tlshum

我好唔建議通渠水或者通渠粉, 始終係腐蝕性, 完全唔使用腐蝕性液體, 自己用起上嚟都唔放心, 分分鐘又滴落街 ...
七彩小生 發表於 2020-6-28 09:29 PM

我都唔係話用酸性通渠液， 通渠佬粉劑開水後我見佢有泡，手浸住也冇什麼事，只是有一陣臭味，倒落集水兜一陣就通走了，之後我再倒一支一公升水什麼都沖走了！還有冷氣機開着後水是不停流出，不會有通渠濟留低！

七彩小生

總之小心眼睛 及 皮膚，我哋做IT嘅, 皮膚都好緊要㗎，；）

dls2046

一直忙…上個星期淘嘅嘢終於到咗，的起心肝搞佢。

先拆外殼（好鬼難拆…），成個機膽睇到晒，但搵唔到個去水位，跟據個斜度同埋水位上升次序，估計係左邊。用條膠喉探路有個位隊得入，就隊入去，入咗尺零，就用口吹，吹咗一輪，突然無咩阻力，應該通咗了，就插洗冷氣噴泡支幼嘴入去個位度噴。因為唔敢用太強嘅通渠嘢去嗱佢，但洗機嘅泡劑應該都係微酸嚟。噴完一輪之後開機，啲水去得好咗，但幾個鐘之後個去水盤都係有少少積水，穩陣計再重覆多次，插深喉、吹、噴泡…開多日，去水盤終於無積水。上返個殼，搞掂，食碗面。

上殼之前影返張相，原來個去水口好深入…條喉其實粗幼差唔多，剛好入到，入得夠深都可以吹到無響入口漏太多氣。

箭嘴指住就係個出水位。

感謝各位師兄意見，又淘啱條喉（可能真係標準口徑都唔定）。慳返請師傅嘅金錢時間防疫需要，響連續十幾日嘅酷熱天氣之下有冷氣涼