C_Law

回復 3# kentnklee

機頂盒方面，我無用內置編碼，亦不想花時間去 Search 有沒有預設編碼，我是直接學習原裝遙控器。目前試過我自己部 Thomson F500(據講也是 8 仔/同州 OEM 機，遙控器外型是一樣，但實際發射編碼是不同)，以及我哥的 MagicTV(不記得是那個型號)，都能成功學習。其實 8 仔/MagicTV、以及不小大陸電器都是用 NEC IR remote control protocol，只不過各有各使用不同數值。

冷氣機方面比較複雜，以我睡房部用了十多年的豐澤機為例(其實是日立 OEM 機，我不清楚其它牌子冷氣機的遙控訊號是否都這樣複雜)，大部份掣是因應遙控器當時個 LCD 顯示的內容而改變發射訊號，就算是同一個掣，每次按掣都發出不同的訊號串。例如目前 LCD 顯示高風速，這時按一下風速掣，LCD 顯示會變為中風速，同時發出中風速的遙控訊號，再按同一個風速掣，今次就發射低風速訊號，LCD 顯示也跟著改變，如此類推，每按一下掣，就跟隨高、中、低、自動、高……的次序循環改變 LCD 顯示及發射不同訊號。模式掣(冷氣/淨風/抽濕……)、溫度加/減等掣，一樣是每次按掣都發射不同訊號，所以如果萬用遙控器有內置你部冷氣機的編碼，最好用內置的編碼，否則，要分開用很多個掣去學習不同訊號(每個模式、每種風速、每個溫度)，況且，由於冷氣機的遙控訊號好複雜，每組訊號串都好長(有過百個 Pulse，一般電器的遙控訊號串每組都只是 1x~3x 個 Pulse)，我都不肯定萬用遙控器能否學得到(我沒試過)。我這個新買的萬用遙控器有日立冷氣機的編碼，初步試過是用得到(沒詳細測試，事關今年都還未正式用過冷氣)，但只有開關、模式、風速、加溫度、減溫度等 5 個最基本的掣，原裝豐澤/日立冷氣的遙控器還可以設定在預校的時間開機、關機，睡眠模式、清洗隔塵網提示……等等，這個萬用遙控器都沒有。

2012-05-27 01:00
剛才無聊詳細睇睇冷氣機的遙控訊號，結果發現冷氣機的遙控訊號比我想像中複雜。

我按風速掣，先紀錄一次高風速的訊號，然後其它設定維持不變，再按多幾下風速掣，紀錄下一次高風速的訊號，結果發現兩個訊號是完全一樣。不過，之後改一改溫度，再按風速掣再紀錄一次高風速的訊號，雖然同樣是按風速掣，同樣都是高風速，但當時遙控器顯示的溫度不同，結果紀錄到的遙控訊號都不同。似乎冷氣機的遙控器，不論按什麼掣，所發出的遙控訊號都包含整部冷氣機的所有設定(溫度、風速、模式、時間掣....等等)，難怪冷氣機的遙控訊號串大幅度長過一般家電。如果不是有冷氣機預設編碼的萬用遙控器，單憑普通有學習功能的遙控器根本不足以控制冷氣機，事關不同的溫度、風速……等等，加起來實在有太多組合，無可能學得齊。

不過，雖然冷氣機遙控訊號串好長，但這個 RM-L988 仍然是學得到，只不過，一個掣學一個組合。不能像真正冷氣機遙控器那樣，一個掣校風速、兩個掣分別加減溫度。

C_Law

回復 6# 167pk

同一個型號的萬用遙控器？

我用過 4,5 個不同型號的 Chunghop 萬用遙控器，都未試過因為無電而遺失設定，電量方面也沒你所講的那麼短，用全新鹼性電可用超過一年，就算用"二手"鹼性電也可用兩三個月(家中有個血壓計，也許入面的氣泵很吃電，用得兩三個月，電壓稍為下降已推不動氣泵，我會將換出來的舊電池裝入遙控器繼續用，其實這些舊電池在遙控器可能可以用更長時間，只不過兩三個月後，血壓計又要換電，所以都順手同遙控器換電)。

2012-05-26 18:30
剛回家試過拆電約一分鐘後再裝電。時間重置到 12:00，Key sound 設定也改變了，原本設定為無聲，拆電再裝電後變有聲。但所有按掣設定都無變。今晚會再試試斷電更長時間。

2012-05-26 22:50
剛才再試多一次，拆電一個鐘。同之前一樣，只是時間和 Key sound 設定改變了。所有按掣設定都保持不變。

C_Law

回復 9# hktravel

遙控器訊號千變萬化，以常用的 NEC IR remote control protocol 為例(有線電視解碼器個遙控、還有很多大陸電器都是用這個 Protocol)，長度是 32 bit，理論上可達 4G 個不同訊號！再加上其它不同的 Protocol，所以不要祈望真是有萬用遙控器的內置編碼能適用於所有電器。

買萬用遙控器，最緊要都是有學習功能。

hktravel

回復 13# C_Law


"......買萬用遙控器，最緊要都是有學習功能......."。

原來如此！ 收到！

siukat

我用RM-L936,好耐都唔駛換電,換電都唔駛SET過哂!

siukat

有時原裝搖控器同一個制長按和短按有唔同功能,
萬用搖控都學得到,但要分兩個制來學!

C_Law

回復 15# siukat

我個剛剛罷工的遙控器正正就是 RM-L936。已用很多年，耐到我都不記得何時買，但肯定未有數碼電視廣播的時候已經用它，用到幾乎所有掣的字都脫色了。

剛翻查 Thunderbird 的寄件備份，原來早在 2006 年中，已在 Newsgroup 入面向人推介過這個 RM-L936。

C-Leung

我用緊呢隻學晒 AMP/ TV/ MEDIA PLAY/ DVD主要鍵, OK夠用, 好耐都未換電
普羅 發表於 2012-5-26 16:04

    呢個係好用，不過得learning冇得入code
另一隻差唔多款就斉入code冇得learn

近排買咗隻有齊learn 入code muti function嘅chunghop remote，但係d code都唔齊，跟code book set根本控制唔到我部lg tv
結果都係要靠learn/search code
舊款chunghop remote都有code控制到ga wor，新嘅仲差哇？
ps 舊款係３位code，新款係４住code

C-Leung

仲有以前chunghop要download返codelist上官網就得
而家新款remote上官網都冇得download

chunghop都係代用remote大廠，乜而家做到咁呀

hktravel

未用過有Learn function既遙控。係咪要原裝個遙控器重係work，個副廠遙控先可以由原裝度Learn？