digiman

階層鑽員係方便薄板開孔，對鑽位準確無幫助。

如果鑽咀無事，我懷疑鑽台唔止有虛位，係機頭同台面根本唔 ...
高登阿伯 發表於 2017-3-11 22:42

    對嗰啲用鑽床用到好似手動沖床咁一嘢就鋤落去嘅人，階梯鑽粗壯好多會有幫助

亦都唔關虛位事，鑽咀尖可以定位，只有唔夠鋒利、落得太快、工件太硬時先會移位，油壓鑽加索頭虛位大到可以劃圓圈識用一樣可以準確對位，只係個窿會大少少及幼鑽咀較易斷，不過3mm鑽鋁都幾難斷

smallstar

我已有淘X 果D 鑽台, 鑽一分厚左右鋁板, 鑽3mm 直徑窿
但無論點set 得幾準, 到鑽果下出力壓落去就有少少移 ...
tempo3010 發表於 2017-3-11 18:37

要先用1mm鑽咀先鑽個細孔, 當然初落鑽時不可大力, 輕力磨一段時間才加力,之後再換用3mm 鑽咀, 其實所有鑽孔初步要輕力, 定到位先加力, 除非位罝要求誤差非常少就難準確。

digiman

要先用1mm鑽咀先鑽個細孔, 當然初落鑽時不可大力, 輕力磨一段時間才加力,之後再換用3mm 鑽咀, 其實所有鑽 ...
smallstar 發表於 2017-3-12 10:42

其實3mm/3.5mm鑽咀已經係最好直接鑽嘢嘅直徑，易開鑽又唔易灣，再細就易灣易斷，1mm稍為大力少都斷，薄料斷鑽就話易搞，厚料藏住枝1mm鑽咀係入面都唔知點先拎得返出嚟，我自己6mm以上會先用3mm/3.5mm開鑽

Super169

用呢類鋼制鑽套可以嗎?


之前淘番黎, 好似5蚊粒.  佢完本係成副野, 落唔同鑽套去鑽既.

我之前怕自己用手鑽時, 有時會唔夠垂直, 斜左再落螺絲會對唔正.  
單獨買粒套, 再搵塊板開個大窿, 套落塊板, 再張塊板固定去想鑽既野上面 (睇環境, 用鉗夾實, 又或者搵方法固定), 用手鑽都 OK.
不過, 我只係試過夾住黎鑽 電木板, 只要固定得好, 我諗鑽鋁都應該可以掛.

999067800

畫針，打賓子，如果要精準就算係数控機床都係要用中心鑽，分中，同人手畫針，打賓子原理相似....
鑽台係咪即係小鑽台？移位可能係冇打賓子，第二可能性係工件夾落虎鉗度唔水平，斜左或者谷起左，容易一踩支鑽落去係斜........亦要留意工件邊既披鋒有冇修平.........

tempo3010

全部回覆都睇晒, 感謝咁多高手指教
可能係我手勢唔好, 開左鑽就大大力鑽落去, 原來要磨一陣定好位先加深
同埋會買賓子揼個窿先鑽, 得閒再試下
唔該各位

digiman

全部回覆都睇晒, 感謝咁多高手指教
可能係我手勢唔好, 開左鑽就大大力鑽落去, 原來要磨一陣定好位先加深
同 ...
tempo3010 發表於 2017-3-12 22:57

如果鑽床虛位好大，鑽咀會"了"，可以鑽咀掂住工件先開鑽，咁就可以避免唔對位，鑽咀冇"了"就唔使咁用，壓鑽力度係視乎鑽咀直徑質量，總之唔好壓灣鑽咀、鑽到過熱、適當消屎（薄片唔使）

3mm鑽咀鑽鋁唔打賓子其實問題不大，普通非硬鋁用少少力壓鑽，鑽咀尖已經壓凹少少可以定到位（但唔好超大力壓灣鑽咀），睇鑽咀尖夠唔夠尖決定囉，打賓子都冇壞嘅
圖中係2.5、3、3.5mm鑽咀，2.5mm鑽咀尖唔夠其他尖，所以中心鑽唔係越細越好架

hongkongfun

比較簡單做法就係....
先用幼細鑽咀鑽開個小窿就會不再移位

kk614

方法1 : 先打賓子
方法2: 先用中心鑽鑽左DD先

tempo3010

我條鋁條差唔多1分厚, 唔知點解好難鑽, 可能加上我手勢唔好
所以搵陣起見都係打賓子先落鑽
THX 各位師兄