風車鋸，修邊機，積疏

話說有位朋友好慷慨甘俾左木工3件寶物（風車鋸，修邊機，積疏）小弟，接近全新或未用過，但全部都欠鋸片等配件，由於我是木工的新手，想借機會diy自己玩下。所以有以下問題想請教各位師兄？
1-風車鋸片問五金鋪有20，40，60，90齒配，其實有咩分別？（我主要用黎鋸雙或單面已貼防火膠板的木板，唔想個邊d膠鋸到爆晒，應該用咩好？）
另外，我只知把鋸好大，部機有無邊度可以睇到把鋸應該買幾多寸的鋸片，好似有6同9寸同12寸之分？
2-修邊機的鑽咀係點分類？有無呎寸之分？（我主要想修木板邊，修到半圓形個種。和一塊木板中間開一條穿透或一半的坑，和貼完防火膠板想修邊的頭）
3-積疏問五金鋪，只有粗齒同幼齒之分，只有這2款嗎？因為線鋸都有好多級數分。另外，即使是同一款鋸齒，都有長短分，正常開下碎料或板，要買長定短？

順便一問，想買部電釘槍同沙紙機玩下，各位師兄有無提意或介紹？打算香港買，因為都無係買一次同只為興趣非工作用，有無邊到會多款睇？鴨療街定砵蘭街會比較多款，或店員會比較有耐心介紹？

先行謝過各位師兄。