鐵刨之旅 – 遲來的開箱

ginastar

一切始於2013年底的一篇出文
http://www.hkepc.com/forum/viewthread.php?fid=19&tid=2029856&highlight=
然後收到logoff師兄的禮物，一個Record 4號刨... 其後的事就是歷史了。

第一次接觸鐵刨，完全唔識用，初時仲鬆開前面粒螺絲來調較刨刀深度，而家諗起都汗顏，真係大鄉里，唔洗講當然刨唔出蟬翼的刨花。
看了大量網上資訊後，大致了解到西式鐵刨的歷史、編號、用途、設計，例如點解bedrock式設計會稱為刨刀中的勞斯萊斯... 至於如何入手，想買全新，買返來即刻可用的，有Lie-Nielsen或Veritas，唔想花大錢，可在ebay買70年代以前生產的舊Stanley/Record，然後自己重新調教並換新刀片，但唔好去Amazon買新的Stanley。
既然手上已有一個舊Record，當然先試調教這方法。拿到手的樣子，除少許繡漬，根本全新。




全部拆散，零件好多，根據這網站，這個Record應是60年代英國生產。
http://www.record-planes.com/


首先花時間磨平刨底、刀口、刀座、壓刀片、壓刨片... 然後反覆調教刀座(frog 上圖右二)的位置，又買了一些磨刀石，同埋一本書。


這書對磨刀操作只約略提及，但看完就像上了一堂金工基本課，對之後木工刀具的認識有很大幫助。攪了一大輪，終於也能刨出一卷卷的刨花。


人總是好奇，究竟Lie-Nielsen與Veritas，邊個正D，新的Stanley又係咪真係咁差呢？一於learn the hard way，各買了一款低角度短刨(low angle block plane)，自己去搵答案。


一分錢一分貨，3者分別完全價錢決定，先睇刨底。


麻花底唔洗講係Amazon Stanley (US$30)，平光的Veritas (US$94)，亮光的Lie-Nielsen (US$165)。不過Veritas這隻功能少些，如果與Lie-Nielsen同級果隻係US$149。
Stanley底部近鏡超粗糙


花左一日去磨平Stanley刨底，總算有些鏡面，刨刀反而出乎意料咁鋒利，這樣總算能用，但因其設計，調較出刀深淺比較麻煩。


至於後2隻即時已可刨出蟬翼刨花，但只有用Lie-Nielsen刨時會有種享受，幸福的感覺，當時心中就決定，只要繼續玩斗木，就可每年買一隻Lie-Nielsen，但唔可以同時買多過一隻，免自己淪為收藏家而唔係用家。其實2隻貴牌設計上有頗大分別，等有機會再講。以下是Veritas low angle smooth plane及Lie-Nielsen low angle jack plane。


這是我目前的刨刀架ver 3.1，已經冇位放，再買要重新做架了。


初時刨刀都係放工場，但去幾日旅行已經生繡，結果又要在屋企做個刨箱供奉，人難免會做玩具的奴隸。


PS. 傳統鐵刨，刀鋒向下(bevel down)，刨木角度取決於刀座的角度。低角度刨刀，刀鋒向上(bevel up)，刨木角度取決於刨刀角度，所以只要磨不同角度刀片，或準備多一兩塊刀片，即可應付不同需要。同時低角度刨刀，相比傳統刨刀，零件亦少些。
這是Veritas，比Lie-Nielsen的多3個零件。

digiman

不經不覺原來已經又幾年.............



冇用過刨

ching呢個分享真係唔錯

fffguy

細個果陣跟Uncle 玩過, 刨完之後, 佢話我塊木仲衰過未刨果陣....so sad.

aazz

鐵刨用過下;
中學木工堂;
但好像要刨平啲木總是不容易;
所以不如買木時;
買些已整平的

d819995

師兄你D收藏品好豐富哦! 西式刨其實微細調教方面做得好好 , 以前在油麻地大德五金都買過隻士丹利 , 近排再去睇已經無見西式刨賣...

高登阿伯

一切始於2013年底的一篇出文

然後收到logoff師兄的禮物，一個Record 4號刨... 其後的事就是歷史了。

第一 ...
ginastar 發表於 2017-4-22 10:10

八卦一問，刨底點磨平，但又保持平直?

digiman

八卦一問，刨底點磨平，但又保持平直?
高登阿伯 發表於 2017-4-23 00:38

木工刨唔好咁認真要求個精度，好多人都會耐唔耐磨返平個底，就算日本刨刨到薄如蟬翼啲大師都係咁
要高精度磨床應該係最佳方法

高登阿伯

木工刨唔好咁認真要求個精度，好多人都會耐唔耐磨返平個底，就算日本刨刨到薄如蟬翼啲大師都係咁
要高精 ...
digiman 發表於 2017-4-23 00:52

木工外行，所以第一個諗法就係，如果磨唔平，咁刨出嚟嘅面咪跟住斜?

果然隔行如隔山。