digiman

回覆 20# kammoo


    當時個cf說係咁，當然我係外行唔知真唔真係咁樣囉

charleslam009

E单啟晴野會有排玩！其實行內會用低溫錫(含鉛)燒喉，唔係平D，主要係易施工冇咁易漏水，溶點低D，二十年前九成用低溫錫做喉，近年裝修野好多水喉佬都有用，但係地盤已經用哂高温錫或者銀焊，E单野會玩得好大，另外水務條例係會更新，不過只會寄信比持牌水喉匠，其它水喉佬唔會知，水錶後第一個配件不可用压接式配件(即欖件)，已經改左例好多年

logoff

點解銅喉要用錫焊呢;
係人都知錫焊重易爛過用接駁件;
在貨櫃車做風喉;
都是用算盤子迫實就唔漏風了;
用錫咪 ...
aazz 發表於 2015-7-12 12:44

我以前都懷疑過食水銅喉用錫焊接嘅強度，不過自從喺 IVE 睇過一條外國機構做嘅錫焊位強度測試短片，喺靜態環境不斷增加水壓，最後係條銅喉爆裂但係錫焊位完好。只要材料同施工方法合標準，銅喉錫焊真係好穩陳。

高登阿伯

回覆 20# kammoo
如果水記唔比用銅欖咁就大件事，我屋企係公屋，早幾年房署換銅喉，全屋同走廊見光都係銅欖，一件焊錫都冇。

diy-apprentice

政府部門之間有特赦和豁免權吧，到時換又係佢地搞掂和政府俾錢，你駛乜驚呀

diy-apprentice

水務條例而家睇唔到添！水務署唔想俾你地知咁多野，想去再睇BS都唔得添！

qkuser

回覆 24# 高登阿伯
我家大維修換食水侯，都係換銅喉。

diputs

以接駁強度計，錫焊比杬件高，當然係指優良的焊接，如焊接面要先除氧化層（砂紙磨）、清潔除油、加適量助焊劑、預熱焊接面、加錫（需要時再塗助焊劑）等等。
所謂低溫錫都有lead free如Alpha Fry那種plumbing solder，超過40mm銅喉宜用高溫錫（如用銀焊枝）增大接駁位強度。
杬件(compression fittings)宜用於要更換配件如接駁龍頭、閘掣、濾水器等，錫焊宜用於固定銅喉接駁位，如藏地台或牆中石矢銅喉更宜以錫焊。
依家好師傅難搵，好多技術工人（都唔知好唔好叫師傅）做工較馬虎，d水電鋪老板寧願買質量好d杬件（如英國件，羊毛出在羊身）比工人做，唔使要請能焊接過關師傅，有滲漏就帶把士巴拿或喉鉗上去再收實d個逼母，如用錫焊又要停水放水先再補焊錫都幾麻煩。

iceman76

其實大家不如諗o下, 就算我用100%鉛當錫用, 接觸到水有幾多?
其實大陸出產純銅喉, 有幾多係銅先真啦~

diputs

quoted:
資深水喉匠戚德明指，銅製供水管可以「燒錫條」焊接，市面上有99%錫的錫條，亦有只得90%是錫、其餘成分是其他重金屬的錫條，令鉛有機會流入水中，價錢平近3成：「以大型工地而言，可以慳幾十萬元。」然而，除燒焊物料之外，仍有其他可能性，包括有可能在內地買入銅純度不高的水管。

英國土木工程師學會香港分會前會長李智明質疑：「一條水喉有幾多焊接點？」他認為焊接點與水直接接觸的機會不多，認為水中的鉛有機會來自水管及水龍頭。

他解釋，銅的物料是合金，難做到完全不含鉛，根據已發現的水中含鉛量，他質疑材料雜質較多，認為當局應全面檢驗整套水管、配件以了解含鉛量，工程用料亦有需要加強監管，例如於物料運到地盤後，要隨機抽檢配件所含物質，認為事件「原材料出事機會比較高」，當局應於市場抽查與食水有關的水管物料：「現象可能不限於一個水喉匠！」

我係十樓都有提及出問題原因多來自黃銅配件如閘掣或合金壓鑄的龍頭，紅銅喉管含鉛機會或百份比應該極少，而合金壓鑄的龍頭機會極高，因果類壓鑄用鋅合金有含鉛，如用水口料（翻用料）比例多或非標準材料則含鉛量更高，雖然龍頭外有電鍍層（銅、鎳、鉻）覆蓋，但係龍頭內壁因電鍍電場及電鍍液關系較難電鍍得厚層或好效果，合金內的鉛更容易釋出，所以一般煮食飲用水龍頭都係用外國品牌較有保障。