[操作疑難] 求教救相機鋰電池方法?

sonycliepda

我有部十年以上的 NIKON DSLR相機, 而家好少用, 長期放埋一邊, 但怕無電而唔記得時間, 所以會放粒原廠電池入部機度做backup的, 但一排無用之後粒原廠電池竟然被接近放干電量, 由正常的 7.4V, 跌至 1.6V左右, 之後拎啲用 USB 式雙座充的充電器充電, 但充極都充唔起粒原廠電池呀! 但又揾唔到原廠部座充, 上網揾過啲救電池方法, 話揾一個穩壓有大約7V DC輸出的電源, 直接叉粒處於低電壓狀態的電池, 約幾秒至十秒左右, 打返起粒電池, 但因為身邊沒有穩壓電源, 我就想左另一個方法, 就係用粒正常充滿左的原廠電池, 去救返粒處於低電壓狀態的電池, 充了大約十秒左右, 竟然眞的救返起粒電池呀! 而家我有個問題係我咁樣做, 對於粒正常電池會很傷嗎? 會有不良後果嗎? 但見而家兩粒電池都可以正常充電了。想問原廠電池內的保護板不能防止電池內部電壓過低嗎? 請指教一下, 謝謝!

billyck2

通常餓死既鋰電,救返都損失三成壽命,更多既係一差即滿,一用即乾
而家你已經好好彩,重留返DD電未死得哂
飽死餓死都係鋰電天生死穴,所以先有保護板
而你果件野,用咩保護板,甚至有冇保護板,只有你自己先知

solexkey

唔樂觀...
可以正常用充放２,3周期觀察吓電量

但當你發現就算充得滿但可能放幾日又會好快走哂d電嘅話, 粒電都返魂乏術
N年前notebook電池都用類似方式救過, 但唔能持久

william-yeung

買個粒新電。