線方案。

試過用Wifi上網，週圍有廿幾三十個2.4GHz嘅SSID，干擾嚴重到响房度上唔到網。5 GHz週圍冇干擾，响廳度訊號好強，但係响房度見唔到個SSID，估係5 GHz訊號唔識轉兩個灣入到個房嗰腦度。

請問有冇ching用緊power line repeater？去高登問過兩間，話repeater要直插13A底座，唔好經拖板。但係廳同房都冇條件咁做。有冇ching有實戰經驗分享吓呢？

關於電視方面，房內係電腦插個USB TV stick。兩年前試過用室內天線，可以收到幾個數碼台，有啲收唔到，所以拖線接大厦公共天線。但係而家室內天線乜都收唔到。請問用有放大器嘅室內天線有冇用呢？

別問我是誰

電視、寬頻插座同路由器响廳，拖一條3C2V電視引入線同一條Cat 5網絡線入房，要繞過厨房門框。

屋主用粘 ...
鄧記 發表於 2017-2-13 21:23

最簡單既方法　買四方或長方形電綫膠槽　圍住門框 (跟返而家咁走)　整完油返門框色既油

鄧記

膠槽同門線都考慮過。鬭木油漆係蕉皮(唔係果皮)，因此想睇吓有冇啲無線方案。無線方案唔掂再考慮番膠槽。唔該ching。

TH30

回覆 1# 鄧記

其實你都差不多講晒每個方案的優劣了，
剩下的只有實地試行homeplug同室內放大器既效果。
我估計是不太樂觀。

鄧記

就係担心homeplug同室內放大器效果唔好，所以問吓有冇ching用過。

層樓响九龍灣，望到飛鵝山發射塔，不過唔係對正，奇怪點解一個台都收唔到。

lionfish

响天花過

pppp41

同一個问題樓主已經係一個專業diy網问過。不少装修大師傅已經答左。點解又係度再問?

via HKEPC Reader for Android

billyck2

事實框個線糟就收工,唔比落地,最快同有效就係咁,無線太多不穩因素
哂錢哂時間之餘重哂錢哂力,最後咩都做唔成

鄧記

3C2V?  咁幼! 做乜唔用標準5C2V?  你問過鄰居收唔收到電視台呀?

條電視線係樓下電器舖嗰啲白色線，single shielded，應該係3C2V，唔係5C2V。拖線時個TV stick就同架電視機一樣，收齊咁多個free to air數碼台。條線應該唔係問题。隔離鄰舍都係用公共天線，冇人用室內天線，所以冇得比較。

不少装修大師傅已經答左。點解又係度再問?

另個網啲CF俾嘅都係有線方案，點可以整靚仔佢。想响呢度問吓有冇啲無線方案。