GbE

即係要換相中綠箭嘴的方形電容？

旁邊兩個紫/藍箭嘴的電解電容好不好順手換埋？
反正都係要出 SSP 買。
...
C_Law 發表於 2016-11-20 21:05

Yes, 粒 X1/X2 Cap, 其它 2 粒 E-Cap 多數冇事, 不過行開就買埋。
比我會换 CBB 电容, 原因係 X1/X2 Cap 唔玩得好耐會壞過。

你上面嘅分折十分正確。

999067800

又長知識，多谢各位！

C_Law

Yes, 粒 X1/X2 Cap, 其它 2 粒 E-Cap 多數冇事, 不過行開就買埋。
比我會换 CBB 电容, 原因係 X1/X2 Cap  ...
GbE 發表於 2016/11/20 21:20

SSP 華輝、公公婆婆，以及女人街麥氐都無 X1 Cap！

用 X2 Cap 可以嗎？

GbE

No problem

C_Law

昨晚買了電容但無時間，今晚才有時間動手換電容。我見麥氏買到的電容(13#幅相最左)尺寸同原裝電容差不多，於是揀它。


不過換完後駁通電，部機竟然全無反應！


換電容前，剛接通電源的一刻，指示燈會著大約一秒然後熄滅。但剛才換完電容後接通源時，指示燈全無反應，按開關掣也無反應！試下開照明燈又開得著，即係安全掣係正常開著，照計係有 220V AC 入到去線路板。

拔走插蘇再三檢查剛才的焊點，不似有問題，再次接通電源，指示燈仍然係無著過！今次再度粒 Microcontroller 的 VDD/VSS 之間的 DC 電壓，竟然係 0V！心諗大鑊啦，莫非塊線路板被我整壞了！？

還原基本步，拆走新電容再焊返粒原裝舊電容上去，通電後指示燈正常著一著，試下按開關掣，指示燈變長著、Relay 有一下聲、摩打轉，係正常反應，好彩塊線路板未死 。再度下 DC 電壓，同前日(星期日)度到的結果係一樣，熄機狀態下係穩定的 5V，開著 Relay 時跌落去大約 2.5V 跳跳下。

再次拆走原裝舊電容，今次換華輝粒電容上去(13#最右邊)。今次接通電源後，指示燈正常著一著，DC 電壓有 5V，試下短按開關掣，指示燈長著、有 Relay 聲、摩打轉，係正常反應。在摩打轉的狀態下度 DC 電壓都仍然係穩定的 5V，Yeah~~~成功在望啦！


指示燈長著(摩打轉)的時候再短按開關掣，燈號變快閃，摩打繼續轉，幾十秒後，指示燈和摩打都熄了，係正常反應。

最後試埋 Heater，指示燈無著的狀態下長按開關掣，燈號變慢閃，摩打無轉，但聽到有 Relay 聲，應該係控制 Heater 個 Relay 的聲(星期日測試時從來無聽過這下聲)，等 15 分鐘後，又聽到 Relay 聲，燈號變快閃，摩打開始轉，再過兩分鐘後，又有 Relay 聲，燈號同摩打都熄了，同說明書講的反應係一模一樣。可以宣布今次維修完滿成功！

在此多謝各位師兄意見，尤其係 GbE 一次又一次的回覆！

不過始終不知道換第一粒電容後為何部機完全無反應。會不會電壓問題？
原裝電容的 Label 寫 300V~，但新買的三粒都只係 275V~，但係換完第一粒電容後首次通電時不覺得有聽到燒零件的聲，事後睇下粒電容又不見有黑，況且輸入係 220V AC，照計都不會整燒粒 275V~ 電容。或者我黑仔買中一粒壞電容，被它嚇餐死 ！好在昨日出開去買電容就每間都買一粒，就算買中粒壞的都即刻有其它電容頂上。

最後，反正已拆開部機，順手紀錄下粒 Microcontroller 的反應：
Pin1:NC
Pin2:VDD=5V DC
Pin6:VSS
Pin7:NC

指示燈(熄/長著/快閃/慢閃)
Pin3:0/5/0~5跳/0~5跳
應該係輸出，控制指示燈

Pin4:0/0/0/5
應該係輸出，控制 Heater 個 Relay

Pin5:0/5/5/0
應該係輸出，控制摩打個 Relay

Pin8:5/5/5/5
但係按開關掣時會跳一跳
應該係輸入，來自開關掣

999067800

其實點知粒ic 腳位，邊個係供电vcc, gnd，邊個係output 0/1？

C_Law

其實點知粒ic 腳位，邊個係供电vcc, gnd，邊個係output 0/1？
999067800 發表於 2016/11/22 22:31

通常用粒 IC 號碼(7# 第一幅相會見到係 10F200)加埋 datasheet，上去 Google 搵(即係搵"10F200 datasheet")，搵到 Datasheet 睇下 Pinout diagram 就會知道。

http://ww1.microchip.com/downloads/en/DeviceDoc/40001239E.pdf

tomchen

有冇度下唔得個粒 cap 有冇異樣？

secmaster

我部抽油煙機的function同你嗰部一樣（底板一模一樣），舊年壊時，死狀同你相似，最後搵師傅上嚟剩係換了底板，收咗5，6百蚊。
下似如果再有問題我會參考呢個post，thanks
問題，當你冇插插蘇，check底板電壓時，有冇幫摩打電容放電？

diputs

回覆 15# C_Law

第一粒電容就算唔死晒都應變左intermittent。
從你張相可猜到，因兩隻電容腳被屈成咁樣，屈番直時如唔小心會有機會整傷或整甩接腳與內部金屬膜接觸，尤其是某d強國貨貪便宜用d質差樹脂膠水，或條金屬接腳處理得唔好（電鍍層氧化或除油不清）都有可能令隻腳黐唔夠緊，隻腳被屈得厲害或多幾次或有扭力（轉角度）都會傷到裡邊與金屬膜接觸位而唔導通或intermittent。
以上純屬猜測，師兄你可用他錶DCV以電容分壓方式量度求證，如係粒電容量真係小到接近零，即分壓比例好高；亦可用ACV檔將串聯電容量度交流分壓，電容愈細，電壓愈高。
以後對d零件腳處理要呵護d，唔好屈得咁貼或咁粗暴，電子零件唔同電力零件，係機械強度設計上會較弱。買metal film coating類電容時就唔好揀d腳已被屈得好勁果d，因有機會已內傷。