本帖最後由 C_Law 於 2019-8-4 17:54 編輯
以前未開過光暗掣睇,今日換掣時拆出來睇,原來入面係普通開關掣再另外駁多一個光暗掣,睇燈掣內的 Label(紅字),開關掣係控制 C-1 的開關。早知就可以慳返無需要買新燈掣,將舊掣相中的兩條紅線拆走,而電源同燈就分別駁返去 C 和 1 就可以。
不過,拆開來睇的時候,發現並非如上面師兄所講的電源駁 C、燈駁去 1。光暗掣內的兩條紅線如相中接駁,但電源係駁去 1,而燈就駁去 L,原本個掣駁錯線?
其實我都不知有無分錯電線,因為拆開來睇,全部紅線,不過電源和燈兩條線,我暫且叫 A 和 B,我開返總掣後,將他錶校去 750V ac 檔,他錶兩枝針分別指去 A 同牆入面個金屬殼(應該是 Earth?),度到有 220V,如果兩枝針指去 B 同金屬殼就 0V,所以我判斷 A 係電源,而 B 係駁去燈。有無錯!?
|