[操作疑難] 整冷氣定換冷氣?

我要買電腦

各位師兄,小弟想請教下以下情況部冷氣仲有無得救定直接換左佢算數,,

2016年機掛牆分體,PANASONIC 冷暖變頻

買返黎到2019都無洗過
2019開始唔凍,出風大聲,冷氣左右出風唔平衡(左邊大風右邊無咩風)
原廠上黎話洗機就無事,洗完機的確好左好多(洗左1500蚊)
但洗完機就開始間中室內滴水,我已經買左條4米膠管去通返
但之後每兩三個星期就會滴一次,每次通下佢又可以頂到一頭半個月..

到今年2020,部機又唔凍,我就自己買野洗,兩星期前先用左一枝3M洗機,再用埋噴水壺去洗晒入面黑色轉D塵出黎,但出風都仲係唔凍,依然係右邊無咩風出

早幾日又惡化左,D風愈黎愈唔凍,開到最低16度都唔凍(小小涼),最後部機唔知係咪頂唔住又即刻滴水

請問有無師兄睇得出到低係壞咩?有無得救定醫返都晒藥費?出風唔平衡係咪無得搞?定應該又搵原廠大洗一次觀察下?


報告返，比左830洗機，師傅話問題係之前自己用3m洗機噴劑自己洗完塞左個豬籠，我都望住佢用水槍洗好多啫喱狀既野出黎，洗完部機無事了，以後定期洗機，謝謝各師兄

TH30

出風弱，冷氣聚在機內，形成倒汗水？

我要買電腦

出風弱，冷氣聚在機內，形成倒汗水？
TH30 發表於 2020-8-12 12:03

    我覺得有機會,因為佢滴水時D水都好似冰水咁凍..
就係唔知有無得整..

peter_chan

4年的分體機﹐我會比一次機會佢。

都係唔得﹐先至去換部新。


ps. 坊間有人講﹐變頻機的技術未成熟﹐所以幾年前的機款基本上就係換電子板﹐再唔得就變成垃圾。
是真是假﹐自己去了解﹐我都係聽返來﹐無考研過。

TH30

我覺得有機會,因為佢滴水時D水都好似冰水咁凍..
就係唔知有無得整.. ...
我要買電腦 發表於 2020-8-12 12:14 PM

漏雪種？冷排有結霜？風道被阻？

我要買電腦

4年的分體機﹐我會比一次機會佢。

都係唔得﹐先至去換部新。


ps. 坊間有人講﹐變頻機的技術未成熟﹐所以 ...
peter_chan 發表於 2020-8-12 12:21

    原廠師傅上門都有講過變頻其實唔多好..但當時貪心,諗住天氣凍都有暖氣用(停留左係199X年代)..所以15/16換返正常機會唔會先係一個岩既決定..

我要買電腦

漏雪種？冷排有結霜？風道被阻？
TH30 發表於 2020-8-12 12:21

    聽人講基本上唔會漏雪種,所以無細心睇過..
蒸發器無結霜,風道被阻應該係,但唔熟機件唔知原因..諗緊可能要大洗清一清定大洗都廢事..直接換,但換一換又一萬幾千..所以先想請教值唔值得整..

peter_chan

聽人講基本上唔會漏雪種,所以無細心睇過..
蒸發器無結霜,風道被阻應該係,但唔熟機件唔知原因..諗緊 ...
我要買電腦 發表於 2020-8-12 12:32

    正常來講﹐雪種係有機會漏的。

一係﹐新機裝完一兩個星期就知道﹐因為駁口位做得唔好。

一係就係條喉一直都有滲漏﹐或是真係條喉受損﹐但係滲得好少﹐所以一直都唔會發覺。
要去到低於某個水平﹐部機慢慢出現唔夠凍﹐你才會發覺有問題。


出風量少﹐唔排除係部機自己的保護功能發揮﹐減少出風量。


如果未比人整過﹐4年機就比一次機會佢。
分機機﹐正常係比窗口機耐用的。如果係窗口機﹐我就直接提議你換。

tseling

如果凍coill結冰，唔夠雪種，唔夠風或者污糟都會

jwong852

用鉗錶度下電流就知夠唔夠雪種啦！
開最凍，電流都係少過標稱20％，９成唔夠雪種。

via HKEPC Reader for Android