kwliu

師兄，你意思係咪每次只開1條MCB，然後等個水總睇吓幾時跳？如果係，我諗我都做唔到，因為一共11個MCB， ...
5ocean 發表於 2020-4-28 11:38

11個MCB分兩組, A組off一兩日就可以縮小範圍將有問題果組再拆分.

5ocean

因為噚日屋外水總冇跳，所以啱啱係室內電箱度電壓三層都係224-226v，以前從未高過210v。上星期六跳水總時，明明睇到中電師傅係室外電箱度235-237v。

我懷疑中電4月9日係小區 (附近有5-6條村)可能係做升級工程，做完又冇入嚟我地條村度吓火箱電壓，所以高咗都唔知，同時我個水總太靈敏亦可能神神地，當電壓係下午時特然升少少就觸發個水總。

然後可能係我投訴咗，佢地噚日較返低，所以冇跳，總之都係估估吓，睇多幾日希望冇事。

5ocean

請教各位師兄，灰色果4隻connector行家點叫？因為都幾殘下，想叫中電換，另外地線connector亦都生晒銅綠，我想換咗佢，唔知係中電定係我自己負責？

5ocean

11個MCB分兩組, A組off一兩日就可以縮小範圍將有問題果組再拆分.
kwliu 發表於 2020-4-28 13:52

師兄，多謝指點，而加暫時唔駛做呢個測試，因為電壓正常返好多，而且一路冇跳，我再觀察吓，唔該哂!

5ocean

Update 吓

23/4 - 26/4，2:00pm-5:00pm 屋外水總每日會跳1次，reset後正常，
26/4 5:30pm 電壓235V-237V。

26/4 5:00pm reset 後至28/4 9:20pm(現在）冇跳過，
28/4 2:00pm-7:00pm 電壓224V-226V，9:00pm 電壓219V-220V

tseling

因為噚日屋外水總冇跳，所以啱啱係室內電箱度電壓三層都係224-226v，以前從未高過210v。上星期六跳水總時， ...
5ocean 發表於 2020-4-28 14:16

無咁易啦，如果要較低2xV，正常隻牛要停電做taping，停咗電先做到，其實同一隻牛負載會影響到你個電壓，反而建議師兄check下中性線有無問題及同接地相差電壓大唔大，另外你問灰色果舊係fuse，無問題正常唔會因外觀更換

ahuo

ching，你呢d屋企跳RCD的基本都可以確認係你自己或業主的設備電路有問題。
其實你應該揾c fu度下接地阻抗，買機就唔建議了。真係買黎用一次無謂。除非要價高過自己淘一隻。
另外學其他ching話，可以換曬所有1p MCB做1p+N的RCD+MCB。見過sch的可以做到10mA動作電流。比一般常見30mA的敏感唔少，就怕你線路舊，漏電。搞到更容易跳。但起碼都知邊組線路問題。另外可以淘隻平megger。睇下邊路電線有問題，呢個唔貴，可以買d平嘢有埋3萬用表功能的，多d用途唔會用一次就掉一邊。

ahuo

請教各位師兄，灰色果4隻connector行家點叫？因為都幾殘下，想叫中電換，另外地線connector亦都生晒銅綠， ...
5ocean 發表於 2020-4-28 14:48

左下的接地銅bar係業主的嘢。你夾埋其他業主、租戶大家停一停電可以隨時自己換。（指揾電工搞）
右邊大的係電力公司的fuse。你話殘，其實只係塵。你未見過更殘的，掣房的更殘都見過。呢d只要外觀同功能無缺陷電力公司係唔會換的。而且換咗都唔會對你跳水氣呢個問題有改善

5ocean

無咁易啦，如果要較低2xV，正常隻牛要停電做taping，停咗電先做到，其實同一隻牛負載會影響到你個電壓， ...
tseling 發表於 2020-4-28 21:30

多謝師兄指點，其實冇較低2XV咁多，可能你冇睇哂d文，我間村屋單相60A，以前電壓都係210V以下，4月9號，中電有停電通知（冇講做乜工程），停咗約5個鐘，跟著23/4-26/4每日下午水總就跳1次，連續4日，reset後正常，26/4中電師傅度235V-237V，話唔關佢地事。

之後到現在都末跳過，今日2:00pm-7:00pm我分時段度只係224V-226V，如果較低10V駛唔駛停電？或者應該問點解26/4 5:30pm 度235-237V，28/4 5:30pm 度224-226V，相差10V？

所以我懷疑23/4-26/4，唔知係咪電壓太高觸發水總。

我初初搬入嚟唔夠200V，中電換咗新牛先免強去到210V

5ocean

左下的接地銅bar係業主的嘢。你夾埋其他業主、租戶大家停一停電可以隨時自己換。（指揾電工搞）
右邊大的 ...
ahuo 發表於 2020-4-28 22:10

多謝師兄意見，其實4個fuse唔係外觀問題，4隻門都彈開哂，我只可以上返緊1個，3個上唔緊，同埋成舊嘢搖得，根本上唔緊後面塊板。