[教學] 拆解 日立窗口冷氣 死亡之迷

kamcm

拆解 日立窗口冷氣 死亡之迷
死狀: 部機幾乎隔幾個鍾就停. 會出隨機錯誤燈號, 部機仲會識自動又開完又熜等等.. 有時按REMOTE 直接沒反應, Etc.
==================
Background:
3年前的4月 裝了一部日立窗口冷氣RA-13LDF,
由第一日開始, 部機就已經唔多正常.
http://www.hkepc.com/forum/viewthread.php?fid=19&tid=2090352

花左5K所以唔捨得直接掉..
捱過左一年...總算習慣左D嘈音...
但第二年開始... 就間唔到會出現自動熄機問題...
今年4月, 有收到續保卡, 選擇直接無視了..諗住等變頻窗口機減價就換   


但最近開始, 部機幾乎隔幾個鍾就停. 30幾度冇冷氣是一件非常難以忍受的事情....只好立即親自動手看看那裡出問題了

看了一下... 標示的電流是6.65A


接上鉗表, 只開動抽風時(最大風量), 電流是 0.5A 左右


compressor 起動後, 電流是5.2A..


電流比標示的少.
但有經驗的都會知道WARMUP 後, 電流是比進一步昇高的..
只好等運轉幾小時後再量一下..  再次測量時, 電流果然有6A 了.


好去到呢一步, 基本上已經可以排除壓縮機啟動電容 / 壓縮機問題了.

以前舊款的窗口冷氣電路板是在正下方的, 而我這台日立窗口冷氣電路板在機身的左側, 非常不好拆.
所以建議以後買窗口冷氣, 又識DIY 的...還是挑前方可以ACCESS 到電路板 / 啟動電容的比較好..

唔想托部機出來....決定先挑簡單易拆的檢查... 把膠面板從金屬支架拆下後就看到..
PCB 霉了. 情況有點嚴重. 導致某些PIN 之間的阻值異常偏低... 估計死亡原因是 MCU 接收到異常信號而不能正常工作.


把它拿下來清潔

清潔後再次量了一下所有接點, 清潔後沒有出現開路情況, 所以就不用起飛線了


塊板霉成咁.. 唔敢再比佢沾水氣了... 只好出動三防漆


噴上三防漆後


幾分鍾後就干了大半了


然後把它裝回去就一切正常了, 再沒有故障了.  

估計日立近呢幾年的 D 新機多數都有類似問題,
原因係機身正前方溫度較低, 一般來說是10度左右, ...而那塊PCB 背的位置長時間是比較接近室外的溫度, 28至30多度..
那塊IR 接收板 PCB 前邊凍, 後面熱,  濕度高再加上一定溫差,  必然會係PCB後方出露水.
長時間浸住水, 而原廠又沒有在那塊IR 板落三防漆, 所以絕緣油浮起, 再沾上了塵就直接造成微短路了.



=======================
後記:
由於電路板蝕得有點嚴重.  小弟最後還是去了日立買parts (p.s. 萬能的TB 搵唔到有呢塊野買)


在日立那裡買了一款新的IR接收板, 要價180元  


這板我原打算買回去後, 先噴一下三防漆才上機的.
但他們交貨給我時, 就發現他們已經動手上了三防漆 (呵呵, 估計他們維修過太多機也是同一死法...), 看上去是用油的方式填上的... 但手工真心不行


如果有CHING 係用緊呢款機, 又未過保用... 記得CHECK 下呢塊板... 如果霉左就及早叫他們上門更換吧  

qkuser

回覆 1# kamcm

ching 好野
BTW 新買返來的那一塊,真係好樣衰,睇見都唔想用

Deer272

CHING 好波, DIY高手
果隻MEGGER鋏錶好靚仔
決定以後唔考慮日X冷氣

tomchen

塊板咁簡單，飛線救合乎經濟原則多 D...

solexkey

  好好好!!!

556556bt

勁.. 估唔到係呢D 問題....

hongkongfun

代理都算古惑
明知塊 IC Board 係最易壞的零件
預先搽三防漆
師父上去換一換都唔使 10 分鐘就攪掂
明賺續保/檢查錢  

ginastar

支快乾三防漆有冇形成一層膜？反而覺得代理用油的更正宗，雖然手工有夠馬虎

kamcm

回覆  kamcm

ching 好野
BTW 新買返來的那一塊,真係好樣衰,睇見都唔想用  ...
qkuser 發表於 2017-6-8 19:43

本來諗住噴D新三防漆上去等佢睇落平一點.. 結果火星撞死球咁款 ..


一不做二不休 , 起走哂舊果層


重新再噴一次 ... perfect