九牧 (JOMOO) 大陸花灑頭 拆解相片分享

hkshit

JOMOO 九牧淋浴花灑噴頭 .
購於 2019 年 11 月 , RMB 31 包郵 .
使用至今約 1 年 .

以前係 日本城 (香港) 買開 200 幾蚊 類似款式 (可調較出水模式) 唔記得咩牌子好似 MADE IN UK 既花灑頭 ,
連續兩次買同一款都係用完一段時間之後裡面螺絲膠柱斷裂 (我拆開睇之前已斷) 因為轉個轉輪既時候有磨擦力條螺絲受左力 .
( 屋企人買完我先知又買返一模一樣同一款   )

後尾見呢度有人話大陸牌子 九牧 都OK足料 , 又見到 30 蚊好平就買黎試下 , 反正唔係飲落肚 .
用左 1 年左右 , 咁就拆出黎清潔下 , 都好乾淨 , 死角位有小量透明黏稠液體 , 唔知係本身來水抑或沐浴露洗頭水積垢 .
黑色 O-ring 用紙巾擦有少量黑色甩 , 洗一洗乾淨 .
電鍍基本無花痕 , 唔錯
我最關心既螺絲膠柱位 , 管壁都好厚 , 側面6條好粗加強筋接到上頂部 9 成長度附近 , 強度甩開屋企人以前 日本城 買個款 9 條街 !

以前 日本城 買個款膠柱管壁薄好多 , 側面加強筋只係上到 2 成長度 , 條螺絲尾部與內管接觸面居然係加強筋之上 , 連續買兩次都係斷呢個位 !

呢款 九牧 花灑頭外面幼身出水膠粒位 , 同以前 日本城 個款一樣問題 , 用落都會裂開 , 然後出水就會開差 , 我都係剪平解決 .
有問題膠粒位睇相可以見到集中同一方向 , 可能用個人使用習慣有關係都未定 ...

hkshit

你好似冇著衫褲影相
FYY 發表於 2021-2-28 17:36

睇到無獎架
講埋俾你聽 , 白色長袖衫長褲 , 橙色外套 , 我有用 A4 紙遮自己個樣 .

都知你班友仔
魯迅曾言：「一見短袖子，立刻想到白臂膊，立刻想到全裸體，立刻想到生殖器，立刻想到性交，立刻想到雜交，立刻想到私生子。中國人的想像惟在這一層能夠如此躍進。」

hkshit

你好似冇著衫褲影相
FYY 發表於 2021-2-28 17:36

我都唔怕俾埋個 body 你睇 , 費事 admin 以為真 ban post .
因為有個影 , 所以我 1 樓 cut 左張相下半截 .

liyee

睇到你呢個都足料啦。

我上次買咗嗰個，一開水喉邊邊即時爆破，檢查內裏完全冇料到。（當時售價廿幾蚊）
只係入邊有一片出水鉄片，一個膠圈，就咁多。
影埋短片畀佢睇，好似退返錢畀我。（已唔記得）
水力直出




via HKEPC IR Pro 3.6.1 - Android(3.3.1)

hon829

凸頭噴咀就有樣唔好, 容易掽爛後水花外噴

rwkero2

日本城經常中伏
買過兩個rhythm鐘仔, 用左兩年幾唔行, 打開睇佢個線圈居然斷左, 兩個都係
又買過條tv電線同軸線, 重衰, 果頭d膠老化同個頭自然爆開左, 念住抆走佢, 抆極抆唔nut, 咬實個電視機, 卒之用鉗先得

以後絕非極緊急都唔去日本城買

hkshit

睇到你呢個都足料啦。

我上次買咗嗰個，一開水喉邊邊即時爆破，檢查內裏完全冇料到。（當時售價廿幾蚊）
...
liyee 發表於 2021-2-28 18:02

都係 九牧 呢個牌子嗎 ?
呢一款設計應該係得一個薄片 , 裡面無其他野 , 就算香港買到既 200 幾蚊日本貨都係咁 .
我就覺得唔值個價錢 .
呢款好既花灑 (越貴) , 塊薄片D窿要唔割手 , D窿越多越細 (0.幾mm) 成本越高越難造 .
（申明：我無實際用過呢款）



- - -

剛剛睇返我買個間天貓店 , 有款 "絲雨" 新款 , 出水口軟膠轉左用透明硅膠

hkshit

題外話 , 想問好耐 , 而家記得就問埋 .
水龍頭出水口既黑色膠圈 (丁晴橡膠 ?) , 每幾個月清潔既時候一摸上手都甩黑色 , 用紙巾擦就好似擦極都仲有少少黑色甩出黎 .
就算廚房個飛利浦龍頭濾水器 , 拆開清潔 , 都發現黑色膠圈有呢個問題 , 因為飲落肚有D疑慮 .

係咪自己換做透明/奶白色個D硅膠膠圈就一定唔會甩色 , 抑或因為透明其實甩左飲落肚都唔知 ?