想晌廚房做個櫃

manchars

大家好

小弟想晌廚房做一個有星盆嘅櫃

廚房旁邊有個90cm x 90cm嘅騎樓，有一個水龍頭，我諗到嘅係訂造一啲木板同不鏽鋼架返嚟，做個地櫃，然後去旺角訂造黑麻石台面，再買星盆龍頭安裝

但我全無經驗，想請教各位師兄中間應該點連接?地櫃同黑麻石台面中間用玻璃膠? 我見網上啲人要倒水泥?

kswong8d

回覆 1# manchars
定做枱面都唔平！市面上有很多類似的成品，由千餘元起，有D重係防水的。

digiman

大家好

小弟想晌廚房做一個有星盆嘅櫃

廚房旁邊有個90cm x 90cm嘅騎樓，有一個水龍頭，我諗到嘅係訂造一 ...
manchars 發表於 2017-5-11 08:36

黑麻唔平，N年前整個三尺x兩尺加幾吋擋水都接近7舊水，黐木櫃及擋水邊用玻璃膠都得（雲石舖教嘅），用咗七、八年未發現有咩問題

某啲現成櫃都係千零蚊起唔貴，去旺角走轉睇睇有冇適合自己嘅，姨媽家私都有

belleville

認同樓上 ching, 買現成好 d
提提你, 黑麻唔防水的, 大部份天然石都係, 買時要講明加防水 coating
要防水買人造石好 d

manchars

呢個係我好初步嘅設計

因為現成尺寸滿足唔到，專業訂造又太貴，所以想試下DIY

多謝樓上師兄教路，依家開始有D眉目

我揀黑麻石係因為小弟只接觸過呢種石，同佢好平，旺角$50/平方呎，想問問師兄，做台面有冇其他石推介？
另外，我下面其實係2個木櫃，用實木好，定夾板已經夠做？(淘寶報價RMB500/個)

digiman

呢個係我好初步嘅設計

因為現成尺寸滿足唔到，專業訂造又太貴，所以想試下DIY

多謝樓上師兄教路，依家開 ...
manchars 發表於 2017-5-11 14:43

仲要計車邊、開窿人工，整好個櫃用紙或夾板做樣拎去雲石舖照樣開，可以整成L形一塊過嘅靚仔好多（可能計你九尺料），不過辛盤放角位唔好用（對條腰唔好），啲邊又單薄，搬時較易爛，同埋黑麻唔輕架，俾我再整都會用返黑麻，淺色雲石會好易滲污積變黑，黑麻冇呢個問題

露天會濕水肯定唔可以用夾板，唔濕水就冇問題

belleville

騎樓係露天? 如果係就兩難
枱面就無縫石好 d, 價錢通常以橫尺計 (深度包兩尺),  ~2xx 強國 ~5xx 泡菜 ~ 1xxx 美國, 以上係年幾兩年前價, 唔知有無改? 但人造石應該無咁防曬
天然石就唔怕曬, 但就防水差 d, 防水 coating 唔係永久, 快可能357年, 耐都係10年8年
最平又防曬一係不銹鋼, 係樣衰少少
重有石英石, 但最貴, 無經驗, 留返比其他 ching 講

manchars

騎樓係露天? 如果係就兩難
枱面就無縫石好 d, 價錢通常以橫尺計 (深度包兩尺),  ~2xx 強國 ~5xx 泡菜 ~ 1xx ...
belleville 發表於 2017-5-11 15:29

多謝師兄
騎樓唔係露天，出面落幾大雨都唔會濕到嚟，同樣亦唔會有太陽晒

manchars

仲要計車邊、開窿人工，整好個櫃用紙或夾板做樣拎去雲石舖照樣開，可以整成L形一塊過嘅靚仔好多（可能計 ...
digiman 發表於 2017-5-11 15:15

多謝師兄
我再睇睇用咩料做台面好啦，我唔要求靚仔的
個櫃我都係做實木算啦

worldcat

要諗諗會唔會成日“啄”野同砌骨，如果比較多就諗埋受力問題。
香港地，唔係咁易搵到實木賣。

想平啲同襟用，考慮下用磚砌毎底。