[教學] 洗衣機換0卑0令三叉架分享

之前好似有人問過,我剛剛換完,分享一下經驗,主要係難點分享。希望大家有用同埋事前評估係米要嘗試,事關對我來講結果係好大工程。

我果部係直驅大眼仔。點拆機youtube上面有,唔重複。但youtube上面大部分片都示範到好容易,但事實唔係咁簡單。要留意地方/難點:
1. 磁轉盤同三叉架上轉軸粒螺絲好實因為落左螺絲膠。我用鎚仔好好好大力打落扳手柄好多下先開到。衝擊批都開唔到。
2. 因為卑令同轉軸生曬鏽,食實曬,好難將主軸同外鼓分離。狂敲之下,轉軸變曬型都甩唔到。最後按一條youtube提示高空掉落地先搞掂，但主軸已毁,需更換。
3. 三叉連主軸同一件零件，拆落泥只需拆3粒螺絲,但又係螺絲膠,除非加熱唔係無可能擰出。只能用電鑽爆破,有角磨機會快好多。
4. Youtube上大量片都示範用鎚仔螺絲批敲卑令出泥,但我經驗係有鏽既話你係無可能敲得出泥。一定要用工具,結果我淘左洗衣機軸承專用拉馬就輕鬆搞掂。
5. 拉馬要用扳手士巴拿轉動。由於食實曬，有拉馬都要好用力。所以扳手一定要夠長,唔係唔夠torque,會轉唔郁。

CD rom 多年,吾識放相,文字先同大家分享。希望幫到你。

via HKEPC Reader for Android