ronan

以前用過菊花牌平底漿，記得好似無要求攪勻，ching 可能就係攪咗太多空氣入去？ ...
1qwer 發表於 2021-1-12 04:30

係呀，平底漿係無要求攪勻，立邦淨味批牆灰

我發覺平底漿較容易批，但平底漿乾左之後，就會收水"粒"得好勁，同埋較難打磨

而立邦淨味批牆灰較難批，但乾之後，收水無"粒"得咁緊要，同埋較易打磨，但打磨要好小心，因為太易打磨，可能磨兩磨就會無哂，見到牆身

ronan

diy批灰真係好考人，要先薄批灰，乾再批灰，到3次後應該得，但無可能好似d cfu咁靚

好似係力度同角度問題 ...
hellolo 發表於 2021-1-12 02:38

其實我懷疑菜膠粉是否較易批，因為見D 師傅求求奇奇批上去，都唔會有紋，唔會有氣泡和粒粒

pslleung

其實唔使擔心鴛鴦色，因為好大機會越鏟越大幅。這是個人經驗。鏟平後油水司拿(sealer)，批灰，過砂紙，執灰，再用砂紙執，油乳膠漆。
最大挑戰係每天舖膠紙保護傢俬雜物，還有事後清潔，這個步驟重複多次，因為不能一兩天完工。我自己星期六、日做，攪咗個幾月。

1qwer

回覆 19# shingzhk


    其實依你話"屋企多處"都係咁的話，我懷疑D料有問題(唔夠靚/平價料之類)，所以時間/環境許可的話都係鏟晒去成幅造過比較好。又或者揾返兩年前幫你裝修果個 cFu ，睇佢肯唔肯跟返 E D 手尾佢……

shingzhk

回覆  shingzhk


    其實依你話"屋企多處"都係咁的話，我懷疑D料有問題(唔夠靚/平價料之類)，所以時間/ ...
1qwer 發表於 2021-1-12 17:04

反左面啦 同果個師傅
一開始父母既朋友既XXX 介紹過黎, 官方指定用佢唔到我揀

報價含糊都算, 甩漏多都算
用平價油, 裝完成個月臭到唔洗住, 都算
拖貨唔執漏, D細位亂黎, 我都忍
最後既最後仲整張幾皮既額外開支過黎, 真係把L火當送瘟神, 以後唔想見到佢
e.g. 屎坑, 洗手盆, 毛巾架果D我講明自己買, 去舊區鋪仔平價又多款, 都已經mark左幾隻
但條友聲都唔聲同我買哂事後比單我claim
係旺角買D垃圾款全部都天價數字, 但佢先斬後奏我都吹佢唔脹

上圖係我間房天花, 可以的話用黎做實驗, 如果自己handle到先去搞廳

1qwer

回覆 26# shingzhk


R.I.P.

自己整會好大塵吓，最好買定多幾個 n95 和眼罩，然後買個長柄漆鏟，前面係夾大堺刀片果種，方便換。另外如果慢慢做要搞幾個月的話，小心春天的潮濕天氣。

啊甘

其實我懷疑菜膠粉是否較易批，因為見D 師傅求求奇奇批上去，都唔會有紋，唔會有氣泡和粒粒 ...
ronan 發表於 2021-1-12 10:09

   用咩 灰池？

ronan

用咩 灰池？
啊甘 發表於 2021-1-12 22:45

係呀，我見d  師傅用灰池一拉，菜膠粉起牆身上面一條紋都無，但如果用灰池批呢d 現成灰，呢d 現成灰本身已經會爆開，唔可以好平均咁起牆身上面, 同埋我只係將d 灰由個桶放到批灰板上面，d 灰已經有好多孔，所以枇上牆身上面根本無可能無孔

我覺得呢d 現成灰只係適合修補牆身的小孔如3寸x 3寸，而係唔適合代替菜膠粉去批哂成幅牆

同埋睇youtube，d 師傅都係介紹d 人用呢d 現成灰係修補牆身