season888hk

我就唔油，揾d野貼左佢算，第一耐用都無用，租約一到業主加租你又咪係要搬

belleville

我諗住油下個牆, 賣下衫呀飾物呀果啲囉,咁應該用咩油最抵
Jillerstar 發表於 2017-12-5 13:58

你可能唔明我講乜
油 hi 得多係好易甩, 鋪頭多人出入, 好難避免
所以而家好少鋪油油, 會用其他方法做

ming2002

你個情況 見意你用乳膠柒平d又易做 想好就用日本乳膠柒貴少少效果靚d 問題係原有牆身要夠實唔好甩 如牆身有問題要做好多工夫先攪到

denc

我裝修過好多細舖(自已舗)
油乳膠柒得,但DIY九成效果唔好!
因為佢俾你多數無灰,所以牆身一定唔平,
你自已扇灰就多功夫多日數,
唔扇灰油乳膠柒又唔靚,
所以最好係牆紙(淘$2x巻嗰啲)快平靚正,最快一日起貨!
第一牆身凹凸痴咗牆紙唔覺眼,
第二痴牆紙快過油乳膠柒,油乳膠柒最少油兩層,痴一塊牆紙最多15分鐘就得!
第三還原容易,租舖多數要還原,牆紙噴水就可以鏟返落嚟,最多再油一層白油搞掂!
油乳膠柒如果深色最少油返三層白油先冚到......
最後就係平,100呎舖仔五至七巻就夠,圍返$300唔駛,
如果你仲要買靚油,一卡乳膠柒都貴過佢啦!
經驗之談!你有興趣我先講多啲!

不過你賣衫唔駛驚,無人會得閒掂你部牆,所以正常用乜油都唔會甩!
你小心自已啲衫唔好「hi」牆好過!

其實樓上啲師兄啲意見無錯,但佢哋應該無乜經驗(我指自己裝修自已舗頭)
其實裝修自已舗頭同裝修屋企或幫客裝修係唔同標準!

裝修自已舗頭,第一要快,快一日開舗就賺多日免租期,仲做多日生意,你話嗰到幾多錢!
第二要盡平,緊係無錢先自己裝修啦!有錢嗰啲搵人裝啦!
第三係易做,偷工減料無問題,你唔係住,又唔係長租,所有嘢一兩年唔爛就得!
最後先係靚,DIY一定無揾師父整咁靚,所以所有嘢唔識整就買現成最好!

jerrychan0610

人多表示生意好.
難道你想無人流?
如果人流夠, 但沒利錢, 你要再計入價錢.

denc

如果生意好既，我都想長租，唔介意到時還原既，特色牆又點睇？
Jillerstar 發表於 2017-12-8 16:57

儍豬,生意好就可以長租架喇?一年加你三成租我都試過呀!
邊種特色牆先?貼即貼牆紙嗰啲呀?
如果係嗰類都仲可以,
如果係磗嗰啲就難喇!
你連用乜油都要上嚟問,你點DIY特色牆呀?