一次錯誤的選擇, 不吐不快
十年高齡美的分體冷氣機雖然好凍, 但神神地, 有時結霜, 又成日噴水點, 以我估計應該係唔夠雪種, 
本來打算叫CF整, 不過部機都十年, 就算整好,能源效益都不及新機, 仲有,雖然部機之前俾我DIY大洗, 但仍有異味,所以決定換部新既.
早前, 有一隻分體做父親節優惠, 匹半冷暖分體3980包安裝至23/6/09. 早幾日打去其中一間指定電器鋪問仲有冇做優惠, 佢回覆有,
但去到鋪頭又另一回事, 佢話優惠已完, 但可以半價安裝, 即$500, 另拆走舊機摋走不另收費(一般收300) 計計條數都係俾多兩舊水, 好, 豪俾佢 (3980+500).
第二日早上心思思打去鋪想話轉大金inverter, 但老細話已經攞左貨, 改唔到, 惟有照用.
下午cf上門安裝, 不知道原來而家D所謂CF手工求其，技術咁差
1. 唔識拆假天花, 要剪走小段天花龍骨, 讓整幅天花向一邊移, 騰出細小工作空間.. (幅相係我第二日拆開睇漏水時影)
2.為左方便，竟然想用塊室內機金屬掛板壓住ｄ電線，我見到即時制止，要佢係金屬掛板開窿，俾電線過．不過佢地唔係用拎梳開窿，而係用鑽加剪，開到好肉酸，又鋒利，真係驚界傷電線．
舊機電線係在金屬板前面出.
3.冇同我更換所有雪種銅喉（我知超過十尺要另外加錢), 但佢話換左可能冚唔番外牆雪種喉膠槽個蓋, 又冇抽真空, 不過我都預左.
4.唔老實,同我講話係用兩分螺絲去固定室外機, 但事後發現佢祗係用4粒分半攻牙螺絲去固定室外機, 好驚唔穩陣會飛落街做成傷亡,
舊機係用5/16"不銹鋼過山螺絲.
新機用既香雞螺絲
 
5. 冇手尾,完工後竟將問我借的工具及垃圾留在天花,又冇將用作吊住龍骨既支柱勾回就放回鋁天花片,當時已remind左佢,但事後發現冇勾到, 好彩冇塌下來.
 6. 手工差, 晚上部室內機流口水 
牆身後面, 廁所天花裝飾木板濕晒 
包成咁, 唔流口水就怪
真後悔幫趁呢間, 仲醒左一舊水茶錢俾佢添.
如果唔係要高空工作, 我一定DIY.
***********************
今日(9/7/09)另外一個CF上嚟, 我同佢講左我既要求, 全程監工:
1. 室內機要唔滴水
2. 更換不銹鋼(5/16")螺絲
cf 同佢助手搞左成兩3粒鐘, 重包部分引致漏水既銅喉, 再換埋室外機固定螺絲(佢地冇不銹鋼螺絲, 由我供應), 终於搞掂,
點解做咁少既要咁耐? 皆因上手CF種的禍及CF工具唔齊.
見佢地咁辛苦, 又醒左舊水俾佢地食晏.
[ 本帖最後由 kentnklee 於 2009-7-11 13:55 編輯 ] |
簡體版
訂閱頻道
訂閱電子報
發表於 2009-7-10 21:12
| 
. 惟有做環保份子啦.
, 二年新裝修咋.