hofct

回覆 26# josew

多謝分享，小米d 家電真係咁上下。
之前買過佢個電水壺，又係唔鬼掂。(睇強國人既評論就捧佢上天，自己用完全另一回事)

tkt1307

回覆  josew

多謝分享，小米d 家電真係咁上下。
之前買過佢個電水壺，又係唔鬼掂。(睇強國人既評論就捧佢 ...
hofct 發表於 18/7/2018 11:50

個電水壼又點唔惦法?

josew

不同明火，係有佢不同明顯優勢，以前屋企用過燒柴，炭火，火水爐，打/噴氣火水爐，石油氣，反而好少用電熱類。以打/噴氣火水爐最猛火，但又最嘈。自己後期用煤氣為主，電磁爐只係輔助。

但係電磁爐有一好處，有定時功能，可以自動熄火，方便安全，
而且消費比起煤氣，可以低好多。

再加上參考左 無水煮食/無水烹調 方法之後，間接少用煤氣爐，甚至完全無用，但都要交 ＄19 最低基本月費，所以計劃唔用煤氣，轉晒用電磁爐。

無水煮食/無水烹調，少油少水方法，唔等於唔好食，不但可以原汁原味，對健康亦有好處，

Youtube 台灣有兩公婆推介，視頻比其他人多，亦較有系統，值得參考，
可以用 中，西，同混合煮法，做出各種傳統菜色。
關鍵字： 健康新煮流~有煮真好

不過開始時可能要習慣下，因講國語，多數有字幕，

irhk

個電水壼又點唔惦法?
tkt1307 發表於 2018-7-18 11:52

我都買咗恒温電水壼，用咗約一星期，其實$199當普通電水壼咁用已經唔錯，多咗WiFi功能可以做一啲保溫設定當bonus，唯一係水壼外冇水位刻度睇。

另外，電磁爐之後都買咗，昨日收咗件未開箱，原先都以為溫度可以作高溫低溫細分，睇完師兄報告，都唔想開住了。

via my mobile device

tkt1307

我都買咗恒温電水壼，用咗約一星期，其實$199當普通電水壼咁用已經唔錯，多咗WiFi功能可以做一啲保溫設定 ...
irhk 發表於 18/7/2018 15:28

有幾多人真係會用呢啲水煲當恆溫水壼用

dcc2000

既然講到小米隻電磁爐咁唔掂，有冇師兄諗住折讓出？

peterma

但係電磁爐有一好處，有定時功能，可以自動熄火，方便安全，
而且消費比起煤氣，可以低好多。 ...
josew 發表於 2018-7-18 12:12

消費比起煤氣爐平就冇錯, 畢竟熱力唔會好似明火爐咁在旁邊走左去
至於定時功能, 我家姐前排換左個煤氣爐, 三爐頭, 一主兩副, 主爐一樣有得set時間自動熄火

msko2003

用咗雙頭電磁爐已有一段時間，電磁爐有一個優點是明火爐點都唔會比到，就係煮緊餸時我老闆可以開大風扇向住自己吹到"恆"都無問題！

跟住買埋洗碗碟機後，以前夏天時每星期只會煮一~兩日飯到現在每星期煮到四~五日飯，慳咗錢又健康咗！