[開箱] (分享)螺旋開關水龍頭換陶瓷閥芯

一直以為舊式螺旋開關水龍頭漏水，只有換皮換O-ring，或者換龍頭，無諗過可以換陶瓷芯。亦出過貼求助：
換O-ring
http://www.hkepc.com/forum/viewthread.php?tid=2249702
搵喉皮
http://www.hkepc.com/forum/viewthread.php?tid=2114734

最近廚房和廁所水龍頭相繼旋转不順，可能塊皮唔夠厚，長期扭到好實，導致芯內六角柱太出開始磨蝕，又或者無加返適當的潤滑劑，再加上水垢，日積月累下變成圓角。當開水時與內六角走位，不能順暢開關。

1. 廚房

2. 廁所

有陣响HKEPC做cd-rom，見到關於水龍頭漏水的貼，有師兄提意換陶瓷閥芯或換陶瓷芯的水龍頭。但 Search 關於由螺旋開關換成淘瓷芯，搵唔到比較詳細資訊，一於轉去萬能的淘寶。

根據淘寶店的資料，換閥芯要測量舊閥芯的尺吋。

剛開始時，對比返我原有的閥芯，廚房的是16齒(暫時响淘寶還未搵到)，廁所的十字把手又拆唔到，咁就坐咗响度。

其實呢個齒位大小和齒數係決定原有把手可否重用，針對我自己的個案，我可以換埋把手，個齒數就沒問題了，於是成個龍頭的外型都會變埋。

跟住度埋喉牙大小及深度，廚房係用四分喉牙～21mm深，廁所就係約18mm直徑～17mm深。
廚房的尺吋比較容易搵到；廁所果款比較少，有的都是19mm深的，反正都唔係太貴，19mm都買了。

原來閥芯有分正反，逆時針開或順時針開，我的原本是逆時針開的，一於每款都買，亦都買咗幾款把手。

廚房拆裝過程順利。

廁所的真的長了，收緊後不暢順。唯有換上一條比較粗的o-ring，墊起少少(原本的閥芯條o-ring 都係外露的)，暫時解决，開關都順了。

純粹分享，謝謝觀看，給有需要的師兄師姐參考。

附件: 您需要登錄才可以下載或查看附件。沒有帳號？註冊