5ocean

找個齊錶嘅師傅，關晒所有大制，逐間屋度megger，睇邊個漏電、邊個位漏電。
搵唔到就用埋 RCCD tester，試 ...
Joe_Black 發表於 2020-4-27 20:26

師兄，多謝指教，我冇megger，室內灰士箱d線全部再上緊過，本來都好緊冇鬆，睇過d線冇痴，全屋有插頭嘅電器蚊哂(除咗PC，NAS，CCTV-NVR3隻牛），冷氣，燈，抽氣扇，油煙机冇開，每個穌底都拆嚟睇過冇鬆冇痴，所以我覺得室內應該冇漏電，但噚日都跳，今朝連3隻牛都蚊埋，咁就到呢分鐘都冇跳。

如果逐間屋去度漏電有難度，全村二十幾間屋業主末必肯，我今日問過3間都話近日冇跳制。

換哂RCBO都好，起碼唔駛全屋跳哂，如果出面隻水總跳就肯定係出面嘅事，多謝指點。

avdaemon

最簡單搵源頭的方法，每次只開一條MCB， 然後觀察結果

avdaemon

呢隻ELCB係行Electronic，會比較敏感，用行電磁式的會好啲，由其係村屋。

tomchen

今朝息埋PC火牛，NAS火牛，NVR火牛（行24/7的）到而加7:48pm冇跳。
5ocean 發表於 2020-4-27 19:50

如果可以連續兩日做呢個 test，之後再插返如有跳咪可以縮窄範圍

5ocean

最簡單搵源頭的方法，每次只開一條MCB， 然後觀察結果
avdaemon 發表於 2020-4-27 22:37

師兄，多謝你提供解決方法但應該行唔通，因為水總跳咗唔係打唔著，如果打唔返著就易搞，逐個MCB試就得。最衰係漏一下就停，仲要係連續4日嘅下午，其他時間完全正常，係今日冇跳過。

如果換電磁式ELCB邊隻好，單相60A的？

5ocean

有可能係d線穿金屬喉，拉線傷咗。日子內加埋濕氣，而家先跳。

關晒／甩晒d電器都未必可以isolate個問題 ...
Joe_Black 發表於 2020-4-27 22:45

間屋大約15年，係PVC燈喉，灰士箱d線幾粗吓睇落都幾新淨，11個MCB，估計入牆電線都ok，印象中住咗咁耐未跳過MCB。我始終覺得係外面問題，冇理由漏電會淨係下午，仲要連續4日，又要漏一下就停，除非有鬼，哈哈...

5ocean

如果可以連續兩日做呢個 test，之後再插返如有跳咪可以縮窄範圍
tomchen 發表於 2020-4-27 23:17

我都係諗住咁做，睇3日，冇事就插返哂d火牛再睇幾日，不過平時PC，NAS，NVR都係長開，唔明白點解d牛漏電識得揀下午，朝早夜晚又冇事，仲要連續4日。

avdaemon

師兄，多謝你提供解決方法但應該行唔通，因為水總跳咗唔係打唔著，如果打唔返著就易搞，逐個MCB試就得。 ...
5ocean 發表於 2020/4/28 01:59

因為唔肯定係屋內電線定係水總問題，關上MCB可以隔離整個電線，例如冷氣機線路漏電，唔關MCB的話電線仍然帶電。

hager冇水總，要加MCB:

5ocean

因為唔肯定係屋內電線定係水總問題，關上MCB可以隔離整個電線，例如冷氣機線路漏電，唔關MCB的話電線仍然 ...
avdaemon 發表於 2020-4-28 09:39

師兄，你意思係咪每次只開1條MCB，然後等個水總睇吓幾時跳？如果係，我諗我都做唔到，因為一共11個MCB，唔知試到何年何月，好似噚日11個都開哂一直到而加又冇跳。同埋如果每次只開1個MCB然後唔知等幾耐，其他位全部冇電，屋企人一定炸形。呢d＂偶發性＂嘅漏電真係好煩，仲要唔知係室內定室外，係我定係人地漏電。

你提供嘅電磁式ELCB，我網上搵過好多都係大陸牌子，有隻叫正泰CHNT，1P+N，跳制時只跳火線，但敏感度同電子式一樣都係30mA，師兄你話村屋用電磁式會好d係咩原因呢？多謝你提供Hager，我上網搜尋一下。