vtrchan

部平板的電池漲到谷起部機個殼，要換電。

這 Post 20/21#：


粗略上逃佬睇下，這尺寸應合用：


我部腦係 ...
C_Law 發表於 2024-7-26 01:29

原廠舊電係3.85V，但你換落去果粒係3.7V，大家特性曲線都唔同，同埋3.7V鋰電full charge係4.2V, 而3.85V嘅電full charge係4.35V，似乎你換成3.7V電池唔係咁安全。另外，部機已經有保護板，我就會disable電池嘅保護板啦～

kwliu

原廠舊電係3.85V，但你換落去果粒係3.7V，大家特性曲線都唔同，同埋3.7V鋰電full charge係4.2V, 而3.85V ...
vtrchan 發表於 2024-8-11 01:50

佢係9樓講咗新電係無保護板。

alax

係就係有個 USB-C 錶頭，但廢廢地的。V 值或者可信，但個 A 值就危危乎，更離譜係，有時電流方向都錯！:x ...
C_Law 發表於 2024-8-11 01:20

如果你有果啲可以紀錄充電量既錶 可以駁一個來紀錄一下可以充/放到幾多電，睇下係咪電池唔得。或者用其他電池搭落去試（前提係用既電池電量測過係咪足）
又或者你有設備可以單測試果兩塊電池包充放電量都得

另外，如果主板漏電，一樣都會電量倒水咁

via HKEPC Reader for Android

vtrchan

佢係9樓講咗新電係無保護板。
kwliu 發表於 2024-8-11 08:02

係喎，但新電係幾多volt呢？

kwliu

係喎，但新電係幾多volt呢？
vtrchan 發表於 2024-8-11 15:52

如果係一樓幅圖就係3.7V, 電壓唔啱會影響壽命, 不過以佢情況似舊電本身有問題或虛報容量.

C_Law

原廠舊電係3.85V，但你換落去果粒係3.7V，大家特性曲線都唔同，同埋3.7V鋰電full charge係4.2V, 而3.85V ...
vtrchan 發表於 2024/8/11 01:50

Ooops~~~~睇漏眼，一心著眼於尺寸。

即係要買過兩塊 3.85V 的電。

vtrchan

Ooops~~~~睇漏眼，一心著眼於尺寸。

即係要買過兩塊 3.85V 的電。 ...
C_Law 發表於 2024-8-11 16:12

你出post嘅時候，我去左日本都未番，所以都唔係好留意到你嘅post，唯有買過兩舊電再試下。試依D mobile device嘅充放電係有D麻煩，最近買咗依部機，以後就方便好多啦～

C_Law

原廠舊電係3.85V，但你換落去果粒係3.7V，大家特性曲線都唔同，同埋3.7V鋰電full charge係4.2V, 而3.85V ...
vtrchan 發表於 2024/8/11 01:50

應該真係 3.7V vs  3.85V 的問題，多謝提醒~~~~

逃過兩埋 3.85V 的返來，收貨時兩塊分別度到 3.887V 及 3.895V。兩塊都係本身不帶保護板。





因為都不肯定 Work 唔 Work，搭電線試住先，開機入到 Win11 後，右下角電量圖示顯示 50% 電量。之後駁上 PD 火牛繼續開住部機睇片(同之前一樣，都係 PotPlayer 以 2x 速度播 FHD 的 TS，下同)，一路睇一路留意電量，大約剛好 1 個鐘先至充到 100%，似樣啦，記憶中，原裝電未漲之前都係差不多。

拔走火牛，以相同模式繼續播片，邊睇邊留意電量，播了 1h56m 就跌到落 9%，第一次出低電量需要充電的提示，再繼續播，去到 2h 跌到落 6% 出第二次提示，我就無繼續用落去，Hibernate 部機駁返個 PD 火牛去充電。大約介乎 1h45m~2h 就充返滿，充電 LED 熄燈。以前好小用電用到出充電提示，我都不記得以前由單位 % 電量充到滿要幾耐，所以都無得比較。

記憶中，新機的時候，充滿電之後大約用到 2h15m~2h30m，如今得 2h，係就係小了一截，不過都可接受。我不駁火牛用的時候，大多係攤係床睇戲(以我慣常睇片的模式，2h 電量夠睇片長 4 個鐘的戲，夠有凸)，或者一條友出街食飯(半個鐘就食完啦)，有這個電量，我已經心滿意足！

成功在望啦！

不過要陪屋企人出去食飯，暫時無得搞，睇下今晚有無時間正式裝返好部機。

講開又講，當初用錯 3.7V 電，駁好線後試過充滿之後只用到半個鐘左右。當晚充返滿又即刻拔走火牛睇片，又係只用到半個鐘左右，心諗都打定輸數，充返滿電就成個電池組拆走。

之後的幾日只係駁火牛用部機，電池組就幾日都無掂過，有晚手痕又拆開部機駁返電池上去，都係相同的播片模式，竟然用到 1 個鐘多小小！？跟手充返滿又再試過，又係 1 個鐘多小小。心諗會不會拆走電池組再擺多幾日又可以用得更耐！？不過，幾日後再試，都仍然係 1 個鐘多小小。所以真係放棄，買過兩塊係 3.85V 的再試過。

vtrchan

回覆 28# C_Law

除咗容量，最擔心係安全問題，將3.7V電充到去4.35V用會好易漲，係會有D危險。
用非原廠電，有8～9成原本嘅容量，我覺得都算合理。

C_Law

算係完成！

昨日中午以搭線方式試下，充到滿後拔走火牛，可以播片 2h (100% 跌到 6%)。之後食完晚飯正式組裝返成個電池組再裝入部機，但整完已太夜，只係簡單測試下部機可正常運作，無測試用電時間。


今晚收工後正式試。雖然昨晚裝好部機後有充返滿，但今晚都即管先插火牛，睇到充電 LED 有著一陣，應該不到十秒就熄返，即係電池放了一晚都無自己走電。

之後駁住火牛 Boot 入 Windows，開 PotPlayer，一開始播片就拔走火牛，跟手計時同間中望下電量。結果今次比昨日測試再用多小小時間，2h10m 先至跌到落 6%，進一步貼近當初新機買返來的時間。


之後  Hibernate 部機，駁火牛充電，大約 1h45m~1h50m 充返滿。

講返價錢，不計當初買錯的兩塊 3.7V 電。兩塊 3.85V 電連運費要￥64，另加一堆立雜嘢(耐高溫雙面膠紙、耐高溫金手指膠紙、圍邊用的耐高溫泡棉……)，連運費大約￥2x(其實只用了好小，可留返日後其他用途)，就當夾埋齊頭用了 ￥90。睇返逃佬紀錄，部機買入價大約 ￥1800，即係今次換電用了原機價的大約 5%，都算係值得整。(另加整返好部機的滿足感係無價)

暫時只係合返埋部機個背殼(靠機殼邊的膠扣)，不上背殼的螺絲，打算用多幾日再打返開睇睇入面的情況。