C_Law

既然用相機影到個代用遙控器有光出, 似接收器有問題。有拆機能力就拆開睇下, 如果好似 10# 幅相, 有插電時度下 V 腳有無 DC 5V(也可能 3V3), 正常閒置時, O/P 腳應該同 V 腳相同電壓, 有 IR 遙控訊號射過去時, O/P 腳電壓會跳動。註: 循例講聲, 有相關安全認識先至好做帶電測試。

雖然比起死遙控器, 個接收器係好小死, 但也不罕見, 尤其冷氣機(可能開太凍冷氣容易有倒汗水), 這個 DIY 區都見過幾次。而我 N 年前就有部 Sharp 的 VHS 錄影機死過接收器, 當時的死狀係 O/P 腳電壓長期跌落 Gnd, 換過粒接收器就回復正常運作。

如果樓主去開土瓜灣區, 我可送兩粒 38kHz 的接收器給你玩下。雖然上面有人提過 Pioneer 機係用 40kHz, 但實際影響應該不大。

via HKEPC IR Pro 3.6.1 - Android(3.3.1)