TGC恆溫熱水爐問題

iwantip6

個爐係6月中因為爐芯有問題,已經加錢換左一個,之後一直都無事,但因為天氣開始冷,本身由35度沖到去38度,之前一直都用緊一個多功機花灑頭,一直都無事,點知有一日,沖緊涼時,無啦啦聽個爐BOMBOM,之後D水就由38度水,突然變冷,之後又由冷變到極熱,為持左好耐,以為有咩事啦,最尾估係個多功機花灑頭因為舊有事,所以之後換左個直出,點知用左幾日,問題有少少同之前一樣,剛好我又係TB買左個功機花灑頭,用左一輪又無事,但隔左幾日問題依舊

之後我搵左煤氣公司第一個CF上黎.個CF我個人覺得經驗唔夠,檢查左一輪之後就話有3個可能,話爐芯可能有事,個水壓可能有事,個電子板又可能有事,總之係無一個答案俾我,我住公屋,水壓一直都好夠,所以問題應該不在,爐芯新換,無可能噤黑仔壞呀?最尾我同呢個CF講,有機會係電子板有問題,但剛好佢無帶,結果無得試

到左另一晚,我實在受不住呢個問題,我又打去煤氣公司講,講左個問題,之後叩佢地俾個有經驗CF,同帶電子板俾我

之後呢位CF上到黎,我講左個問題俾佢知,佢之後幫我拆開個龍頭試,由直出果個,試埋多功能果個,都係有BOMBOM冷水去極熱水問題,而佢話有機會係我龍頭有問題,所以有機會係塞住左而有呢個問題,但有D野真係好鬼,呢個CF上到黎試,D水都算叫穩定,而佢又拎埋個電子測溫出黎幫我試溫度,而結果係,個爐試緊水果時係38,一測到落33左右時,就即刻聽到個爐BOMBOM跳火,試左幾次都係噤,當時得出個答案係水流好似唔太穩定,而佢建議去煤氣門市買個99蚊大去水量龍頭應該解決到問題,OK我買啦,但呢家諗起一件事好豬,點解我唔叫埋佢試電子板?

好啦買左個煤氣公司大水量龍頭沖,OK既,沖38度水係好穩定,無BOMBOM跳火由冷水變極熱問題,但其他問題又出現,就係發現當我一邊沖熱水時,一邊洗衫,BOMBOM跳火由冷水變極熱問題又出現返,但呢個情況我以前係唔會發生,之後我再試關左洗衣機,開廚房冷水喉同廁所洗手冷水喉時,同樣都有BOMBOM跳火由冷水變極熱問題,而呢家再試時,係再有其他問題,就係水溫底過38求時,同樣都有BOMBOM跳火由冷水變極熱問題,35度沖有,37度沖有,就係38度以上無呢個BOMBOM跳火由冷水變極熱問題令我極之煩惱,希望大家俾D意見點做好?

大前提下房處係今年有換水錶,換左之後廁所洗手位置冷水出水明顯急左,我有投訴過,但房處話無得攪後就無理了,但當時係無BOMBOM跳火由冷水變極熱問題

raywan

電子板壞,唔識收火, 一直直沖上最高溫-->超溫保護,之後水溫冷左,又點火加熱-->Boom點火-->唔識收細火-->用到最大火加熱-->水溫到左60度又超溫保護-->關火.....loop到2049
換板馬上解決問題

ANWKLO

回覆 1# iwantip6

個爐有最低35度, 應該唔會好舊, 是什麼型號? 重有無保養

由冷水變極熱問題, 唔關水壓事, 只有開唔開到爐, 唔會變極熱.

iwantip6

電子板壞,唔識收火, 一直直沖上最高溫-->超溫保護,之後水溫冷左,又點火加熱-->Boom點火-->唔識收細火-->用 ...
raywan 發表於 2020-12-12 02:18

   我約左cf明天黎睇,應該換板就知

iwantip6

回覆  iwantip6

個爐有最低35度, 應該唔會好舊, 是什麼型號? 重有無保養

由冷水變極熱問題, 唔關水 ...
ANWKLO 發表於 2020-12-12 11:25

    明天就知答案

kelvin1982

我屋企情況同你一模一樣, 但我覺得係水壓問題, 我個爐兩年前買, 之前用就已經係咁. 無開爐既情況下, 我開冷水的水壓是正常的, 但我扭去熱水果邊, 水壓就明顯係冷水既一半. 所以我地沖緊涼時, 盡量都唔開其他水掣(洗手盤/洗衣機等..)
我屋企D水管我諗應該起碼1x年以上, 所以我諗應該熱水管裡面積左好多垃圾, 所以先會咁.
有時我見D廣告話有公司做洗水管服務, 好似3千蚊左右, 用果酸去洗屋內水管, 搞到我想試下. 但我又怕1x年既水管, 咁拿法, 如果拿到牆內水管爆咪PK, 所以只好忍忍忍. 忍到有日, 有錢大裝修時先一次過搞.

淼林焱

我既情況都係成日好難撻火
直到前晚用用下熄左火着唔返，當晚換電(鹼性電)又得返窩
但第二朝起身時又完全唔着火，就超sad琴晚降溫無熱水沖涼
但最鬼既係到夜晚試下D櫃桶底既碳性電又即刻無事（用足一日一夜）

ANWKLO

我屋企情況同你一模一樣, 但我覺得係水壓問題, 我個爐兩年前買, 之前用就已經係咁. 無開爐既情況下, 我開冷 ...
kelvin1982 發表於 2020-12-15 12:10

可以搵煤氣公司上來量度熱水爐出水壓是否正常
睇Youtube 台灣好多洗水喉管, 可能係硬水, 洗出來的水好污濁.

iwantip6

CF上黎又又又check過,CF好熱心,但點都check唔到有咩問題,而且極邪門,CF上到黎個爐正常,所以我都唔知講咩好