C_Law

進一步測試過，拆走原來的搖頭齒輪箱，原本的 3 粒螺絲窿位，下面兩個窿可用來裝搖頭同步摩打個架，而上面個窿就可以用來固定主摩打的起動電容(本來這電容係用螺絲固定係搖頭齒輪箱)。

一般來講，電子遙控式的風扇，搖頭動作係靠另一個摩打推動，而機械式開關的風扇就靠主摩打的主軸推動摩打尾的搖頭齒輪箱，因此主摩打的軸會從摩打尾伸出來。不過測試過，將搖頭齒輪箱拆走後，換上搖頭摩打及固定好主摩打的起動電容後，還有足夠空間讓主摩打尾枝軸通過，應該都可以正常運作。


現在諗緊，要如何豐胸封窿？
風扇殼上原本有粒「的」控制搖不搖頭，但這粒「的」會跟隨搖頭齒輪箱一拼拆走，因此風扇殼會剩低個窿，大小足夠伸到手指入去，所以有必要封死這個窿。諗過貼塊膠片去封窿(手頭上有筒裝薯片的膠蓋，應該容易裁剪，而且小小軟可以屈到跟返風扇殼的彎度)，但摩打使用時或者會有小小發熱，用熱熔膠怕不怕會容易甩？還是用玻璃膠去貼？或者其他膠？

還是有其它更好方法去封這個窿？

kwliu

回覆 11# C_Law

熱量有限, 比我會用PVC膠片(如廢信用卡疊兩張), 火烘啱弧度, 剪fit位黐落去, 要求高啲用PVC pipe去cut.

C_Law

Thanks all~~~

個窿直徑大約 16mm，膠殼大約厚 1mm。

我都係諗住先搵封箱膠紙封住個窿，搵到適合物品先至正式封個窿。

tomchen

Thanks all~~~

個窿直徑大約 16mm，膠殼大約厚 1mm。

我都係諗住先搵封箱膠紙封住個窿，搵到適合 ...
C_Law 發表於 2021-7-6 18:42

16mm...唔知藍妹啤酒樽個膠塞啱唔啱用

Kin_2012

舊年將把舊座檯扇的摩打換做有啤鈴的摩打，今年心思思想玩埋遙控。淘佬搵到的遙控控制板有分齋遙控及遙控+ ...
C_Law 發表於 2021-6-20 17:30

對於小電流 5V, 最方便係係用 "AC-DC隔离电源模块"

C_Law

今晚正式安裝。

先拆走舊搖頭齒輪箱，換上遙頭摩打。主摩打身上的螺絲窿尺寸係 M4，用返原本上齒輪箱的螺絲就可以。但係搖頭摩打同個摩打架，店家無給我螺絲(不過，店家的圖又真係無話跟螺絲)，好在遙頭摩打個架都係用 M4，我手頭上有。


我把風扇個底座內有足夠空間裝塊控制板，亦有螺絲窿的柱可用來固定塊板。雖然原本的機械式琴鍵掣已經無用，但仍然保留，只係拆了線，因為不想風扇底座上多幾個大窿。


摩打外膠殼上，原本控制搖不搖頭粒「的」跟隨搖頭齒輪箱被拆走，留低個窿，目前手頭上無合適物品去封個窿，所以暫時用電線膠紙封住先，將來搵到合心水的物品先至正式封埋個窿。


整完後，正面外觀同以前一模一樣，好似無整過！


等等………又話加裝遙控板，又話正面好似無整過，正面幅相都不見有開個窿放接收器，如何接收遙控訊號？遙控接收器放在哪！？






測試過，原來把扇個底座本身的白色膠殼其實係好透 IR，即使無開窿，將個接收器收藏係個殼入面，只要接收器的方向係向外，仍然可以正常接收到 IR 遙控訊號。其實我係將個接收器貼係機殼之內(下面兩幅相的紅圈位置)，所以外觀不變，連開個窿都慳返。




不要以為收埋接收器係膠殼內，接收能力一定好差。實際上仍然有很好接收能力。我將血壓計用到不夠電開著機的二手 AAAx2 裝入跟塊遙控板來的遙控器，正面距離 12 呎(已係我可試到的最遠距離，說不定更遠都重得)，遙控器大致指向風扇，都能百發百中的遙控得到。如果用有 IR 發射功能的紅米 Note 4X 手機，有效距離就短小小，但 10 呎左右都很可靠，不過就要將手機的 IR LED 比較準的對住風扇，但這是手機的 IR 發射問題，IR 發射角度比較窄，就算用來遙控其他家電，都需要小心對準接收的家電。

最後講講價錢，無專登格價，但求一間淘佬舖買齊就算。遙控板+遙控器要 ￥9.5。搖頭同步摩打+摩打架+L 臂要 ￥8.5。夾埋 ￥18。


via HKEPC IR Pro 3.6.1 - Android(3.3.1)

ANWKLO

今晚正式安裝。

先拆走舊搖頭齒輪箱，換上遙頭摩打。主摩打身上的螺絲窿尺寸係 M4，用返原本上齒輪箱的螺 ...
C_Law 發表於 2021-7-7 22:37

多謝分享

上年都係換了這塊遙控板(舊款不是 SMD ), 接收能力的確非常好 , 反而之前塊原裝遙控板, 要一兩呎內對到正先可以接收到

風扇電路板水入唔轉