Ian_Seabourne

如果有可調電源，可以用電源扮電池接充電寶主板，睇佢幾多V電壓會顯示幾多%。

但如果要有電流入電池，先可以激活，就唯有先並電池+可調電源激活，移除電池，再試佢不同電壓對應幾多%

jacktsui

Lithium Polymer 這種產物，用來做充電寶，雖然輕點，但總是會發脹。換了過1－2年又要換，用了總是後悔。 ...
Ian_Seabourne 發表於 2025-11-13 20:49

唔好成日用快充就會長命啲

Ian_Seabourne

買遙控車鋰電的商家話：長期存放，要先放電到 3.8-3.9V
充滿電就要即用，否則放耐咗會發脹。

vtrchan

買遙控車鋰電的商家話：長期存放，要先放電到 3.8-3.9V
充滿電就要即用，否則放耐咗會發脹。 ...
Ian_Seabourne 發表於 2025-12-13 03:12

確實係, 鋰電池最怕長期高壓, 所以有D廠家設計會在某情況限充到80%

風捲

而家尿袋已經成為高危品,改裝過一陣係地鐵車箱炸開就大檸樂

Ian_Seabourne

而家尿袋已經成為高危品,改裝過一陣係地鐵車箱炸開就大檸樂
風捲 發表於 2025-12-13 13:16

所以情願重啲我都只用 18650 / 21700。唔會脹，而換電，都無咁易爆炸著火。

Miipp

所以情願重啲我都只用 18650 / 21700。唔會脹，而換電，都無咁易爆炸著火。 ...
Ian_Seabourne 發表於 2025-12-13 13:24

幾十蚊個尿袋都要攪換電？環保塔利班！？

C_Law

幾十蚊個尿袋都要攪換電？環保塔利班！？
Miipp 發表於 2025/12/13 16:07

我係因為舊尿袋已漲電，而之前同部平板換內置電時又買錯電，反正舊尿袋可拆出充電板，手頭上又有兩塊買錯的電池閒置，抱住用得就唔好嘥的心態，就將充電板同買錯的電池駁埋用。

用了大約一個月，暫時發現，充滿電後駁去我部平板用，當電量有大約 60% 以上，電量下降速度係好平均的大約每個 % 可用 1.5~2min(ie. 用到 60~80min)，但大約跌到 60% 後就急速下降，變到每個 % 只用到幾十秒，而且越跌越快，到後期每幾秒就跌 1%。但只要係電量跌到 0% 之前拔走部平板，個尿袋係可以駁火牛正常充電；但如果由得個尿袋跌到落 0% 自動斷電，就算駁個尿袋去充電，雖然係充到電亦用得到，但電量顯示都只會一直維持係 0%，要焊甩電池電線再焊過，再做激活後，電量個 Display 才可以回復正常。

暫時用住先，用到這兩塊2電都死埋先至諗買新尿袋。(其實手頭上都有另一個 10000mAh 的尿袋，但只有 4 粒 LED 用來顯示電量，不及有 % 顯示好用)

Miipp

我係因為舊尿袋已漲電，而之前同部平板換內置電時又買錯電，反正舊尿袋可拆出充電板，手頭上又有兩塊買錯 ...
C_Law 發表於 2025-12-13 16:59

我只係講樓上 ching 糾結的 Li-ion vs Li-poly 問題

Ian_Seabourne

我選的充電主板可以顯示輸入輸出 V A W，唔係你用嘅幾十蚊一個。
其中一個有 LCD 顯示屏。