xiao

要用vr找出機器的溫度偵測的threshold
不然室溫較低量到低阻

diputs

點解唔將粒舊電保護板拆出黎替換粒新電保護板呢，一般厘種鋰電保護板上限充電電壓都係約4.2V，加埋輸出短路或過載保護，但超溫保護果粒NTC熱敏電阻就因配合保護電路有不同溫度電阻值曲線，就算外形相同的熱敏電阻如MF52A，幾粒的室溫阻值R25同為10k，因不同熱敏電阻B值唔同(如3270A、3435B、3450B、3470A、3600A、3950A、3977B、4100A等)，於溫度變化時，相對的電阻值會唔一樣，所以都係用番舊電池的熱敏電阻或保護板(熱敏電阻裝於保護板內)好d。

C_Law

我都有諗到換另一塊保護板入去粒薄電。但暫時還不想破壞目前用緊粒電，所以會先揀粒直升機厚電的保護板。

不過阿媽話新年流流不要搞 DIY，過幾日先啦。星期六好似係宜開市動土！

C_Law

剛剛將直升機厚電的保護板拆出來換入去新買的薄電，再拆走之前用來做接駁的線路板上的針位，直接用電線由線路板駁到厚電的保護板。整完之後重試 10# 的實驗，無論有無手握電池，T 和 - 之間的電阻值都維持在 10kΩ 左右。

之後就嘗試將電池裝入電話，用電線膠紙圈四條"豬腸粉"，C 和 D 用來攝住電池邊的虛位，A 和 B 就圈得粗小小，合上機殼的底蓋時就靠這底蓋壓住兩條"豬腸粉"再將塊駁接用的線路板壓落去部電話的接電位彈弓針。





裝好機殼後就駁火牛充電，一直手握著電話，不覺有發熱，微暖的感覺都無。充到部電話顯示滿電自動停充，拔走火牛，當時大約夜晚十點幾，之後繼續手握電話打了十幾分鐘麻雀，又講了幾分鐘電話，同樣係微暖的感覺都無。目前可做的就只有等，睇下這粒薄電的電量可以挨到幾長時間。

C_Law

今日瞓到中午才起身，距離昨晚充滿電拔走火牛超過 12 個鐘，起身時見到已經由滿電的四格電跌到落三格電，但不知是什麼時候跌落去。

今日都講過三四個電話，如今距離拔走火牛超過 24 小時，超過本來用緊粒電的電量(充滿都只能挨十幾個鐘)，而且到現在仍然見到有三格電，已超越我的目標。

暫時不充電，繼續用落去，睇下可否挨到 36 甚至 48 小時。

C_Law

今朝起身見到只係剩低兩格電(距離充滿電拔走火牛大約 32 個鐘)，今朝都打過幾個電話，最後一次係午飯時間，都重見到係兩格電。

不過剛剛有電話打入，我拿起電話都重未按掣接聽，就見到畫面顥示話無電然後自動熄機。由星期六晚十點幾充完電起計，一共用了接近 42 個鐘。

其實平時每日充一次電，只要挨到超過 24 小時，已經夠用，對今次換電成績算係心滿意足。

接下來就要等今晚返屋企睇下可否再充返滿電。

C_Law

在水區有師兄問起，返過來睇下這個 Post，原來未過期，就趁被鎖 Post 之前講埋最終報告。

粒薄電用了大約一個月，暫時一切正常。最初幾次係充到滿又用到盡，大約用到 40~50 個鐘先至用到無電而自動熄機。之後改變用電習慣，日日充一次，無再試過用用下無電而自動熄機。

既然可以可靠地用足一日，我當係達到目標。